{"reader_html":"

JobChapter 35<\/span><\/h1>\n

1<\/sup>וַיַּ֥עַן אֱלִיה֗וּ וַיֹּאמַֽר׃<\/span> <\/p>\n

2<\/sup>הֲ֭זֹאת חָשַׁ֣בְתָּ לְמִשְׁפָּ֑ט אָ֝מַ֗רְתָּ צִדְקִ֥י מֵאֵֽל׃<\/span> <\/p>\n

3<\/sup>כִּֽי־תֹ֭אמַר3 מַה־יִּסְכָּן־לָ֑ךְ מָֽה־אֹ֝עִ֗יל מֵֽחַטָּאתִֽי׃<\/span> <\/p>\n

4<\/sup>אֲ֭נִי אֲשִֽׁיבְךָ֣ מִלִּ֑ין וְֽאֶת־רֵעֶ֥יךָ עִמָּֽךְ׃<\/span> <\/p>\n

5<\/sup>הַבֵּ֣ט שָׁמַ֣יִם וּרְאֵ֑ה וְשׁ֥וּר חָקִ֗ים גָּבְה֥וּ מִמֶּֽךָּ׃<\/span> <\/p>\n

6<\/sup>אִם־חָ֭טָאתָ מַה־תִּפְעָל־בֹּ֑ו וְרַבּ֥וּ פְ֝שָׁעֶ֗יךָ מַה־תַּעֲשֶׂה־לֹּֽו׃<\/span> <\/p>\n

7<\/sup>אִם־צָ֭דַקְתָּ מַה־תִּתֶּן־לֹ֑ו אֹ֥ו3 מַה־מִיָּדְךָ֥ יִקָּֽח׃<\/span> <\/p>\n

8<\/sup>לְאִישׁ־כָּמֹ֥וךָ רִשְׁעֶ֑ךָ וּלְבֶן־אָ֝דָ֗ם צִדְקָתֶֽךָ׃<\/span> <\/p>\n

9<\/sup>מֵ֭רֹב עֲשׁוּקִ֣ים יַזְעִ֑יקוּ יְשַׁוְּע֖וּ מִזְּרֹ֣ועַ רַבִּֽים׃<\/span> <\/p>\n

10<\/sup>וְֽלֹא־אָמַ֗ר אַ֭יֵּה אֱלֹ֣והַּ עֹשָׂ֑י נֹתֵ֖ן זְמִרֹ֣ות בַּלָּֽיְלָה׃<\/span> <\/p>\n

11<\/sup>מַ֭לְּפֵנוּ מִבַּהֲמֹ֣ות אָ֑רֶץ וּמֵעֹ֖וף הַשָּׁמַ֣יִם יְחַכְּמֵֽנוּ׃<\/span> <\/p>\n

12<\/sup>שָׁ֣ם יִ֭צְעֲקוּ וְלֹ֣א יַעֲנֶ֑ה מִ֝פְּנֵ֗י גְּאֹ֣ון רָעִֽים׃<\/span> <\/p>\n

13<\/sup>אַךשְָ֭־וְא לֹא־יִשְׁמַ֥ע׀ אֵ֑ל וְ֝שַׁדַּ֗י לֹ֣א יְשׁוּרֶֽנָּה׃<\/span> <\/p>\n

14<\/sup>אַ֣ף כִּֽי־תֹ֖אמַר לֹ֣א תְשׁוּרֶ֑נּוּ דִּ֥ין לְ֝פָנָ֗יו וּתְחֹ֥ולֵֽל3 לֹֽו׃<\/span> <\/p>\n

15<\/sup>וְעַתָּ֗ה כִּי־אַ֭יִן פָּקַ֣ד אַפֹּ֑ו וְלֹֽא־יָדַ֖ע בַּפַּ֣שׁ מְאֹֽד׃<\/span> <\/p>\n

16<\/sup>וְ֭אִיֹּוב הֶ֣בֶל יִפְצֶה־פִּ֑יהוּ בִּבְלִי־דַ֝֗עַת מִלִּ֥ין יַכְבִּֽר׃<\/span> <\/p>\n

‹ Previous<\/a>Next ›<\/a><\/div>\n","page_title":"Job, Chapter 35 — Hebrew Tanakh","book_title":"Job","toolbar_title":"Job — Ch. 35","prev_url":"\/tanakh\/1\/18\/34","next_url":"\/tanakh\/1\/18\/36","tid":1,"book_id":18,"chapter":35,"num_chapters":42,"trans":"Tanakh","is_rtl":true,"strongs_data":{},"bsb_glosses":{},"book_name":"Job","canonical_url":"https:\/\/accept.gift\/tanakh\/1\/18\/35","meta_desc":"וַיַּ֥עַן אֱלִיה֗וּ וַיֹּאמַֽר׃ הֲ֭זֹאת חָשַׁ֣בְתָּ לְמִשְׁפָּ֑ט אָ֝מַ֗רְתָּ צִדְקִ֥י מֵאֵֽל׃ כִּֽי־תֹ֭אמַר3 מַה־יִּסְכָּן־לָ֑ךְ מָֽה־אֹ֝עִ֗יל מֵֽחַטָּאתִֽי׃…"}