{"reader_html":"

PsalmsChapter 11<\/span><\/h1>\n

1<\/sup>לַמְנַצֵּ֗חַ לְדָ֫וִ֥ד בַּֽיהוָ֨ה׀ חָסִ֗יתִי אֵ֭יךְ תֹּאמְר֣וּ לְנַפְשִׁ֑י נוּדוּ נ֝֗וּדִי הַרְכֶ֥ם צִפֹּֽור׃<\/span> <\/p>\n

2<\/sup>כִּ֤י הִנֵּ֪ה3 הָרְשָׁעִ֡ים יִדְרְכ֬וּן קֶ֗שֶׁת כֹּונְנ֣וּ חִצָּ֣ם עַל־יֶ֑תֶר לִירֹ֥ות בְּמֹו־אֹ֝֗פֶל לְיִשְׁרֵי־לֵֽב׃<\/span> <\/p>\n

3<\/sup>כִּ֣י הַ֭שָּׁתֹות יֵֽהָרֵס֑וּן צַ֝דִּ֗יק מַה־פָּעָֽל׃<\/span> <\/p>\n

4<\/sup>יְהוָ֤ה׀ בְּֽהֵ֘יכַ֤ל קָדְשֹׁ֗ו יְהוָה֮ בַּשָּׁמַ֪יִם כִּ֫סְאֹ֥ו עֵינָ֥יו יֶחֱז֑וּ עַפְעַפָּ֥יו יִ֝בְחֲנ֗וּ בְּנֵ֣י אָדָֽם׃<\/span> <\/p>\n

5<\/sup>יְהוָה֮ צַדִּ֪יק יִ֫בְחָ֥ן וְ֭רָשָׁע וְאֹהֵ֣ב חָמָ֑ס שָֽׂנְאָ֥ה נַפְשֹֽׁו׃<\/span> <\/p>\n

6<\/sup>יַמְטֵ֥ר עַל־רְשָׁעִ֗ים פַּ֫חִ֥ים אֵ֣שׁ וְ֭גָפְרִית וְר֥וּחַ זִלְעָפֹ֗ות מְנָ֣ת כֹּוסָֽם׃<\/span> <\/p>\n

7<\/sup>כִּֽי־צַדִּ֣יק יְ֭הוָה צְדָקֹ֣ות אָהֵ֑ב יָ֝שָׁ֗ר יֶחֱז֥וּ פָנֵֽימֹו׃<\/span> <\/p>\n

‹ Previous<\/a>Next ›<\/a><\/div>\n","page_title":"Psalms, Chapter 11 — Hebrew Tanakh","book_title":"Psalms","toolbar_title":"Psalms — Ch. 11","prev_url":"\/tanakh\/1\/19\/10","next_url":"\/tanakh\/1\/19\/12","tid":1,"book_id":19,"chapter":11,"num_chapters":150,"trans":"Tanakh","is_rtl":true,"strongs_data":{},"bsb_glosses":{},"book_name":"Psalms","canonical_url":"https:\/\/accept.gift\/tanakh\/1\/19\/11","meta_desc":"לַמְנַצֵּ֗חַ לְדָ֫וִ֥ד בַּֽיהוָ֨ה׀ חָסִ֗יתִי אֵ֭יךְ תֹּאמְר֣וּ לְנַפְשִׁ֑י נוּדוּ נ֝֗וּדִי הַרְכֶ֥ם צִפֹּֽור׃ כִּ֤י הִנֵּ֪ה3 הָרְשָׁעִ֡ים יִדְרְכ֬וּן קֶ֗שֶׁת…"}