{"reader_html":"

JoshuaChapter 15<\/span><\/h1>\n

1<\/sup>καὶ ἐγένετο τὰ ὅρια φυλῆς Ιουδα κατὰ δήμους αὐτῶν ἀπὸ τῶν ὁρίων τῆς Ιδουμαίας ἀπὸ τῆς ἐρήμου Σιν ἕως Καδης πρὸς λίβα<\/span> <\/p>\n

2<\/sup>καὶ ἐγενήθη αὐτῶν τὰ ὅρια ἀπὸ λιβὸς ἕως μέρους τῆς θαλάσσης τῆς ἁλυκῆς ἀπὸ τῆς λοφιᾶς τῆς φερούσης ἐπὶ λίβα<\/span> <\/p>\n

3<\/sup>καὶ διαπορεύεται ἀπέναντι τῆς προσαναβάσεως Ακραβιν καὶ ἐκπεριπορεύεται Σεννα καὶ ἀναβαίνει ἀπὸ λιβὸς ἐπὶ Καδης Βαρνη καὶ ἐκπορεύεται Ασωρων καὶ προσαναβαίνει εἰς Αδδαρα καὶ περιπορεύεται τὴν κατὰ δυσμὰς Καδης<\/span> <\/p>\n

4<\/sup>καὶ πορεύεται ἐπὶ Ασεμωνα καὶ διεκβαλεῖ ἕως φάραγγος Αἰγύπτου καὶ ἔσται αὐτοῦ ἡ διέξοδος τῶν ὁρίων ἐπὶ τὴν θάλασσαν τοῦτό ἐστιν αὐτῶν ὅρια ἀπὸ λιβός<\/span> <\/p>\n

5<\/sup>καὶ τὰ ὅρια ἀπὸ ἀνατολῶν πᾶσα ἡ θάλασσα ἡ ἁλυκὴ ἕως τοῦ Ιορδάνου καὶ τὰ ὅρια αὐτῶν ἀπὸ βορρᾶ καὶ ἀπὸ τῆς λοφιᾶς τῆς θαλάσσης καὶ ἀπὸ τοῦ μέρους τοῦ Ιορδάνου<\/span> <\/p>\n

6<\/sup>ἐπιβαίνει τὰ ὅρια ἐπὶ Βαιθαγλα καὶ παραπορεύεται ἀπὸ βορρᾶ ἐπὶ Βαιθαραβα καὶ προσαναβαίνει τὰ ὅρια ἐπὶ λίθον Βαιων υἱοῦ Ρουβην<\/span> <\/p>\n

7<\/sup>καὶ προσαναβαίνει τὰ ὅρια ἐπὶ τὸ τέταρτον τῆς φάραγγος Αχωρ καὶ καταβαίνει ἐπὶ Γαλγαλ ἥ ἐστιν ἀπέναντι τῆς προσβάσεως Αδδαμιν ἥ ἐστιν κατὰ λίβα τῇ φάραγγι καὶ διεκβαλεῖ ἐπὶ τὸ ὕδωρ πηγῆς ἡλίου καὶ ἔσται αὐτοῦ ἡ διέξοδος πηγὴ Ρωγηλ<\/span> <\/p>\n

8<\/sup>καὶ ἀναβαίνει τὰ ὅρια εἰς φάραγγα Ονομ ἐπὶ νώτου Ιεβους ἀπὸ λιβός αὕτη ἐστὶν Ιερουσαλημ καὶ διεκβάλλει τὰ ὅρια ἐπὶ κορυφὴν ὄρους ἥ ἐστιν κατὰ πρόσωπον φάραγγος Ονομ πρὸς θαλάσσης ἥ ἐστιν ἐκ μέρους γῆς Ραφαϊν ἐπὶ βορρᾶ<\/span> <\/p>\n

9<\/sup>καὶ διεκβάλλει τὸ ὅριον ἀπὸ κορυφῆς τοῦ ὄρους ἐπὶ πηγὴν ὕδατος Ναφθω καὶ διεκβάλλει εἰς τὸ ὄρος Εφρων καὶ ἐξάξει τὸ ὅριον εἰς Βααλ αὕτη ἐστὶν πόλις Ιαριμ<\/span> <\/p>\n

10<\/sup>καὶ περιελεύσεται ὅριον ἀπὸ Βααλ ἐπὶ θάλασσαν καὶ παρελεύσεται εἰς ὄρος Ασσαρες ἐπὶ νώτου πόλιν Ιαριμ ἀπὸ βορρᾶ αὕτη ἐστὶν Χασλων καὶ καταβήσεται ἐπὶ Πόλιν ἡλίου καὶ παρελεύσεται ἐπὶ λίβα<\/span> <\/p>\n

11<\/sup>καὶ διεκβαλεῖ τὸ ὅριον κατὰ νώτου Ακκαρων ἐπὶ βορρᾶν καὶ διεκβαλεῖ τὰ ὅρια εἰς Σακχαρωνα καὶ παρελεύσεται ὄρος τῆς Βαλα καὶ διεκβαλεῖ ἐπὶ Ιαβνηλ καὶ ἔσται ἡ διέξοδος τῶν ὁρίων ἐπὶ θάλασσαν<\/span> <\/p>\n

12<\/sup>καὶ τὰ ὅρια αὐτῶν ἀπὸ θαλάσσης ἡ θάλασσα ἡ μεγάλη ὁριεῖ ταῦτα τὰ ὅρια υἱῶν Ιουδα κύκλῳ κατὰ δήμους αὐτῶν<\/span> <\/p>\n

13<\/sup>καὶ τῷ Χαλεβ υἱῷ Ιεφοννη ἔδωκεν μερίδα ἐν μέσῳ υἱῶν Ιουδα διὰ προστάγματος τοῦ θεοῦ καὶ ἔδωκεν αὐτῷ Ἰησοῦς τὴν πόλιν Αρβοκ μητρόπολιν Ενακ αὕτη ἐστὶν Χεβρων<\/span> <\/p>\n

14<\/sup>καὶ ἐξωλέθρευσεν ἐκεῖθεν Χαλεβ υἱὸς Ιεφοννη τοὺς τρεῖς υἱοὺς Ενακ τὸν Σουσι καὶ τὸν Θολμι καὶ τὸν Αχιμα<\/span> <\/p>\n

15<\/sup>καὶ ἀνέβη ἐκεῖθεν Χαλεβ ἐπὶ τοὺς κατοικοῦντας Δαβιρ τὸ δὲ ὄνομα Δαβιρ ἦν τὸ πρότερον Πόλις γραμμάτων<\/span> <\/p>\n

16<\/sup>καὶ εἶπεν Χαλεβ ὃς ἐὰν λάβῃ καὶ ἐκκόψῃ τὴν Πόλιν τῶν γραμμάτων καὶ κυριεύσῃ αὐτῆς δώσω αὐτῷ τὴν Αχσαν θυγατέρα μου εἰς γυναῖκα<\/span> <\/p>\n

17<\/sup>καὶ ἔλαβεν αὐτὴν Γοθονιηλ υἱὸς Κενεζ ἀδελφὸς Χαλεβ ὁ νεώτερος καὶ ἔδωκεν αὐτῷ τὴν Αχσαν θυγατέρα αὐτοῦ αὐτῷ γυναῖκα<\/span> <\/p>\n

18<\/sup>καὶ ἐγένετο ἐν τῷ εἰσπορεύεσθαι αὐτὴν καὶ συνεβουλεύσατο αὐτῷ λέγουσα αἰτήσομαι τὸν πατέρα μου ἀγρόν καὶ ἐβόησεν ἐκ τοῦ ὄνου καὶ εἶπεν αὐτῇ Χαλεβ τί ἐστίν σοι<\/span> <\/p>\n

19<\/sup>καὶ εἶπεν αὐτῷ δός μοι εὐλογίαν ὅτι εἰς γῆν Ναγεβ δέδωκάς με δός μοι τὴν Γολαθμαιν καὶ ἔδωκεν αὐτῇ Χαλεβ τὴν Γολαθμαιν τὴν ἄνω καὶ τὴν Γολαθμαιν τὴν κάτω<\/span> <\/p>\n

20<\/sup>αὕτη ἡ κληρονομία φυλῆς υἱῶν Ιουδα<\/span> <\/p>\n

21<\/sup>ἐγενήθησαν δὲ αἱ πόλεις αὐτῶν πόλις πρώτη φυλῆς υἱῶν Ιουδα ἐφ᾽ ὁρίων Εδωμ ἐπὶ τῆς ἐρήμου Καιβαισελεηλ καὶ Αρα καὶ Ασωρ<\/span> <\/p>\n

22<\/sup>καὶ Ικαμ καὶ Ρεγμα καὶ Αρουηλ<\/span> <\/p>\n

23<\/sup>καὶ Καδης καὶ Ασοριωναιν<\/span> <\/p>\n

24<\/sup>καὶ Μαιναμ καὶ Βαλμαιναν καὶ αἱ κῶμαι αὐτῶν<\/span> <\/p>\n

25<\/sup>καὶ αἱ πόλεις Ασερων αὕτη Ασωρ<\/span> <\/p>\n

26<\/sup>καὶ Σην καὶ Σαλμαα καὶ Μωλαδα<\/span> <\/p>\n

27<\/sup>καὶ Σερι καὶ Βαιφαλαδ<\/span> <\/p>\n

28<\/sup>καὶ Χολασεωλα καὶ Βηρσαβεε καὶ αἱ κῶμαι αὐτῶν καὶ αἱ ἐπαύλεις αὐτῶν<\/span> <\/p>\n

29<\/sup>Βαλα καὶ Βακωκ καὶ Ασομ<\/span> <\/p>\n

30<\/sup>καὶ Ελβωυδαδ καὶ Βαιθηλ καὶ Ερμα<\/span> <\/p>\n

31<\/sup>καὶ Σεκελακ καὶ Μαχαριμ καὶ Σεθεννακ<\/span> <\/p>\n

32<\/sup>καὶ Λαβως καὶ Σαλη καὶ Ερωμωθ πόλεις κθ# καὶ αἱ κῶμαι αὐτῶν<\/span> <\/p>\n

33<\/sup>ἐν τῇ πεδινῇ Ασταωλ καὶ Ραα καὶ Ασσα<\/span> <\/p>\n

34<\/sup>καὶ Ραμεν καὶ Τανω καὶ Ιλουθωθ καὶ Μαιανι<\/span> <\/p>\n

35<\/sup>καὶ Ιερμουθ καὶ Οδολλαμ καὶ Μεμβρα καὶ Σαωχω καὶ Αζηκα<\/span> <\/p>\n

36<\/sup>καὶ Σακαριμ καὶ Γαδηρα καὶ αἱ ἐπαύλεις αὐτῆς πόλεις δέκα τέσσαρες καὶ αἱ κῶμαι αὐτῶν<\/span> <\/p>\n

37<\/sup>Σεννα καὶ Αδασαν καὶ Μαγαδαγαδ<\/span> <\/p>\n

38<\/sup>καὶ Δαλαλ καὶ Μασφα καὶ Ιακαρεηλ<\/span> <\/p>\n

39<\/sup>καὶ Λαχης καὶ Βασηδωθ καὶ Ιδεαδαλεα<\/span> <\/p>\n

40<\/sup>καὶ Χαβρα καὶ Μαχες καὶ Μααχως<\/span> <\/p>\n

41<\/sup>καὶ Γεδδωρ καὶ Βαγαδιηλ καὶ Νωμαν καὶ Μακηδαν πόλεις δεκαὲξ καὶ αἱ κῶμαι αὐτῶν<\/span> <\/p>\n

42<\/sup>Λεμνα καὶ Ιθακ<\/span> <\/p>\n

43<\/sup>καὶ Ανωχ καὶ Ιανα καὶ Νασιβ<\/span> <\/p>\n

44<\/sup>καὶ Κεϊλαμ καὶ Ακιεζι καὶ Κεζιβ καὶ Βαθησαρ καὶ Αιλων πόλεις δέκα καὶ αἱ κῶμαι αὐτῶν<\/span> <\/p>\n

45<\/sup>Ακκαρων καὶ αἱ κῶμαι αὐτῆς καὶ αἱ ἐπαύλεις αὐτῶν<\/span> <\/p>\n

46<\/sup>ἀπὸ Ακκαρων Γεμνα καὶ πᾶσαι ὅσαι εἰσὶν πλησίον Ασηδωθ καὶ αἱ κῶμαι αὐτῶν<\/span> <\/p>\n

47<\/sup>Ασιεδωθ καὶ αἱ κῶμαι αὐτῆς καὶ αἱ ἐπαύλεις αὐτῆς Γάζα καὶ αἱ κῶμαι αὐτῆς καὶ αἱ ἐπαύλεις αὐτῆς ἕως τοῦ χειμάρρου Αἰγύπτου καὶ ἡ θάλασσα ἡ μεγάλη διορίζει<\/span> <\/p>\n

48<\/sup>καὶ ἐν τῇ ὀρεινῇ Σαμιρ καὶ Ιεθερ καὶ Σωχα<\/span> <\/p>\n

49<\/sup>καὶ Ρεννα καὶ Πόλις γραμμάτων αὕτη Δαβιρ<\/span> <\/p>\n

50<\/sup>καὶ Ανων καὶ Εσκαιμαν καὶ Αισαμ<\/span> <\/p>\n

51<\/sup>καὶ Γοσομ καὶ Χαλου καὶ Χαννα πόλεις ἕνδεκα καὶ αἱ κῶμαι αὐτῶν<\/span> <\/p>\n

52<\/sup>Αιρεμ καὶ Ρεμνα καὶ Σομα<\/span> <\/p>\n

53<\/sup>καὶ Ιεμαϊν καὶ Βαιθαχου καὶ Φακουα<\/span> <\/p>\n

54<\/sup>καὶ Ευμα καὶ πόλις Αρβοκ αὕτη ἐστὶν Χεβρων καὶ Σωρθ πόλεις ἐννέα καὶ αἱ ἐπαύλεις αὐτῶν<\/span> <\/p>\n

55<\/sup>Μαωρ καὶ Χερμελ καὶ Οζιβ καὶ Ιταν<\/span> <\/p>\n

56<\/sup>καὶ Ιαριηλ καὶ Ιαρικαμ καὶ Ζακαναϊμ<\/span> <\/p>\n

57<\/sup>καὶ Γαβαα καὶ Θαμναθα πόλεις ἐννέα καὶ αἱ κῶμαι αὐτῶν<\/span> <\/p>\n

58<\/sup>Αλουα καὶ Βαιθσουρ καὶ Γεδδων<\/span> <\/p>\n

59<\/sup>καὶ Μαγαρωθ καὶ Βαιθαναμ καὶ Θεκουμ πόλεις ἓξ καὶ αἱ κῶμαι αὐτῶν ~ Θεκω καὶ Εφραθα αὕτη ἐστὶν Βαιθλεεμ καὶ Φαγωρ καὶ Αιταν καὶ Κουλον καὶ Ταταμ καὶ Εωβης καὶ Καρεμ καὶ Γαλεμ καὶ Θεθηρ καὶ Μανοχω πόλεις ἕνδεκα καὶ αἱ κῶμαι αὐτῶν<\/span> <\/p>\n

60<\/sup>Καριαθβααλ αὕτη ἡ πόλις Ιαριμ καὶ Σωθηβα πόλεις δύο καὶ αἱ ἐπαύλεις αὐτῶν<\/span> <\/p>\n

61<\/sup>καὶ Βαδδαργις καὶ Θαραβααμ καὶ Αινων καὶ Αιχιοζα<\/span> <\/p>\n

62<\/sup>καὶ Ναφλαζων καὶ αἱ πόλεις Σαδωμ καὶ Ανκαδης πόλεις ἑπτὰ καὶ αἱ κῶμαι αὐτῶν<\/span> <\/p>\n

63<\/sup>καὶ ὁ Ιεβουσαῖος κατῴκει ἐν Ιερουσαλημ καὶ οὐκ ἠδυνάσθησαν οἱ υἱοὶ Ιουδα ἀπολέσαι αὐτούς καὶ κατῴκησαν οἱ Ιεβουσαῖοι ἐν Ιερουσαλημ ἕως τῆς ἡμέρας ἐκείνης<\/span> <\/p>\n

‹ Previous<\/a>Next ›<\/a><\/div>\n","page_title":"Joshua, Chapter 15 — Septuagint (LXX)","book_title":"Joshua","toolbar_title":"Joshua — Ch. 15","prev_url":"\/septuagint\/1\/6\/14","next_url":"\/septuagint\/1\/6\/16","tid":1,"book_id":6,"chapter":15,"num_chapters":24,"trans":"Septuagint","is_rtl":false,"strongs_data":{},"bsb_glosses":{},"book_name":"Joshua","canonical_url":"https:\/\/accept.gift\/septuagint\/1\/6\/15","meta_desc":"καὶ ἐγένετο τὰ ὅρια φυλῆς Ιουδα κατὰ δήμους αὐτῶν ἀπὸ τῶν ὁρίων τῆς Ιδουμαίας ἀπὸ τῆς ἐρήμου Σιν ἕως Καδης πρὸς λίβα καὶ ἐγενήθη αὐτῶν τὰ ὅρια ἀπὸ λιβὸς ἕως…"}