{"reader_html":"<h1 class=\"chapter-heading\">1 Chronicles<span class=\"chapter-label\">Chapter 22<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,13,22,1,&quot;1 Chronicles&quot;)\">1<\/sup><span class=\"vtext\">Dixitque David: Hæc est domus Dei, et hoc altare in holocaustum Israëli.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,13,22,2,&quot;1 Chronicles&quot;)\">2<\/sup><span class=\"vtext\">Et præcepit ut congregarentur omnes proselyti de terra Israël, et constituit ex eis latomos ad cædendos lapides et poliendos, ut ædificaretur domus Dei.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,13,22,3,&quot;1 Chronicles&quot;)\">3<\/sup><span class=\"vtext\">Ferrum quoque plurimum ad clavos januarum, et ad commissuras atque juncturas, præparavit David: et æris pondus innumerabile.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,13,22,4,&quot;1 Chronicles&quot;)\">4<\/sup><span class=\"vtext\">Ligna quoque cedrina non poterant æstimari, quæ Sidonii et Tyrii deportaverant ad David.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,13,22,5,&quot;1 Chronicles&quot;)\">5<\/sup><span class=\"vtext\">Et dixit David: Solomon filius meus puer parvulus est et delicatus: domus autem, quam ædificari volo Domino, talis esse debet ut in cunctis regionibus nominetur: præparabo ergo ei necessaria. Et ob hanc causam ante mortem suam omnes præparavit impensas.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,13,22,6,&quot;1 Chronicles&quot;)\">6<\/sup><span class=\"vtext\">Vocavitque Salomonem filium suum, et præcepit ei ut ædificaret domum Domino Deo Israël.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,13,22,7,&quot;1 Chronicles&quot;)\">7<\/sup><span class=\"vtext\">Dixitque David ad Salomonem: Fili mi, voluntatis meæ fuit ut ædificarem domum nomini Domini Dei mei:<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,13,22,8,&quot;1 Chronicles&quot;)\">8<\/sup><span class=\"vtext\">sed factus est sermo Domini ad me, dicens: Multum sanguinem effudisti, et plurima bella bellasti: non poteris ædificare domum nomini meo, tanto effuso sanguine coram me:<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,13,22,9,&quot;1 Chronicles&quot;)\">9<\/sup><span class=\"vtext\">filius qui nascetur tibi, erit vir quietissimus: faciam enim eum requiescere ab omnibus inimicis suis per circuitum: et ob hanc causam Pacificus vocabitur: et pacem et otium dabo in Israël cunctis diebus ejus.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,13,22,10,&quot;1 Chronicles&quot;)\">10<\/sup><span class=\"vtext\">Ipse ædificabit domum nomini meo, et ipse erit mihi in filium, et ego ero illi in patrem: firmaboque solium regni ejus super Israël in æternum.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,13,22,11,&quot;1 Chronicles&quot;)\">11<\/sup><span class=\"vtext\">Nunc ergo fili mi, sit Dominus tecum, et prosperare, et ædifica domum Domino Deo tuo sicut locutus est de te.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,13,22,12,&quot;1 Chronicles&quot;)\">12<\/sup><span class=\"vtext\">Det quoque Dominus prudentiam et sensum ut regere possis Israël, et custodire legem Domini Dei tui.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,13,22,13,&quot;1 Chronicles&quot;)\">13<\/sup><span class=\"vtext\">Tunc enim proficere poteris, si custodieris mandata et judicia quæ præcepit Dominus Moysi ut doceret Israël. Confortare, et viriliter age: ne timeas, neque paveas.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,13,22,14,&quot;1 Chronicles&quot;)\">14<\/sup><span class=\"vtext\">Ecce ego in paupertate mea præparavi impensas domus Domini, auri talenta centum millia, et argenti mille millia talentorum: æris vero et ferri non est pondus, vincitur enim numerus magnitudine; ligna et lapides præparavi ad universa impendia.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,13,22,15,&quot;1 Chronicles&quot;)\">15<\/sup><span class=\"vtext\">Habes quoque plurimos artifices, latomos, et cæmentarios, artificesque lignorum, et omnium artium ad faciendum opus prudentissimos,<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,13,22,16,&quot;1 Chronicles&quot;)\">16<\/sup><span class=\"vtext\">in auro et argento et ære et ferro, cujus non est numerus. Surge igitur et fac, et erit Dominus tecum.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,13,22,17,&quot;1 Chronicles&quot;)\">17<\/sup><span class=\"vtext\">Præcepit quoque David cunctis principibus Israël ut adjuvarent Salomonem filium suum:<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,13,22,18,&quot;1 Chronicles&quot;)\">18<\/sup><span class=\"vtext\">Cernitis, inquiens, quod Dominus Deus vester vobiscum sit, et dederit vobis requiem per circuitum, et tradiderit omnes inimicos vestros in manus vestras, et subjecta sit terra coram Domino, et coram populo ejus.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,13,22,19,&quot;1 Chronicles&quot;)\">19<\/sup><span class=\"vtext\">Præbete igitur corda vestra et animas vestras, ut quæratis Dominum Deum vestrum: et consurgite, et ædificate sanctuarium Domino Deo, ut introducatur arca fœderis Domini, et vasa Domino consecrata, in domum quæ ædificatur nomini Domini.<\/span> <\/p>\n<div class=\"bottom-nav\"><a href=\"\/vulgate\/1\/13\/21\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/13\/23\" class=\"nav-btn-lg nav-ajax\">Next &rsaquo;<\/a><\/div>\n","page_title":"1 Chronicles, Chapter 22 — Latin Vulgate","book_title":"1 Chronicles","toolbar_title":"1 Chronicles — Ch. 22","prev_url":"\/vulgate\/1\/13\/21","next_url":"\/vulgate\/1\/13\/23","tid":1,"book_id":13,"chapter":22,"num_chapters":29,"trans":"Vulgate","is_rtl":false,"strongs_data":{},"bsb_glosses":{},"book_name":"1 Chronicles","canonical_url":"https:\/\/accept.gift\/vulgate\/1\/13\/22","meta_desc":"Dixitque David: Hæc est domus Dei, et hoc altare in holocaustum Israëli. Et præcepit ut congregarentur omnes proselyti de terra Israël, et constituit ex eis…"}