{"reader_html":"

JobChapter 26<\/span><\/h1>\n

1<\/sup>וַיַּ֥עַן אִיֹּ֗וב וַיֹּאמַֽר׃<\/span> <\/p>\n

2<\/sup>מֶה־עָזַ֥רְתָּ לְלֹא־כֹ֑חַ הֹ֝ושַׁ֗עְתָּ זְרֹ֣ועַ לֹא־עֹֽז׃<\/span> <\/p>\n

3<\/sup>מַה־יָּ֭עַצְתָּ לְלֹ֣א חָכְמָ֑ה וְ֝תוּשִׁיָּ֗ה לָרֹ֥ב הֹודָֽעְתָּ׃<\/span> <\/p>\n

4<\/sup>אֶת־מִ֭י הִגַּ֣דְתָּ מִלִּ֑ין וְנִשְׁמַת־מִ֝י יָצְאָ֥ה מִמֶּֽךָּ׃<\/span> <\/p>\n

5<\/sup>הָרְפָאִ֥ים יְחֹולָ֑לוּ מִתַּ֥חַת מַ֝֗יִם וְשֹׁכְנֵיהֶֽם׃<\/span> <\/p>\n

6<\/sup>עָרֹ֣ום שְׁאֹ֣ול נֶגְדֹּ֑ו וְאֵ֥ין כְּ֝ס֗וּת לָֽאֲבַדֹּֽון׃<\/span> <\/p>\n

7<\/sup>נֹטֶ֣ה צָפֹ֣ון עַל־תֹּ֑הוּ תֹּ֥לֶה אֶ֝֗רֶץ עַל־בְּלִי־מָֽה׃<\/span> <\/p>\n

8<\/sup>צֹרֵֽר־מַ֥יִם בְּעָבָ֑יו וְלֹא־נִבְקַ֖ע עָנָ֣ן תַּחְתָּֽם׃<\/span> <\/p>\n

9<\/sup>מְאַחֵ֥ז פְּנֵי־כִסֵּ֑ה פַּרְשֵׁ֖ז עָלָ֣יו עֲנָנֹֽו׃<\/span> <\/p>\n

10<\/sup>חֹֽק־חָ֭ג עַל־פְּנֵי־מָ֑יִם עַד־תַּכְלִ֖ית אֹ֣ור עִם־חֹֽשֶׁךְ׃<\/span> <\/p>\n

11<\/sup>עַמּוּדֵ֣י שָׁמַ֣יִם יְרֹופָ֑פוּ וְ֝יִתְמְה֗וּ מִגַּעֲרָתֹֽו׃<\/span> <\/p>\n

12<\/sup>בְּ֭כֹחֹו רָגַ֣ע הַיָּ֑ם וּבִתוּבְנָתֹו וּ֝בִתְבוּנָתֹ֗ו מָ֣חַץ רָֽהַב׃<\/span> <\/p>\n

13<\/sup>בְּ֭רוּחֹו שָׁמַ֣יִם שִׁפְרָ֑ה חֹֽלֲלָ֥ה3 יָ֝דֹ֗ו נָחָ֥שׁ בָּרִֽיחַ׃<\/span> <\/p>\n

14<\/sup>הֶן־אֵ֤לֶּה׀ קְצֹ֬ות דַּרְכֹּו דְּרָכָ֗יו וּמַה־שֵּׁ֣מֶץ דָּ֭בָר נִשְׁמַע־בֹּ֑ו וְרַ֥עַם גְּבוּרָתֹו גְּ֝בוּרֹותָ֗יו3 מִ֣י יִתְבֹּונָֽן׃<\/span> <\/p>\n

‹ Previous<\/a>Next ›<\/a><\/div>\n","page_title":"Job, Chapter 26 — Hebrew Tanakh","book_title":"Job","toolbar_title":"Job — Ch. 26","prev_url":"\/tanakh\/1\/18\/25","next_url":"\/tanakh\/1\/18\/27","tid":1,"book_id":18,"chapter":26,"num_chapters":42,"trans":"Tanakh","is_rtl":true,"strongs_data":{},"bsb_glosses":{},"book_name":"Job","canonical_url":"https:\/\/accept.gift\/tanakh\/1\/18\/26","meta_desc":"וַיַּ֥עַן אִיֹּ֗וב וַיֹּאמַֽר׃ מֶה־עָזַ֥רְתָּ לְלֹא־כֹ֑חַ הֹ֝ושַׁ֗עְתָּ זְרֹ֣ועַ לֹא־עֹֽז׃ מַה־יָּ֭עַצְתָּ לְלֹ֣א חָכְמָ֑ה וְ֝תוּשִׁיָּ֗ה לָרֹ֥ב הֹודָֽעְתָּ׃…"}