{"reader_html":"<h1 class=\"chapter-heading\">1 Kings<span class=\"chapter-label\">Chapter 20<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,11,20,1,&quot;1 Kings&quot;)\">1<\/sup><span class=\"vtext\">Porro Benadad rex Syriæ congregavit omnem exercitum suum, et triginta duos reges secum, et equos, et currus: et ascendens pugnabat contra Samariam, et obsidebat eam.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,11,20,2,&quot;1 Kings&quot;)\">2<\/sup><span class=\"vtext\">Mittensque nuntios ad Achab regem Israël in civitatem,<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,11,20,3,&quot;1 Kings&quot;)\">3<\/sup><span class=\"vtext\">ait: Hæc dicit Benadad: Argentum tuum, et aurum tuum meum est: et uxores tuæ, et filii tui optimi, mei sunt.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,11,20,4,&quot;1 Kings&quot;)\">4<\/sup><span class=\"vtext\">Responditque rex Israël: Juxta verbum tuum, domine mi rex, tuus sum ego, et omnia mea.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,11,20,5,&quot;1 Kings&quot;)\">5<\/sup><span class=\"vtext\">Revertentesque nuntii, dixerunt: Hæc dicit Benadad, qui misit nos ad te: Argentum tuum, et aurum tuum, et uxores tuas, et filios tuos, dabis mihi.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,11,20,6,&quot;1 Kings&quot;)\">6<\/sup><span class=\"vtext\">Cras igitur hac eadem hora mittam servos meos ad te, et scrutabuntur domum tuam, et domum servorum tuorum: et omne quod eis placuerit, ponent in manibus suis, et auferent.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,11,20,7,&quot;1 Kings&quot;)\">7<\/sup><span class=\"vtext\">Vocavit autem rex Israël omnes seniores terræ, et ait: Animadvertite, et videte quoniam insidietur nobis: misit enim ad me pro uxoribus meis, et filiis, et pro argento et auro: et non abnui.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,11,20,8,&quot;1 Kings&quot;)\">8<\/sup><span class=\"vtext\">Dixeruntque omnes majores natu, et universus populus, ad eum: Non audias, neque acquiescas illi.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,11,20,9,&quot;1 Kings&quot;)\">9<\/sup><span class=\"vtext\">Respondit itaque nuntiis Benadad: Dicite domino meo regi: Omnia propter quæ misisti ad me servum tuum in initio, faciam: hanc autem rem facere non possum.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,11,20,10,&quot;1 Kings&quot;)\">10<\/sup><span class=\"vtext\">Reversique nuntii retulerunt ei. Qui remisit, et ait: Hæc faciant mihi dii, et hæc addant, si suffecerit pulvis Samariæ pugillis omnis populi qui sequitur me.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,11,20,11,&quot;1 Kings&quot;)\">11<\/sup><span class=\"vtext\">Et respondens rex Israël, ait: Dicite ei: Ne glorietur, accinctus æque ut discinctus.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,11,20,12,&quot;1 Kings&quot;)\">12<\/sup><span class=\"vtext\">Factum est autem cum audisset Benadad verbum istud, bibebat ipse et reges in umbraculis: et ait servis suis: Circumdate civitatem. Et circumdederunt eam.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,11,20,13,&quot;1 Kings&quot;)\">13<\/sup><span class=\"vtext\">Et ecce propheta unus accedens ad Achab regem Israël, ait ei: Hæc dicit Dominus: Certe vidisti omnem multitudinem hanc nimiam? ecce ego tradam eam in manu tua hodie, ut scias quia ego sum Dominus.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,11,20,14,&quot;1 Kings&quot;)\">14<\/sup><span class=\"vtext\">Et ait Achab: Per quem? Dixitque ei: Hæc dicit Dominus: Per pedissequos principum provinciarum. Et ait: Quis incipiet præliari? Et ille dixit: Tu.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,11,20,15,&quot;1 Kings&quot;)\">15<\/sup><span class=\"vtext\">Recensuit ergo pueros principum provinciarum, et reperit numerum ducentorum triginta duorum: et recensuit post eos populum, omnes filios Israël, septem millia.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,11,20,16,&quot;1 Kings&quot;)\">16<\/sup><span class=\"vtext\">Et egressi sunt meridie. Benadad autem bibebat temulentus in umbraculo suo, et reges triginta duo cum eo, qui ad auxilium ejus venerant.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,11,20,17,&quot;1 Kings&quot;)\">17<\/sup><span class=\"vtext\">Egressi sunt autem pueri principum provinciarum in prima fronte. Misit itaque Benadad: qui nuntiaverunt ei, dicentes: Viri egressi sunt de Samaria.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,11,20,18,&quot;1 Kings&quot;)\">18<\/sup><span class=\"vtext\">Et ille ait: Sive pro pace veniunt, apprehendite eos vivos: sive ut prælientur, vivos eos capite.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,11,20,19,&quot;1 Kings&quot;)\">19<\/sup><span class=\"vtext\">Egressi sunt ergo pueri principum provinciarum, ac reliquus exercitus sequebatur:<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,11,20,20,&quot;1 Kings&quot;)\">20<\/sup><span class=\"vtext\">et percussit unusquisque virum qui contra se veniebat: fugeruntque Syri, et persecutus est eos Israël. Fugit quoque Benadad rex Syriæ in equo cum equitibus suis.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,11,20,21,&quot;1 Kings&quot;)\">21<\/sup><span class=\"vtext\">Necnon egressus rex Israël percussit equos et currus, et percussit Syriam plaga magna.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,11,20,22,&quot;1 Kings&quot;)\">22<\/sup><span class=\"vtext\">Accedens autem propheta ad regem Israël, dixit ei: Vade, et confortare, et scito, et vide quid facias: sequenti enim anno rex Syriæ ascendet contra te.<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,11,20,23,&quot;1 Kings&quot;)\">23<\/sup><span class=\"vtext\">Servi vero regis Syriæ dixerunt ei: Dii montium sunt dii eorum, ideo superaverunt nos: sed melius est ut pugnemus contra eos in campestribus, et obtinebimus eos.<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,11,20,24,&quot;1 Kings&quot;)\">24<\/sup><span class=\"vtext\">Tu ergo verbum hoc fac: amove reges singulos ab exercitu tuo, et pone principes pro eis:<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,11,20,25,&quot;1 Kings&quot;)\">25<\/sup><span class=\"vtext\">et instaura numerum militum qui ceciderunt de tuis, et equos secundum equos pristinos, et currus secundum currus quos ante habuisti: et pugnabimus contra eos in campestribus, et videbis quod obtinebimus eos. Credidit consilio eorum, et fecit ita.<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,11,20,26,&quot;1 Kings&quot;)\">26<\/sup><span class=\"vtext\">Igitur postquam annus transierat, recensuit Benadad Syros, et ascendit in Aphec ut pugnaret contra Israël.<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,11,20,27,&quot;1 Kings&quot;)\">27<\/sup><span class=\"vtext\">Porro filii Israël recensiti sunt, et acceptis cibariis profecti ex adverso, castraque metati sunt contra eos, quasi duo parvi greges caprarum: Syri autem repleverunt terram.<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,11,20,28,&quot;1 Kings&quot;)\">28<\/sup><span class=\"vtext\">(Et accedens unus vir Dei, dixit ad regem Israël: Hæc dicit Dominus: Quia dixerunt Syri: Deus montium est Dominus, et non est Deus vallium: dabo omnem multitudinem hanc grandem in manu tua, et scietis quia ego sum Dominus.)<\/span> <\/p>\n<p class=\"verse-para\"><sup class=\"vnum\" data-v=\"29\" onclick=\"loadParallel(1,11,20,29,&quot;1 Kings&quot;)\">29<\/sup><span class=\"vtext\">Dirigebantque septem diebus ex adverso hi atque illi acies, septima autem die commissum est bellum: percusseruntque filii Israël de Syris centum millia peditum in die una.<\/span> <\/p>\n<p class=\"verse-para\"><sup class=\"vnum\" data-v=\"30\" onclick=\"loadParallel(1,11,20,30,&quot;1 Kings&quot;)\">30<\/sup><span class=\"vtext\">Fugerunt autem qui remanserant in Aphec, in civitatem: et cecidit murus super viginti septem millia hominum qui remanserant. Porro Benadad fugiens ingressus est civitatem, in cubiculum quod erat intra cubiculum.<\/span> <\/p>\n<p class=\"verse-para\"><sup class=\"vnum\" data-v=\"31\" onclick=\"loadParallel(1,11,20,31,&quot;1 Kings&quot;)\">31<\/sup><span class=\"vtext\">Dixeruntque ei servi sui: Ecce, audivimus quod reges domus Israël clementes sint: ponamus itaque saccos in lumbis nostris, et funiculos in capitibus nostris, et egrediamur ad regem Israël: forsitan salvabit animas nostras.<\/span> <\/p>\n<p class=\"verse-para\"><sup class=\"vnum\" data-v=\"32\" onclick=\"loadParallel(1,11,20,32,&quot;1 Kings&quot;)\">32<\/sup><span class=\"vtext\">Accinxerunt saccis lumbos suos, et posuerunt funiculos in capitibus suis, veneruntque ad regem Israël, et dixerunt ei: Servus tuus Benadad dicit: Vivat, oro te, anima mea. Et ille ait: Si adhuc vivit, frater meus est.<\/span> <\/p>\n<p class=\"verse-para\"><sup class=\"vnum\" data-v=\"33\" onclick=\"loadParallel(1,11,20,33,&quot;1 Kings&quot;)\">33<\/sup><span class=\"vtext\">Quod acceperunt viri pro omine: et festinantes rapuerunt verbum ex ore ejus, atque dixerunt: Frater tuus Benadad. Et dixit eis: Ite, et adducite eum ad me. Egressus est ergo ad eum Benadad, et levavit eum in currum suum.<\/span> <\/p>\n<p class=\"verse-para\"><sup class=\"vnum\" data-v=\"34\" onclick=\"loadParallel(1,11,20,34,&quot;1 Kings&quot;)\">34<\/sup><span class=\"vtext\">Qui dixit ei: Civitates quas tulit pater meus a patre tuo, reddam: et plateas fac tibi in Damasco, sicut fecit pater meus in Samaria, et ego fœderatus recedam a te. Pepigit ergo fœdus, et dimisit eum.<\/span> <\/p>\n<p class=\"verse-para\"><sup class=\"vnum\" data-v=\"35\" onclick=\"loadParallel(1,11,20,35,&quot;1 Kings&quot;)\">35<\/sup><span class=\"vtext\">Tunc vir quidam de filiis prophetarum dixit ad socium suum in sermone Domini: Percute me. At ille noluit percutere.<\/span> <\/p>\n<p class=\"verse-para\"><sup class=\"vnum\" data-v=\"36\" onclick=\"loadParallel(1,11,20,36,&quot;1 Kings&quot;)\">36<\/sup><span class=\"vtext\">Cui ait: Quia noluisti audire vocem Domini, ecce recedes a me, et percutiet te leo. Cumque paululum recessisset ab eo, invenit eum leo, atque percussit.<\/span> <\/p>\n<p class=\"verse-para\"><sup class=\"vnum\" data-v=\"37\" onclick=\"loadParallel(1,11,20,37,&quot;1 Kings&quot;)\">37<\/sup><span class=\"vtext\">Sed alterum inveniens virum, dixit ad eum: Percute me. Qui percussit eum, et vulneravit.<\/span> <\/p>\n<p class=\"verse-para\"><sup class=\"vnum\" data-v=\"38\" onclick=\"loadParallel(1,11,20,38,&quot;1 Kings&quot;)\">38<\/sup><span class=\"vtext\">Abiit ergo propheta, et occurrit regi in via, et mutavit aspersione pulveris os et oculos suos.<\/span> <\/p>\n<p class=\"verse-para\"><sup class=\"vnum\" data-v=\"39\" onclick=\"loadParallel(1,11,20,39,&quot;1 Kings&quot;)\">39<\/sup><span class=\"vtext\">Cumque rex transisset, clamavit ad regem, et ait: Servus tuus egressus est ad præliandum cominus: cumque fugisset vir unus, adduxit eum quidam ad me, et ait: Custodi virum istum: qui si lapsus fuerit, erit anima tua pro anima ejus, aut talentum argenti appendes.<\/span> <\/p>\n<p class=\"verse-para\"><sup class=\"vnum\" data-v=\"40\" onclick=\"loadParallel(1,11,20,40,&quot;1 Kings&quot;)\">40<\/sup><span class=\"vtext\">Dum autem ego turbatus huc illucque me verterem, subito non comparuit. Et ait rex Israël ad eum: Hoc est judicium tuum, quod ipse decrevisti.<\/span> <\/p>\n<p class=\"verse-para\"><sup class=\"vnum\" data-v=\"41\" onclick=\"loadParallel(1,11,20,41,&quot;1 Kings&quot;)\">41<\/sup><span class=\"vtext\">At ille statim abstersit pulverem de facie sua, et cognovit eum rex Israël, quod esset de prophetis.<\/span> <\/p>\n<p class=\"verse-para\"><sup class=\"vnum\" data-v=\"42\" onclick=\"loadParallel(1,11,20,42,&quot;1 Kings&quot;)\">42<\/sup><span class=\"vtext\">Qui ait ad eum: Hæc dicit Dominus: Quia dimisisti virum dignum morte de manu tua, erit anima tua pro anima ejus, et populus tuus pro populo ejus.<\/span> <\/p>\n<p class=\"verse-para\"><sup class=\"vnum\" data-v=\"43\" onclick=\"loadParallel(1,11,20,43,&quot;1 Kings&quot;)\">43<\/sup><span class=\"vtext\">Reversus est igitur rex Israël in domum suam, audire contemnens, et furibundus venit in Samariam.<\/span> <\/p>\n<div class=\"bottom-nav\"><a href=\"\/vulgate\/1\/11\/19\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/11\/21\" class=\"nav-btn-lg nav-ajax\">Next &rsaquo;<\/a><\/div>\n","page_title":"1 Kings, Chapter 20 — Latin Vulgate","book_title":"1 Kings","toolbar_title":"1 Kings — Ch. 20","prev_url":"\/vulgate\/1\/11\/19","next_url":"\/vulgate\/1\/11\/21","tid":1,"book_id":11,"chapter":20,"num_chapters":22,"trans":"Vulgate","is_rtl":false,"strongs_data":{},"bsb_glosses":{},"book_name":"1 Kings","canonical_url":"https:\/\/accept.gift\/vulgate\/1\/11\/20","meta_desc":"Porro Benadad rex Syriæ congregavit omnem exercitum suum, et triginta duos reges secum, et equos, et currus: et ascendens pugnabat contra Samariam, et obside…"}