{"reader_html":"<h1 class=\"chapter-heading\">1 Kings<span class=\"chapter-label\">Chapter 18<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,11,18,1,&quot;1 Kings&quot;)\">1<\/sup><span class=\"vtext\">Post dies multos factum est verbum Domini ad Eliam, in anno tertio, dicens: Vade, et ostende te Achab, ut dem pluviam super faciem terræ.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,11,18,2,&quot;1 Kings&quot;)\">2<\/sup><span class=\"vtext\">Ivit ergo Elias, ut ostenderet se Achab: erat autem fames vehemens in Samaria.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,11,18,3,&quot;1 Kings&quot;)\">3<\/sup><span class=\"vtext\">Vocavitque Achab Abdiam dispensatorem domus suæ: Abdias autem timebat Dominum valde.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,11,18,4,&quot;1 Kings&quot;)\">4<\/sup><span class=\"vtext\">Nam cum interficeret Jezabel prophetas Domini, tulit ille centum prophetas, et abscondit eos quinquagenos et quinquagenos in speluncis, et pavit eos pane et aqua.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,11,18,5,&quot;1 Kings&quot;)\">5<\/sup><span class=\"vtext\">Dixit ergo Achab ad Abdiam: Vade in terram ad universos fontes aquarum, et in cunctas valles, si forte possimus invenire herbam, et salvare equos et mulos, et non penitus jumenta intereant.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,11,18,6,&quot;1 Kings&quot;)\">6<\/sup><span class=\"vtext\">Diviseruntque sibi regiones ut circuirent eas: Achab ibat per viam unam, et Abdias per viam alteram seorsum.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,11,18,7,&quot;1 Kings&quot;)\">7<\/sup><span class=\"vtext\">Cumque esset Abdias in via, Elias occurrit ei: qui cum cognovisset eum, cecidit super faciem suam, et ait: Num tu es, domine mi, Elias?<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,11,18,8,&quot;1 Kings&quot;)\">8<\/sup><span class=\"vtext\">Cui ille respondit: Ego. Vade, et dic domino tuo: Adest Elias.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,11,18,9,&quot;1 Kings&quot;)\">9<\/sup><span class=\"vtext\">Et ille: Quid peccavi, inquit, quoniam tradis me servum tuum in manu Achab, ut interficiat me?<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,11,18,10,&quot;1 Kings&quot;)\">10<\/sup><span class=\"vtext\">Vivit Dominus Deus tuus, quia non est gens aut regnum quo non miserit dominus meus te requirens: et respondentibus cunctis: Non est hic: adjuravit regna singula et gentes, eo quod minime reperireris.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,11,18,11,&quot;1 Kings&quot;)\">11<\/sup><span class=\"vtext\">Et nunc tu dicis mihi: Vade, et dic domino tuo: Adest Elias.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,11,18,12,&quot;1 Kings&quot;)\">12<\/sup><span class=\"vtext\">Cumque recessero a te, spiritus Domini asportabit te in locum quem ego ignoro: et ingressus nuntiabo Achab, et non inveniens te, interficiet me: servus autem tuus timet Dominum ab infantia sua.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,11,18,13,&quot;1 Kings&quot;)\">13<\/sup><span class=\"vtext\">Numquid non indicatum est tibi domino meo quid fecerim cum interficeret Jezabel prophetas Domini, quod absconderim de prophetis Domini centum viros, quinquagenos et quinquagenos, in speluncis, et paverim eos pane et aqua?<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,11,18,14,&quot;1 Kings&quot;)\">14<\/sup><span class=\"vtext\">et nunc tu dicis: Vade, et dic domino tuo: Adest Elias: ut interficiat me?<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,11,18,15,&quot;1 Kings&quot;)\">15<\/sup><span class=\"vtext\">Et dixit Elias: Vivit Dominus exercituum, ante cujus vultum sto, quia hodie apparebo ei.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,11,18,16,&quot;1 Kings&quot;)\">16<\/sup><span class=\"vtext\">Abiit ergo Abdias in occursum Achab, et indicavit ei: venitque Achab in occursum Eliæ.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,11,18,17,&quot;1 Kings&quot;)\">17<\/sup><span class=\"vtext\">Et cum vidisset eum, ait: Tune es ille, qui conturbas Israël?<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,11,18,18,&quot;1 Kings&quot;)\">18<\/sup><span class=\"vtext\">Et ille ait: Non ego turbavi Israël, sed tu, et domus patris tui, qui dereliquistis mandata Domini, et secuti estis Baalim.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,11,18,19,&quot;1 Kings&quot;)\">19<\/sup><span class=\"vtext\">Verumtamen nunc mitte, et congrega ad me universum Israël in monte Carmeli, et prophetas Baal quadringentos quinquaginta, prophetasque lucorum quadringentos, qui comedunt de mensa Jezabel.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,11,18,20,&quot;1 Kings&quot;)\">20<\/sup><span class=\"vtext\">Misit Achab ad omnes filios Israël, et congregavit prophetas in monte Carmeli.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,11,18,21,&quot;1 Kings&quot;)\">21<\/sup><span class=\"vtext\">Accedens autem Elias ad omnem populum, ait: Usquequo claudicatis in duas partes? si Dominus est Deus, sequimini eum: si autem Baal, sequimini illum. Et non respondit ei populus verbum.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,11,18,22,&quot;1 Kings&quot;)\">22<\/sup><span class=\"vtext\">Et ait rursus Elias ad populum: Ego remansi propheta Domini solus: prophetæ autem Baal quadringenti et quinquaginta viri sunt.<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,11,18,23,&quot;1 Kings&quot;)\">23<\/sup><span class=\"vtext\">Dentur nobis duo boves, et illi eligant sibi bovem unum, et in frustra cædentes ponant super ligna, ignem autem non supponant: et ego faciam bovem alterum, et imponam super ligna, ignem autem non supponam.<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,11,18,24,&quot;1 Kings&quot;)\">24<\/sup><span class=\"vtext\">Invocate nomina deorum vestrorum, et ego invocabo nomen Domini mei: et Deus qui exaudierit per ignem, ipse sit Deus. Respondens omnis populus ait: Optima propositio.<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,11,18,25,&quot;1 Kings&quot;)\">25<\/sup><span class=\"vtext\">Dixit ergo Elias prophetis Baal: Eligite vobis bovem unum, et facite primi, quia vos plures estis: et invocate nomina deorum vestrorum, ignemque non supponatis.<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,11,18,26,&quot;1 Kings&quot;)\">26<\/sup><span class=\"vtext\">Qui cum tulissent bovem quem dederat eis, fecerunt: et invocabant nomen Baal de mane usque ad meridiem, dicentes: Baal, exaudi nos. Et non erat vox, nec qui responderet: transiliebantque altare quod fecerant.<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,11,18,27,&quot;1 Kings&quot;)\">27<\/sup><span class=\"vtext\">Cumque esset jam meridies, illudebat illis Elias, dicens: Clamate voce majore: deus enim est, et forsitan loquitur, aut in diversorio est, aut in itinere, aut certe dormit, ut excitetur.<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,11,18,28,&quot;1 Kings&quot;)\">28<\/sup><span class=\"vtext\">Clamabant ergo voce magna, et incidebant se juxta ritum suum cultris et lanceolis, donec perfunderentur sanguine.<\/span> <\/p>\n<p class=\"verse-para\"><sup class=\"vnum\" data-v=\"29\" onclick=\"loadParallel(1,11,18,29,&quot;1 Kings&quot;)\">29<\/sup><span class=\"vtext\">Postquam autem transiit meridies, et illis prophetantibus venerat tempus quo sacrificium offerri solet, nec audiebatur vox, nec aliquis respondebat, nec attendebat orantes,<\/span> <\/p>\n<p class=\"verse-para\"><sup class=\"vnum\" data-v=\"30\" onclick=\"loadParallel(1,11,18,30,&quot;1 Kings&quot;)\">30<\/sup><span class=\"vtext\">dixit Elias omni populo: Venite ad me.~ Et accedente ad se populo, curavit altare Domini quod destructum fuerat.<\/span> <\/p>\n<p class=\"verse-para\"><sup class=\"vnum\" data-v=\"31\" onclick=\"loadParallel(1,11,18,31,&quot;1 Kings&quot;)\">31<\/sup><span class=\"vtext\">Et tulit duodecim lapides juxta numerum tribuum filiorum Jacob, ad quem factus est sermo Domini, dicens: Israël erit nomen tuum.<\/span> <\/p>\n<p class=\"verse-para\"><sup class=\"vnum\" data-v=\"32\" onclick=\"loadParallel(1,11,18,32,&quot;1 Kings&quot;)\">32<\/sup><span class=\"vtext\">Et ædificavit de lapidibus altare in nomine Domini: fecitque aquæductum, quasi per duas aratiunculas in circuitu altaris,<\/span> <\/p>\n<p class=\"verse-para\"><sup class=\"vnum\" data-v=\"33\" onclick=\"loadParallel(1,11,18,33,&quot;1 Kings&quot;)\">33<\/sup><span class=\"vtext\">et composuit ligna: divisitque per membra bovem, et posuit super ligna,<\/span> <\/p>\n<p class=\"verse-para\"><sup class=\"vnum\" data-v=\"34\" onclick=\"loadParallel(1,11,18,34,&quot;1 Kings&quot;)\">34<\/sup><span class=\"vtext\">et ait: Implete quatuor hydrias aqua, et fundite super holocaustum et super ligna. Rursumque dixit: Etiam secundo hoc facite. Qui cum fecissent secundo, ait: Etiam tertio idipsum facite. Feceruntque tertio,<\/span> <\/p>\n<p class=\"verse-para\"><sup class=\"vnum\" data-v=\"35\" onclick=\"loadParallel(1,11,18,35,&quot;1 Kings&quot;)\">35<\/sup><span class=\"vtext\">et currebant aquæ circum altare, et fossa aquæductus repleta est.<\/span> <\/p>\n<p class=\"verse-para\"><sup class=\"vnum\" data-v=\"36\" onclick=\"loadParallel(1,11,18,36,&quot;1 Kings&quot;)\">36<\/sup><span class=\"vtext\">Cumque jam tempus esset ut offerretur holocaustum, accedens Elias propheta ait: Domine Deus Abraham, et Isaac, et Israël, ostende hodie quia tu es Deus Israël, et ego servus tuus, et juxta præceptum tuum feci omnia verba hæc.<\/span> <\/p>\n<p class=\"verse-para\"><sup class=\"vnum\" data-v=\"37\" onclick=\"loadParallel(1,11,18,37,&quot;1 Kings&quot;)\">37<\/sup><span class=\"vtext\">Exaudi me, Domine, exaudi me: ut discat populus iste quia tu es Dominus Deus, et tu convertisti cor eorum iterum.<\/span> <\/p>\n<p class=\"verse-para\"><sup class=\"vnum\" data-v=\"38\" onclick=\"loadParallel(1,11,18,38,&quot;1 Kings&quot;)\">38<\/sup><span class=\"vtext\">Cecidit autem ignis Domini, et voravit holocaustum, et ligna, et lapides, pulverem quoque, et aquam quæ erat in aquæductu lambens.<\/span> <\/p>\n<p class=\"verse-para\"><sup class=\"vnum\" data-v=\"39\" onclick=\"loadParallel(1,11,18,39,&quot;1 Kings&quot;)\">39<\/sup><span class=\"vtext\">Quod cum vidisset omnis populus, cecidit in faciem suam, et ait: Dominus ipse est Deus, Dominus ipse est Deus.<\/span> <\/p>\n<p class=\"verse-para\"><sup class=\"vnum\" data-v=\"40\" onclick=\"loadParallel(1,11,18,40,&quot;1 Kings&quot;)\">40<\/sup><span class=\"vtext\">Dixitque Elias ad eos: Apprehendite prophetas Baal, et ne unus quidem effugiat ex eis. Quos cum apprehendissent, duxit eos Elias ad torrentem Cison, et interfecit eos ibi.<\/span> <\/p>\n<p class=\"verse-para\"><sup class=\"vnum\" data-v=\"41\" onclick=\"loadParallel(1,11,18,41,&quot;1 Kings&quot;)\">41<\/sup><span class=\"vtext\">Et ait Elias ad Achab: Ascende, comede, et bibe, quia sonus multæ pluviæ est.<\/span> <\/p>\n<p class=\"verse-para\"><sup class=\"vnum\" data-v=\"42\" onclick=\"loadParallel(1,11,18,42,&quot;1 Kings&quot;)\">42<\/sup><span class=\"vtext\">Ascendit Achab ut comederet et biberet: Elias autem ascendit in verticem Carmeli, et pronus in terram posuit faciem suam inter genua sua,<\/span> <\/p>\n<p class=\"verse-para\"><sup class=\"vnum\" data-v=\"43\" onclick=\"loadParallel(1,11,18,43,&quot;1 Kings&quot;)\">43<\/sup><span class=\"vtext\">et dixit ad puerum suum: Ascende, et prospice contra mare. Qui cum ascendisset, et contemplatus esset, ait: Non est quidquam. Et rursum ait illi: Revertere septem vicibus.<\/span> <\/p>\n<p class=\"verse-para\"><sup class=\"vnum\" data-v=\"44\" onclick=\"loadParallel(1,11,18,44,&quot;1 Kings&quot;)\">44<\/sup><span class=\"vtext\">In septima autem vice, ecce nubecula parva quasi vestigium hominis ascendebat de mari. Qui ait: Ascende, et dic Achab: Junge currum tuum et descende, ne occupet te pluvia.<\/span> <\/p>\n<p class=\"verse-para\"><sup class=\"vnum\" data-v=\"45\" onclick=\"loadParallel(1,11,18,45,&quot;1 Kings&quot;)\">45<\/sup><span class=\"vtext\">Cumque se verteret huc atque illuc, ecce cæli contenebrati sunt, et nubes, et ventus, et facta est pluvia grandis. Ascendens itaque Achab, abiit in Jezrahel:<\/span> <\/p>\n<p class=\"verse-para\"><sup class=\"vnum\" data-v=\"46\" onclick=\"loadParallel(1,11,18,46,&quot;1 Kings&quot;)\">46<\/sup><span class=\"vtext\">et manus Domini facta est super Eliam, accinctisque lumbis currebat ante Achab, donec veniret in Jezrahel.<\/span> <\/p>\n<div class=\"bottom-nav\"><a href=\"\/vulgate\/1\/11\/17\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/11\/19\" class=\"nav-btn-lg nav-ajax\">Next &rsaquo;<\/a><\/div>\n","page_title":"1 Kings, Chapter 18 — Latin Vulgate","book_title":"1 Kings","toolbar_title":"1 Kings — Ch. 18","prev_url":"\/vulgate\/1\/11\/17","next_url":"\/vulgate\/1\/11\/19","tid":1,"book_id":11,"chapter":18,"num_chapters":22,"trans":"Vulgate","is_rtl":false,"strongs_data":{},"bsb_glosses":{},"book_name":"1 Kings","canonical_url":"https:\/\/accept.gift\/vulgate\/1\/11\/18","meta_desc":"Post dies multos factum est verbum Domini ad Eliam, in anno tertio, dicens: Vade, et ostende te Achab, ut dem pluviam super faciem terræ. Ivit ergo Elias, ut…"}