{"reader_html":"

JobChapter 12<\/span><\/h1>\n
^{1<\/sup>ὑπολαβὼν δὲ Ιωβ λέγει<\/span> <\/p>\n}
^{2<\/sup>εἶτα ὑμεῖς ἐστε ἄνθρωποι ἦ μεθ᾽ ὑμῶν τελευτήσει σοφία<\/span> <\/p>\n}
^{3<\/sup>κἀμοὶ μὲν καρδία καθ᾽ ὑμᾶς ἐστιν<\/span> <\/p>\n}
^{4<\/sup>δίκαιος γὰρ ἀνὴρ καὶ ἄμεμπτος ἐγενήθη εἰς χλεύασμα<\/span> <\/p>\n}
^{5<\/sup>εἰς χρόνον γὰρ τακτὸν ἡτοίμαστο πεσεῖν ὑπὸ ἄλλους οἴκους τε αὐτοῦ ἐκπορθεῖσθαι ὑπὸ ἀνόμων<\/span> <\/p>\n}
^{6<\/sup>οὐ μὴν δὲ ἀλλὰ μηδεὶς πεποιθέτω πονηρὸς ὢν ἀθῷος ἔσεσθαι ὅσοι παροργίζουσιν τὸν κύριον ὡς οὐχὶ καὶ ἔτασις αὐτῶν ἔσται<\/span> <\/p>\n}
^{7<\/sup>ἀλλὰ δὴ ἐπερώτησον τετράποδα ἐάν σοι εἴπωσιν πετεινὰ δὲ οὐρανοῦ ἐάν σοι ἀπαγγείλωσιν<\/span> <\/p>\n}
^{8<\/sup>ἐκδιήγησαι δὲ γῇ ἐάν σοι φράσῃ καὶ ἐξηγήσονταί σοι οἱ ἰχθύες τῆς θαλάσσης<\/span> <\/p>\n}
^{9<\/sup>τίς οὐκ ἔγνω ἐν πᾶσι τούτοις ὅτι χεὶρ κυρίου ἐποίησεν ταῦτα<\/span> <\/p>\n}
^{10<\/sup>εἰ μὴ ἐν χειρὶ αὐτοῦ ψυχὴ πάντων τῶν ζώντων καὶ πνεῦμα παντὸς ἀνθρώπου<\/span> <\/p>\n}
^{11<\/sup>οὖς μὲν γὰρ ῥήματα διακρίνει λάρυγξ δὲ σῖτα γεύεται<\/span> <\/p>\n}
^{12<\/sup>ἐν πολλῷ χρόνῳ σοφία ἐν δὲ πολλῷ βίῳ ἐπιστήμη<\/span> <\/p>\n}
^{13<\/sup>παρ᾽ αὐτῷ σοφία καὶ δύναμις αὐτῷ βουλὴ καὶ σύνεσις<\/span> <\/p>\n}
^{14<\/sup>ἐὰν καταβάλῃ τίς οἰκοδομήσει ἐὰν κλείσῃ κατὰ ἀνθρώπων τίς ἀνοίξει<\/span> <\/p>\n}
^{15<\/sup>ἐὰν κωλύσῃ τὸ ὥδωρ ξηρανεῖ τὴν γῆν ἐὰν δὲ ἐπαφῇ ἀπώλεσεν αὐτὴν καταστρέψας<\/span> <\/p>\n}
^{16<\/sup>παρ᾽ αὐτῷ κράτος καὶ ἰσχύς αὐτῷ ἐπιστήμη καὶ σύνεσις<\/span> <\/p>\n}
^{17<\/sup>διάγων βουλευτὰς αἰχμαλώτους κριτὰς δὲ γῆς ἐξέστησεν<\/span> <\/p>\n}
^{18<\/sup>καθιζάνων βασιλεῖς ἐπὶ θρόνους καὶ περιέδησεν ζώνῃ ὀσφύας αὐτῶν<\/span> <\/p>\n}
^{19<\/sup>ἐξαποστέλλων ἱερεῖς αἰχμαλώτους δυνάστας δὲ γῆς κατέστρεψεν<\/span> <\/p>\n}
^{20<\/sup>διαλλάσσων χείλη πιστῶν σύνεσιν δὲ πρεσβυτέρων ἔγνω<\/span> <\/p>\n}
^{21<\/sup>ἐκχέων ἀτιμίαν ἐπ᾽ ἄρχοντας ταπεινοὺς δὲ ἰάσατο<\/span> <\/p>\n}
^{22<\/sup>ἀνακαλύπτων βαθέα ἐκ σκότους ἐξήγαγεν δὲ εἰς φῶς σκιὰν θανάτου<\/span> <\/p>\n}
^{23<\/sup>πλανῶν ἔθνη καὶ ἀπολλύων αὐτά καταστρωννύων ἔθνη καὶ καθοδηγῶν αὐτά<\/span> <\/p>\n}
^{24<\/sup>διαλλάσσων καρδίας ἀρχόντων γῆς ἐπλάνησεν δὲ αὐτοὺς ὁδῷ ᾗ οὐκ ᾔδεισαν<\/span> <\/p>\n}
^{25<\/sup>ψηλαφήσαισαν σκότος καὶ μὴ φῶς πλανηθείησαν δὲ ὥσπερ ὁ μεθύων<\/span> <\/p>\n}
‹ Previous<\/a>Next ›<\/a><\/div>\n","page_title":"Job, Chapter 12 — Septuagint (LXX)","book_title":"Job","toolbar_title":"Job — Ch. 12","prev_url":"\/septuagint\/1\/18\/11","next_url":"\/septuagint\/1\/18\/13","tid":1,"book_id":18,"chapter":12,"num_chapters":42,"trans":"Septuagint","is_rtl":false,"strongs_data":{},"bsb_glosses":{},"book_name":"Job","canonical_url":"https:\/\/accept.gift\/septuagint\/1\/18\/12","meta_desc":"ὑπολαβὼν δὲ Ιωβ λέγει εἶτα ὑμεῖς ἐστε ἄνθρωποι ἦ μεθ᾽ ὑμῶν τελευτήσει σοφία κἀμοὶ μὲν καρδία καθ᾽ ὑμᾶς ἐστιν δίκαιος γὰρ ἀνὴρ καὶ ἄμεμπτος ἐγενήθη εἰς χλεύασ…"}