{"reader_html":"<h1 class=\"chapter-heading\">2 Kings<span class=\"chapter-label\">Chapter 19<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,12,19,1,&quot;2 Kings&quot;)\">1<\/sup><span class=\"vtext\">Quæ cum audisset Ezechias rex, scidit vestimenta sua, et opertus est sacco, ingressusque est domum Domini.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,12,19,2,&quot;2 Kings&quot;)\">2<\/sup><span class=\"vtext\">Et misit Eliacim præpositum domus, et Sobnam scribam, et senes de sacerdotibus, opertos saccis, ad Isaiam prophetam filium Amos.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,12,19,3,&quot;2 Kings&quot;)\">3<\/sup><span class=\"vtext\">Qui dixerunt: Hæc dicit Ezechias: Dies tribulationis, et increpationis, et blasphemiæ dies iste: venerunt filii usque ad partum, et vires non habet parturiens.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,12,19,4,&quot;2 Kings&quot;)\">4<\/sup><span class=\"vtext\">Si forte audiat Dominus Deus tuus universa verba Rabsacis, quem misit rex Assyriorum dominus suus ut exprobraret Deum viventem et argueret verbis, quæ audivit Dominus Deus tuus: et fac orationem pro reliquiis quæ repertæ sunt.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,12,19,5,&quot;2 Kings&quot;)\">5<\/sup><span class=\"vtext\">Venerunt ergo servi regis Ezechiæ ad Isaiam.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,12,19,6,&quot;2 Kings&quot;)\">6<\/sup><span class=\"vtext\">Dixitque eis Isaias: Hæc dicetis domino vestro: Hæc dicit Dominus: Noli timere a facie sermonum quos audisti, quibus blasphemaverunt pueri regis Assyriorum me.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,12,19,7,&quot;2 Kings&quot;)\">7<\/sup><span class=\"vtext\">Ecce ego immittam ei spiritum, et audiet nuntium, et revertetur in terram suam, et dejiciam eum gladio in terra sua.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,12,19,8,&quot;2 Kings&quot;)\">8<\/sup><span class=\"vtext\">Reversus est ergo Rabsaces, et invenit regem Assyriorum expugnantem Lobnam: audierat enim quod recessisset de Lachis.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,12,19,9,&quot;2 Kings&quot;)\">9<\/sup><span class=\"vtext\">Cumque audisset de Tharaca rege Æthiopiæ, dicentes: Ecce egressus est ut pugnet adversum te: et iret contra eum, misit nuntios ad Ezechiam, dicens:<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,12,19,10,&quot;2 Kings&quot;)\">10<\/sup><span class=\"vtext\">Hæc dicite Ezechiæ regi Juda: Non te seducat Deus tuus in quo habes fiduciam, neque dicas: Non tradetur Jerusalem in manus regis Assyriorum.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,12,19,11,&quot;2 Kings&quot;)\">11<\/sup><span class=\"vtext\">Tu enim ipse audisti quæ fecerunt reges Assyriorum universis terris, quomodo vastaverunt eas: num ergo solus poteris liberari?<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,12,19,12,&quot;2 Kings&quot;)\">12<\/sup><span class=\"vtext\">Numquid liberaverunt dii gentium singulos quos vastaverunt patres mei, Gozan videlicet, et Haran, et Reseph, et filios Eden qui erant in Thelassar?<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,12,19,13,&quot;2 Kings&quot;)\">13<\/sup><span class=\"vtext\">ubi est rex Emath, et rex Arphad, et rex civitatis Sepharvaim, Ana, et Ava?<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,12,19,14,&quot;2 Kings&quot;)\">14<\/sup><span class=\"vtext\">Itaque cum accepisset Ezechias litteras de manu nuntiorum, et legisset eas, ascendit in domum Domini, et expandit eas coram Domino,<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,12,19,15,&quot;2 Kings&quot;)\">15<\/sup><span class=\"vtext\">et oravit in conspectu ejus, dicens: Domine Deus Israël, qui sedes super cherubim, tu es Deus solus regum omnium terræ: tu fecisti cælum et terram.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,12,19,16,&quot;2 Kings&quot;)\">16<\/sup><span class=\"vtext\">Inclina aurem tuam, et audi: aperi, Domine, oculos tuos, et vide: audi omnia verba Sennacherib, qui misit ut exprobraret nobis Deum viventem.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,12,19,17,&quot;2 Kings&quot;)\">17<\/sup><span class=\"vtext\">Vere, Domine, dissipaverunt reges Assyriorum gentes, et terras omnium.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,12,19,18,&quot;2 Kings&quot;)\">18<\/sup><span class=\"vtext\">Et miserunt deos eorum in ignem: non enim erant dii, sed opera manuum hominum, ex ligno et lapide: et perdiderunt eos.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,12,19,19,&quot;2 Kings&quot;)\">19<\/sup><span class=\"vtext\">Nunc igitur Domine Deus noster, salvos nos fac de manu ejus, ut sciant omnia regna terræ quia tu es Dominus Deus solus.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,12,19,20,&quot;2 Kings&quot;)\">20<\/sup><span class=\"vtext\">Misit autem Isaias filius Amos ad Ezechiam, dicens: Hæc dicit Dominus Deus Israël: Quæ deprecatus es me super Sennacherib rege Assyriorum, audivi.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,12,19,21,&quot;2 Kings&quot;)\">21<\/sup><span class=\"vtext\">Iste est sermo, quem locutus est Dominus de eo: Sprevit te, et subsannavit te, virgo filia Sion: post tergum tuum caput movit, filia Jerusalem.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,12,19,22,&quot;2 Kings&quot;)\">22<\/sup><span class=\"vtext\">Cui exprobrasti, et quem blasphemasti? contra quem exaltasti vocem tuam, et elevasti in excelsum oculos tuos? Contra Sanctum Israël.<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,12,19,23,&quot;2 Kings&quot;)\">23<\/sup><span class=\"vtext\">Per manum servorum tuorum exprobrasti Domino, et dixisti: In multitudine curruum meorum ascendi excelsa montium in summitate Libani, et succidi sublimes cedros ejus, et electas abietes illius. Et ingressus sum usque ad terminos ejus, et saltum Carmeli ejus<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,12,19,24,&quot;2 Kings&quot;)\">24<\/sup><span class=\"vtext\">ego succidi. Et bibi aquas alienas, et siccavi vestigiis pedum meorum omnes aquas clausas.<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,12,19,25,&quot;2 Kings&quot;)\">25<\/sup><span class=\"vtext\">Numquid non audisti quid ab initio fecerim? ex diebus antiquis plasmavi illud, et nunc adduxi: eruntque in ruinam collium pugnantium civitates munitæ.<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,12,19,26,&quot;2 Kings&quot;)\">26<\/sup><span class=\"vtext\">Et qui sedent in eis, humiles manu, contremuerunt et confusi sunt: facti sunt velut fœnum agri, et virens herba tectorum, quæ arefacta est antequam veniret ad maturitatem.<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,12,19,27,&quot;2 Kings&quot;)\">27<\/sup><span class=\"vtext\">Habitaculum tuum, et egressum tuum, et introitum tuum, et viam tuam ego præscivi, et furorem tuum contra me.<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,12,19,28,&quot;2 Kings&quot;)\">28<\/sup><span class=\"vtext\">Insanisti in me, et superbia tua ascendit in aures meas: ponam itaque circulum in naribus tuis, et camum in labiis tuis, et reducam te in viam per quam venisti.<\/span> <\/p>\n<p class=\"verse-para\"><sup class=\"vnum\" data-v=\"29\" onclick=\"loadParallel(1,12,19,29,&quot;2 Kings&quot;)\">29<\/sup><span class=\"vtext\">Tibi autem, Ezechia, hoc erit signum: comede hoc anno quæ repereris: in secundo autem anno, quæ sponte nascuntur: porro in tertio anno seminate et metite: plantate vineas, et comedite fructum earum.<\/span> <\/p>\n<p class=\"verse-para\"><sup class=\"vnum\" data-v=\"30\" onclick=\"loadParallel(1,12,19,30,&quot;2 Kings&quot;)\">30<\/sup><span class=\"vtext\">Et quodcumque reliquum fuerit de domo Juda, mittet radicem deorsum, et faciet fructum sursum.<\/span> <\/p>\n<p class=\"verse-para\"><sup class=\"vnum\" data-v=\"31\" onclick=\"loadParallel(1,12,19,31,&quot;2 Kings&quot;)\">31<\/sup><span class=\"vtext\">De Jerusalem quippe egredientur reliquiæ, et quod salvetur de monte Sion: zelus Domini exercituum faciet hoc.<\/span> <\/p>\n<p class=\"verse-para\"><sup class=\"vnum\" data-v=\"32\" onclick=\"loadParallel(1,12,19,32,&quot;2 Kings&quot;)\">32<\/sup><span class=\"vtext\">Quam ob rem hæc dicit Dominus de rege Assyriorum: Non ingredietur urbem hanc, nec mittet in eam sagittam, nec occupabit eam clypeus, nec circumdabit eam munitio.<\/span> <\/p>\n<p class=\"verse-para\"><sup class=\"vnum\" data-v=\"33\" onclick=\"loadParallel(1,12,19,33,&quot;2 Kings&quot;)\">33<\/sup><span class=\"vtext\">Per viam qua venit, revertetur: et civitatem hanc non ingredietur, dicit Dominus.<\/span> <\/p>\n<p class=\"verse-para\"><sup class=\"vnum\" data-v=\"34\" onclick=\"loadParallel(1,12,19,34,&quot;2 Kings&quot;)\">34<\/sup><span class=\"vtext\">Protegamque urbem hanc, et salvabo eam propter me, et propter David servum meum.<\/span> <\/p>\n<p class=\"verse-para\"><sup class=\"vnum\" data-v=\"35\" onclick=\"loadParallel(1,12,19,35,&quot;2 Kings&quot;)\">35<\/sup><span class=\"vtext\">Factum est igitur in nocte illa, venit angelus Domini, et percussit in castris Assyriorum centum octoginta quinque millia. Cumque diluculo surrexisset, vidit omnia corpora mortuorum: et recedens abiit,<\/span> <\/p>\n<p class=\"verse-para\"><sup class=\"vnum\" data-v=\"36\" onclick=\"loadParallel(1,12,19,36,&quot;2 Kings&quot;)\">36<\/sup><span class=\"vtext\">et reversus est Sennacherib rex Assyriorum, et mansit in Ninive.<\/span> <\/p>\n<p class=\"verse-para\"><sup class=\"vnum\" data-v=\"37\" onclick=\"loadParallel(1,12,19,37,&quot;2 Kings&quot;)\">37<\/sup><span class=\"vtext\">Cumque adoraret in templo Nesroch deum suum, Adramelech et Sarasar filii ejus percusserunt eum gladio, fugeruntque in terram Armeniorum: et regnavit Asarhaddon filius ejus pro eo.<\/span> <\/p>\n<div class=\"bottom-nav\"><a href=\"\/vulgate\/1\/12\/18\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/12\/20\" class=\"nav-btn-lg nav-ajax\">Next &rsaquo;<\/a><\/div>\n","page_title":"2 Kings, Chapter 19 — Latin Vulgate","book_title":"2 Kings","toolbar_title":"2 Kings — Ch. 19","prev_url":"\/vulgate\/1\/12\/18","next_url":"\/vulgate\/1\/12\/20","tid":1,"book_id":12,"chapter":19,"num_chapters":25,"trans":"Vulgate","is_rtl":false,"strongs_data":{},"bsb_glosses":{},"book_name":"2 Kings","canonical_url":"https:\/\/accept.gift\/vulgate\/1\/12\/19","meta_desc":"Quæ cum audisset Ezechias rex, scidit vestimenta sua, et opertus est sacco, ingressusque est domum Domini. Et misit Eliacim præpositum domus, et Sobnam scrib…"}