{"reader_html":"<h1 class=\"chapter-heading\">2 Samuel<span class=\"chapter-label\">Chapter 19<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,10,19,1,&quot;2 Samuel&quot;)\">1<\/sup><span class=\"vtext\">Nuntiatum est autem Joab quod rex fleret et lugeret filium suum,<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,10,19,2,&quot;2 Samuel&quot;)\">2<\/sup><span class=\"vtext\">et versa est victoria in luctum in die illa omni populo: audivit enim populus in die illa dici: Dolet rex super filio suo.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,10,19,3,&quot;2 Samuel&quot;)\">3<\/sup><span class=\"vtext\">Et declinavit populus in die illa ingredi civitatem, quomodo declinare solet populus versus et fugiens de prælio.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,10,19,4,&quot;2 Samuel&quot;)\">4<\/sup><span class=\"vtext\">Porro rex operuit caput suum, et clamabat voce magna: Fili mi Absalom, Absalom fili mi, fili mi.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,10,19,5,&quot;2 Samuel&quot;)\">5<\/sup><span class=\"vtext\">Ingressus ergo Joab ad regem in domum, dixit: Confudisti hodie vultus omnium servorum tuorum, qui salvam fecerunt animam tuam, et animam filiorum tuorum et filiarum tuarum, et animam uxorum tuarum, et animam concubinarum tuarum.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,10,19,6,&quot;2 Samuel&quot;)\">6<\/sup><span class=\"vtext\">Diligis odientes te, et odio habes diligentes te: et ostendisti hodie quia non curas de ducibus tuis et de servis tuis: et vere cognovi modo, quia si Absalom viveret, et omnes nos occubuissemus, tunc placeret tibi.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,10,19,7,&quot;2 Samuel&quot;)\">7<\/sup><span class=\"vtext\">Nunc igitur surge, et procede, et alloquens satisfac servis tuis: juro enim tibi per Dominum quod si non exieris, ne unus quidem remansurus sit tecum nocte hac: et pejus erit hoc tibi quam omnia mala quæ venerunt super te ab adolescentia tua usque in præsens.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,10,19,8,&quot;2 Samuel&quot;)\">8<\/sup><span class=\"vtext\">Surrexit ergo rex et sedit in porta: et omni populo nuntiatum est quod rex sederet in porta. Venitque universa multitudo coram rege: Israël autem fugit in tabernacula sua.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,10,19,9,&quot;2 Samuel&quot;)\">9<\/sup><span class=\"vtext\">Omnis quoque populus certabat in cunctis tribubus Israël, dicens: Rex liberavit nos de manu inimicorum nostrorum; ipse salvavit nos de manu Philisthinorum: et nunc fugit de terra propter Absalom.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,10,19,10,&quot;2 Samuel&quot;)\">10<\/sup><span class=\"vtext\">Absalom autem, quem unximus super nos, mortuus est in bello: usquequo siletis, et non reducitis regem?<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,10,19,11,&quot;2 Samuel&quot;)\">11<\/sup><span class=\"vtext\">Rex vero David misit ad Sadoc et Abiathar sacerdotes, dicens: Loquimini ad majores natu Juda, dicentes: Cur venitis novissimi ad reducendum regem in domum suam? (Sermo autem omnis Israël pervenerat ad regem in domo ejus.)<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,10,19,12,&quot;2 Samuel&quot;)\">12<\/sup><span class=\"vtext\">Fratres mei vos, os meum, et caro mea vos, quare novissimi reducitis regem?<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,10,19,13,&quot;2 Samuel&quot;)\">13<\/sup><span class=\"vtext\">Et Amasæ dicite: Nonne os meum, et caro mea es? hæc faciat mihi Deus, et hæc addat, si non magister militiæ fueris coram me omni tempore pro Joab.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,10,19,14,&quot;2 Samuel&quot;)\">14<\/sup><span class=\"vtext\">Et inclinavit cor omnium virorum Juda quasi viri unius: miseruntque ad regem, dicentes: Revertere tu, et omnes servi tui.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,10,19,15,&quot;2 Samuel&quot;)\">15<\/sup><span class=\"vtext\">Et reversus est rex, et venit usque ad Jordanem: et omnis Juda venit usque in Galgalam ut occurreret regi, et traduceret eum Jordanem.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,10,19,16,&quot;2 Samuel&quot;)\">16<\/sup><span class=\"vtext\">Festinavit autem Semei filius Gera filii Jemini de Bahurim, et descendit cum viris Juda in occursum regis David,<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,10,19,17,&quot;2 Samuel&quot;)\">17<\/sup><span class=\"vtext\">cum mille viris de Benjamin, et Siba puer de domo Saul: et quindecim filii ejus, ac viginti servi erant cum eo: et irrumpentes Jordanem, ante regem<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,10,19,18,&quot;2 Samuel&quot;)\">18<\/sup><span class=\"vtext\">transierunt vada, ut traducerent domum regis, et facerent juxta jussionem ejus: Semei autem filius Gera prostratus coram rege, cum jam transisset Jordanem,<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,10,19,19,&quot;2 Samuel&quot;)\">19<\/sup><span class=\"vtext\">dixit ad eum: Ne reputes mihi, domine mi, iniquitatem, neque memineris injuriarum servi tui in die qua egressus es, domine mi rex, de Jerusalem, neque ponas, rex, in corde tuo.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,10,19,20,&quot;2 Samuel&quot;)\">20<\/sup><span class=\"vtext\">Agnosco enim servus tuus peccatum meum: et idcirco hodie primus veni de omni domo Joseph, descendique in occursum domini mei regis.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,10,19,21,&quot;2 Samuel&quot;)\">21<\/sup><span class=\"vtext\">Respondens vero Abisai filius Sarviæ, dixit: Numquid pro his verbis non occidetur Semei, quia maledixit christo Domini?<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,10,19,22,&quot;2 Samuel&quot;)\">22<\/sup><span class=\"vtext\">Et ait David: Quid mihi et vobis, filii Sarviæ? cur efficimini mihi hodie in satan? ergone hodie interficietur vir in Israël? an ignoro hodie me factum regem super Israël?<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,10,19,23,&quot;2 Samuel&quot;)\">23<\/sup><span class=\"vtext\">Et ait rex Semei: Non morieris. Juravitque ei.<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,10,19,24,&quot;2 Samuel&quot;)\">24<\/sup><span class=\"vtext\">Miphiboseth quoque filius Saul descendit in occursum regis, illotis pedibus et intonsa barba: vestesque suas non laverat a die qua egressus fuerat rex, usque ad diem reversionis ejus in pace.<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,10,19,25,&quot;2 Samuel&quot;)\">25<\/sup><span class=\"vtext\">Cumque Jerusalem occurrisset regi, dixit ei rex: Quare non venisti mecum, Miphiboseth?<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,10,19,26,&quot;2 Samuel&quot;)\">26<\/sup><span class=\"vtext\">Et respondens ait: Domine mi rex, servus meus contempsit me: dixique ei ego famulus tuus ut sterneret mihi asinum, et ascendens abirem cum rege: claudus enim sum servus tuus.<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,10,19,27,&quot;2 Samuel&quot;)\">27<\/sup><span class=\"vtext\">Insuper et accusavit me servum tuum ad te dominum meum regem: tu autem, domine mi rex, sicut angelus Dei es: fac quod placitum est tibi.<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,10,19,28,&quot;2 Samuel&quot;)\">28<\/sup><span class=\"vtext\">Neque enim fuit domus patris mei, nisi morti obnoxia domino meo regi: tu autem posuisti me servum tuum inter convivas mensæ tuæ: quid ergo habeo justæ querelæ? aut quid possum ultra vociferari ad regem?<\/span> <\/p>\n<p class=\"verse-para\"><sup class=\"vnum\" data-v=\"29\" onclick=\"loadParallel(1,10,19,29,&quot;2 Samuel&quot;)\">29<\/sup><span class=\"vtext\">Ait ergo ei rex: Quid ultra loqueris? fixum est quod locutus sum: tu et Siba dividite possessiones.<\/span> <\/p>\n<p class=\"verse-para\"><sup class=\"vnum\" data-v=\"30\" onclick=\"loadParallel(1,10,19,30,&quot;2 Samuel&quot;)\">30<\/sup><span class=\"vtext\">Responditque Miphiboseth regi: Etiam cuncta accipiat, postquam reversus est dominus meus rex pacifice in domum suam.<\/span> <\/p>\n<p class=\"verse-para\"><sup class=\"vnum\" data-v=\"31\" onclick=\"loadParallel(1,10,19,31,&quot;2 Samuel&quot;)\">31<\/sup><span class=\"vtext\">Berzellai quoque Galaadites, descendens de Rogelim, traduxit regem Jordanem, paratus etiam ultra fluvium prosequi eum.<\/span> <\/p>\n<p class=\"verse-para\"><sup class=\"vnum\" data-v=\"32\" onclick=\"loadParallel(1,10,19,32,&quot;2 Samuel&quot;)\">32<\/sup><span class=\"vtext\">Erat autem Berzellai Galaadites senex valde, id est, octogenarius, et ipse præbuit alimenta regi cum moraretur in castris: fuit quippe vir dives nimis.<\/span> <\/p>\n<p class=\"verse-para\"><sup class=\"vnum\" data-v=\"33\" onclick=\"loadParallel(1,10,19,33,&quot;2 Samuel&quot;)\">33<\/sup><span class=\"vtext\">Dixit itaque rex ad Berzellai: Veni mecum, ut requiescas securus mecum in Jerusalem.<\/span> <\/p>\n<p class=\"verse-para\"><sup class=\"vnum\" data-v=\"34\" onclick=\"loadParallel(1,10,19,34,&quot;2 Samuel&quot;)\">34<\/sup><span class=\"vtext\">Et ait Berzellai ad regem: Quot sunt dies annorum vitæ meæ, ut ascendam cum rege in Jerusalem?<\/span> <\/p>\n<p class=\"verse-para\"><sup class=\"vnum\" data-v=\"35\" onclick=\"loadParallel(1,10,19,35,&quot;2 Samuel&quot;)\">35<\/sup><span class=\"vtext\">Octogenarius sum hodie: numquid vigent sensus mei ad discernendum suave aut amarum? aut delectare potest servum tuum cibus et potus? vel audire possum ultra vocem cantorum atque cantatricum? quare servus tuus sit oneri domino meo regi?<\/span> <\/p>\n<p class=\"verse-para\"><sup class=\"vnum\" data-v=\"36\" onclick=\"loadParallel(1,10,19,36,&quot;2 Samuel&quot;)\">36<\/sup><span class=\"vtext\">Paululum procedam famulus tuus ab Jordane tecum: non indigeo hac vicissitudine,<\/span> <\/p>\n<p class=\"verse-para\"><sup class=\"vnum\" data-v=\"37\" onclick=\"loadParallel(1,10,19,37,&quot;2 Samuel&quot;)\">37<\/sup><span class=\"vtext\">sed obsecro ut revertar servus tuus, et moriar in civitate mea, et sepeliar juxta sepulchrum patris mei et matris meæ. Est autem servus tuus Chamaam: ipse vadat tecum, domine mi rex, et fac ei quidquid tibi bonum videtur.<\/span> <\/p>\n<p class=\"verse-para\"><sup class=\"vnum\" data-v=\"38\" onclick=\"loadParallel(1,10,19,38,&quot;2 Samuel&quot;)\">38<\/sup><span class=\"vtext\">Dixit itaque ei rex: Mecum transeat Chamaam, et ego faciam ei quidquid tibi placuerit: et omne quod petieris a me, impetrabis.<\/span> <\/p>\n<p class=\"verse-para\"><sup class=\"vnum\" data-v=\"39\" onclick=\"loadParallel(1,10,19,39,&quot;2 Samuel&quot;)\">39<\/sup><span class=\"vtext\">Cumque transisset universus populus et rex Jordanem, osculatus est rex Berzellai, et benedixit ei: et ille reversus est in locum suum.<\/span> <\/p>\n<p class=\"verse-para\"><sup class=\"vnum\" data-v=\"40\" onclick=\"loadParallel(1,10,19,40,&quot;2 Samuel&quot;)\">40<\/sup><span class=\"vtext\">Transivit ergo rex in Galgalam, et Chamaam cum eo.~ Omnis autem populus Juda traduxerat regem, et media tantum pars adfuerat de populo Israël.<\/span> <\/p>\n<p class=\"verse-para\"><sup class=\"vnum\" data-v=\"41\" onclick=\"loadParallel(1,10,19,41,&quot;2 Samuel&quot;)\">41<\/sup><span class=\"vtext\">Itaque omnes viri Israël concurrentes ad regem dixerunt ei: Quare te furati sunt fratres nostri viri Juda, et traduxerunt regem et domum ejus Jordanem, omnesque viros David cum eo?<\/span> <\/p>\n<p class=\"verse-para\"><sup class=\"vnum\" data-v=\"42\" onclick=\"loadParallel(1,10,19,42,&quot;2 Samuel&quot;)\">42<\/sup><span class=\"vtext\">Et respondit omnis vir Juda ad viros Israël: Quia mihi propior est rex: cur irasceris super hac re? numquid comedimus aliquid ex rege, aut munera nobis data sunt?<\/span> <\/p>\n<p class=\"verse-para\"><sup class=\"vnum\" data-v=\"43\" onclick=\"loadParallel(1,10,19,43,&quot;2 Samuel&quot;)\">43<\/sup><span class=\"vtext\">Et respondit vir Israël ad viros Juda, et ait: Decem partibus major ego sum apud regem, magisque ad me pertinet David quam ad te: cur fecisti mihi injuriam, et non mihi nuntiatum est priori, ut reducerem regem meum? Durius autem responderunt viri Juda viris Israël.<\/span> <\/p>\n<div class=\"bottom-nav\"><a href=\"\/vulgate\/1\/10\/18\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/10\/20\" class=\"nav-btn-lg nav-ajax\">Next &rsaquo;<\/a><\/div>\n","page_title":"2 Samuel, Chapter 19 — Latin Vulgate","book_title":"2 Samuel","toolbar_title":"2 Samuel — Ch. 19","prev_url":"\/vulgate\/1\/10\/18","next_url":"\/vulgate\/1\/10\/20","tid":1,"book_id":10,"chapter":19,"num_chapters":24,"trans":"Vulgate","is_rtl":false,"strongs_data":{},"bsb_glosses":{},"book_name":"2 Samuel","canonical_url":"https:\/\/accept.gift\/vulgate\/1\/10\/19","meta_desc":"Nuntiatum est autem Joab quod rex fleret et lugeret filium suum, et versa est victoria in luctum in die illa omni populo: audivit enim populus in die illa di…"}