1<\/sup>וּבְכָל־זֹ֕את אֲנַ֛חְנוּ כֹּרְתִ֥ים אֲמָנָ֖ה וְכֹתְבִ֑ים וְעַל֙ הֶֽחָת֔וּם שָׂרֵ֥ינוּ לְוִיֵּ֖נוּ כֹּהֲנֵֽינוּ׃<\/span> <\/p>\n 2<\/sup>וְעַ֖ל הַחֲתוּמִ֑ים נְחֶמְיָ֧ה הַתִּרְשָׁ֛תָא בֶּן־חֲכַלְיָ֖ה וְצִדְקִיָּֽה׃<\/span> <\/p>\n 3<\/sup>שְׂרָיָ֥ה עֲזַרְיָ֖ה יִרְמְיָֽה׃<\/span> <\/p>\n 4<\/sup>פַּשְׁח֥וּר אֲמַרְיָ֖ה מַלְכִּיָּֽה׃<\/span> <\/p>\n 5<\/sup>חַטּ֥וּשׁ שְׁבַנְיָ֖ה מַלּֽוּךְ׃<\/span> <\/p>\n 6<\/sup>חָרִ֥ם מְרֵמֹ֖ות עֹֽבַדְיָֽה׃<\/span> <\/p>\n 7<\/sup>דָּנִיֵּ֥אל גִּנְּתֹ֖ון בָּרֽוּךְ׃<\/span> <\/p>\n 8<\/sup>מְשֻׁלָּ֥ם אֲבִיָּ֖ה מִיָּמִֽן׃<\/span> <\/p>\n 9<\/sup>מַֽעַזְיָ֥ה בִלְגַּ֖י שְׁמַֽעְיָ֑ה אֵ֖לֶּה הַכֹּהֲנִֽים׃<\/span> <\/p>\n 10<\/sup>וְֽהַלְוִיִּ֑ם וְיֵשׁ֙וּעַ֙ בֶּן־אֲזַנְיָ֔ה בִּנּ֕וּי מִבְּנֵ֥י חֵנָדָ֖ד קַדְמִיאֵֽל׃<\/span> <\/p>\n 11<\/sup>וַאֲחֵיהֶ֑ם שְׁבַנְיָ֧ה הֹֽודִיָּ֛ה קְלִיטָ֖א פְּלָאיָ֥ה חָנָֽן׃<\/span> <\/p>\n 12<\/sup>מִיכָ֥א רְחֹ֖וב חֲשַׁבְיָֽה׃<\/span> <\/p>\n 13<\/sup>זַכּ֥וּר שֵׁרֵֽבְיָ֖ה שְׁבַנְיָֽה׃<\/span> <\/p>\n 14<\/sup>הֹודִיָּ֥ה בָנִ֖י בְּנִֽינוּ׃<\/span> <\/p>\n 15<\/sup>רָאשֵׁ֖י הָעָ֑ם פַּרְעֹשׁ֙ פַּחַ֣ת מֹואָ֔ב עֵילָ֥ם זַתּ֖וּא בָּנִֽי׃<\/span> <\/p>\n 16<\/sup>בֻּנִּ֥י עַזְגָּ֖ד בֵּבָֽי׃<\/span> <\/p>\n 17<\/sup>אֲדֹנִיָּ֥ה בִגְוַ֖י עָדִֽין׃<\/span> <\/p>\n 18<\/sup>אָטֵ֥ר חִזְקִיָּ֖ה עַזּֽוּר׃<\/span> <\/p>\n 19<\/sup>הֹודִיָּ֥ה חָשֻׁ֖ם בֵּצָֽי׃<\/span> <\/p>\n 20<\/sup>חָרִ֥יף עֲנָתֹ֖ות נֹובָי נֵיבָֽי׃<\/span> <\/p>\n 21<\/sup>מַגְפִּיעָ֥שׁ מְשֻׁלָּ֖ם חֵזִֽיר׃<\/span> <\/p>\n 22<\/sup>מְשֵׁיזַבְאֵ֥ל צָדֹ֖וק יַדּֽוּעַ׃<\/span> <\/p>\n 23<\/sup>פְּלַטְיָ֥ה חָנָ֖ן עֲנָיָֽה׃<\/span> <\/p>\n 24<\/sup>הֹושֵׁ֥עַ חֲנַנְיָ֖ה חַשּֽׁוּב׃<\/span> <\/p>\n 25<\/sup>הַלֹּוחֵ֥שׁ פִּלְחָ֖א שֹׁובֵֽק׃<\/span> <\/p>\n 26<\/sup>רְח֥וּם חֲשַׁבְנָ֖ה מַעֲשֵׂיָֽה׃<\/span> <\/p>\n 27<\/sup>וַאֲחִיָּ֥ה חָנָ֖ן עָנָֽן׃<\/span> <\/p>\n 28<\/sup>מַלּ֥וּךְ חָרִ֖ם בַּעֲנָֽה׃<\/span> <\/p>\n 29<\/sup>וּשְׁאָ֣ר הָעָ֡ם הַכֹּהֲנִ֣ים הַ֠לְוִיִּם הַשֹּׁועֲרִ֨ים הַמְשֹׁרְרִ֜ים הַנְּתִינִ֗ים וְֽכָל־הַנִּבְדָּ֞ל מֵעַמֵּ֤י הָאֲרָצֹות֙ אֶל־תֹּורַ֣ת הָאֱלֹהִ֔ים נְשֵׁיהֶ֖ם בְּנֵיהֶ֣ם וּבְנֹתֵיהֶ֑ם כֹּ֖ל יֹודֵ֥עַ מֵבִֽין׃<\/span> <\/p>\n 30<\/sup>מַחֲזִיקִ֣ים עַל־אֲחֵיהֶם֮ אַדִּירֵיהֶם֒ וּבָאִ֞ים בְּאָלָ֣ה וּבִשְׁבוּעָ֗ה לָלֶ֙כֶת֙ בְּתֹורַ֣ת הָאֱלֹהִ֔ים אֲשֶׁ֣ר נִתְּנָ֔ה בְּיַ֖ד מֹשֶׁ֣ה עֶֽבֶד־הָֽאֱלֹהִ֑ים וְלִשְׁמֹ֣ור וְלַעֲשֹׂ֗ות אֶת־כָּל־מִצְוֹת֙ יְהוָ֣ה אֲדֹנֵ֔ינוּ וּמִשְׁפָּטָ֖יו וְחֻקָּֽיו׃<\/span> <\/p>\n 31<\/sup>וַאֲשֶׁ֛ר לֹא־נִתֵּ֥ן בְּנֹתֵ֖ינוּ לְעַמֵּ֣י הָאָ֑רֶץ וְאֶת־בְּנֹ֣תֵיהֶ֔ם לֹ֥א נִקַּ֖ח לְבָנֵֽינוּ׃<\/span> <\/p>\n 32<\/sup>וְעַמֵּ֣י הָאָ֡רֶץ הַֽמְבִיאִים֩ אֶת־הַמַּקָּחֹ֨ות וְכָל־שֶׁ֜בֶר בְּיֹ֤ום הַשַּׁבָּת֙ לִמְכֹּ֔ור לֹא־נִקַּ֥ח מֵהֶ֛ם בַּשַּׁבָּ֖ת וּבְיֹ֣ום קֹ֑דֶשׁ וְנִטֹּ֛שׁ אֶת־הַשָּׁנָ֥ה הַשְּׁבִיעִ֖ית וּמַשָּׁ֥א כָל־יָֽד׃<\/span> <\/p>\n 33<\/sup>וְהֶעֱמַ֤דְנוּ עָלֵ֙ינוּ֙ מִצְוֹ֔ת לָתֵ֥ת עָלֵ֛ינוּ שְׁלִשִׁ֥ית הַשֶּׁ֖קֶל בַּשָּׁנָ֑ה לַעֲבֹדַ֖ת בֵּ֥ית אֱלֹהֵֽינוּ׃<\/span> <\/p>\n 34<\/sup>לְלֶ֣חֶם הַֽמַּעֲרֶ֡כֶת וּמִנְחַ֣ת הַתָּמִ֣יד וּלְעֹולַ֣ת הַ֠תָּמִיד הַשַּׁבָּתֹ֨ות הֶחֳדָשִׁ֜ים לַמֹּועֲדִ֗ים וְלַקֳּדָשִׁים֙ וְלַ֣חַטָּאֹ֔ות לְכַפֵּ֖ר עַל־יִשְׂרָאֵ֑ל וְכֹ֖ל מְלֶ֥אכֶת בֵּית־אֱלֹהֵֽינוּ׃<\/span> <\/p>\n 35<\/sup>וְהַגֹּורָלֹ֨ות הִפַּ֜לְנוּ עַל־קֻרְבַּ֣ן הָעֵצִ֗ים הַכֹּהֲנִ֣ים הַלְוִיִּם֮ וְהָעָם֒ לְ֠הָבִיא לְבֵ֨ית אֱלֹהֵ֧ינוּ לְבֵית־אֲבֹתֵ֛ינוּ לְעִתִּ֥ים מְזֻמָּנִ֖ים שָׁנָ֣ה בְשָׁנָ֑ה לְבַעֵ֗ר עַל־מִזְבַּח֙ יְהוָ֣ה אֱלֹהֵ֔ינוּ כַּכָּת֖וּב בַּתֹּורָֽה׃<\/span> <\/p>\n 36<\/sup>וּלְהָבִ֞יא אֶת־בִּכּוּרֵ֣י אַדְמָתֵ֗נוּ וּבִכּוּרֵ֛י כָּל־פְּרִ֥י כָל־עֵ֖ץ שָׁנָ֣ה בְשָׁנָ֑ה לְבֵ֖ית יְהוָֽה׃<\/span> <\/p>\n 37<\/sup>וְאֶת־בְּכֹרֹ֤ות בָּנֵ֙ינוּ֙ וּבְהֶמְתֵּ֔ינוּ כַּכָּת֖וּב בַּתֹּורָ֑ה וְאֶת־בְּכֹורֵ֨י בְקָרֵ֜ינוּ וְצֹאנֵ֗ינוּ לְהָבִיא֙ לְבֵ֣ית אֱלֹהֵ֔ינוּ לַכֹּ֣הֲנִ֔ים הַמְשָׁרְתִ֖ים בְּבֵ֥ית אֱלֹהֵֽינוּ׃<\/span> <\/p>\n 38<\/sup>וְאֶת־רֵאשִׁ֣ית עֲרִיסֹתֵ֣ינוּ וּ֠תְרוּמֹתֵינוּ וּפְרִ֨י כָל־עֵ֜ץ תִּירֹ֣ושׁ וְיִצְהָ֗ר נָבִ֤יא לַכֹּהֲנִים֙ אֶל־לִשְׁכֹ֣ות בֵּית־אֱלֹהֵ֔ינוּ וּמַעְשַׂ֥ר אַדְמָתֵ֖נוּ לַלְוִיִּ֑ם וְהֵם֙ הַלְוִיִּ֔ם הַֽמְעַשְּׂרִ֔ים בְּכֹ֖ל עָרֵ֥י עֲבֹדָתֵֽנוּ׃<\/span> <\/p>\n 39<\/sup>וְהָיָ֨ה הַכֹּהֵ֧ן בֶּֽן־אַהֲרֹ֛ן עִם־הַלְוִיִּ֖ם בַּעְשֵׂ֣ר הַלְוִיִּ֑ם וְהַלְוִיִּ֞ם יַעֲל֨וּ אֶת־מַעֲשַׂ֤ר הַֽמַּעֲשֵׂר֙ לְבֵ֣ית אֱלֹהֵ֔ינוּ אֶל־הַלְּשָׁכֹ֖ות לְבֵ֥ית הָאֹוצָֽר׃<\/span> <\/p>\n 40<\/sup>כִּ֣י אֶל־הַ֠לְּשָׁכֹות יָבִ֨יאוּ בְנֵי־יִשְׂרָאֵ֜ל וּבְנֵ֣י הַלֵּוִ֗י אֶת־תְּרוּמַ֣ת הַדָּגָן֮ הַתִּירֹ֣ושׁ וְהַיִּצְהָר֒ וְשָׁם֙ כְּלֵ֣י הַמִּקְדָּ֔שׁ וְהַכֹּהֲנִים֙ הַמְשָׁ֣רְתִ֔ים וְהַשֹּׁועֲרִ֖ים וְהַמְשֹׁרְרִ֑ים וְלֹ֥א נַעֲזֹ֖ב אֶת־בֵּ֥ית אֱלֹהֵֽינוּ׃<\/span> <\/p>\n