{"reader_html":"<h1 class=\"chapter-heading\">1 Chronicles<span class=\"chapter-label\">Chapter 28<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,13,28,1,&quot;1 Chronicles&quot;)\">1<\/sup><span class=\"vtext\">Convocavit igitur David omnes principes Israël, duces tribuum, et præpositos turmarum, qui ministrabant regi: tribunos quoque et centuriones, et qui præerant substantiæ et possessionibus regis, filiosque suos cum eunuchis, et potentes et robustissimos quosque in exercitu Jerusalem.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,13,28,2,&quot;1 Chronicles&quot;)\">2<\/sup><span class=\"vtext\">Cumque surrexisset rex, et stetisset, ait: Audite me, fratres mei et populus meus: cogitavi ut ædificarem domum, in qua requiesceret arca fœderis Domini, et scabellum pedum Dei nostri: et ad ædificandum, omnia præparavi.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,13,28,3,&quot;1 Chronicles&quot;)\">3<\/sup><span class=\"vtext\">Deus autem dixit mihi: Non ædificabis domum nomini meo, eo quod sis vir bellator, et sanguinem fuderis.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,13,28,4,&quot;1 Chronicles&quot;)\">4<\/sup><span class=\"vtext\">Sed elegit Dominus Deus Israël me de universa domo patris mei, ut essem rex super Israël in sempiternum: de Juda enim elegit principes: porro de domo Juda, domum patris mei, et de filiis patris mei placuit ei ut me eligeret regem super cunctum Israël.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,13,28,5,&quot;1 Chronicles&quot;)\">5<\/sup><span class=\"vtext\">Sed et de filiis meis (filios enim mihi multos dedit Dominus) elegit Salomonem filium meum ut sederet in throno regni Domini super Israël,<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,13,28,6,&quot;1 Chronicles&quot;)\">6<\/sup><span class=\"vtext\">dixitque mihi: Salomon filius tuus ædificabit domum meam, et atria mea: ipsum enim elegi mihi in filium, et ego ero ei in patrem.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,13,28,7,&quot;1 Chronicles&quot;)\">7<\/sup><span class=\"vtext\">Et firmabo regnum ejus usque in æternum, si perseveraverit facere præcepta mea et judicia, sicut et hodie.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,13,28,8,&quot;1 Chronicles&quot;)\">8<\/sup><span class=\"vtext\">Nunc ergo coram universo cœtu Israël audiente Deo nostro, custodite, et perquirite cuncta mandata Domini Dei nostri: ut possideatis terram bonam, et relinquatis eam filiis vestris post vos usque in sempiternum.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,13,28,9,&quot;1 Chronicles&quot;)\">9<\/sup><span class=\"vtext\">Tu autem, Salomon fili mi, scito Deum patris tui, et servito ei corde perfecto, animo voluntario: omnia enim corda scrutatur Dominus, et universas mentium cogitationes intelligit. Si quæsieris eum, invenies: si autem dereliqueris eum, projiciet te in æternum.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,13,28,10,&quot;1 Chronicles&quot;)\">10<\/sup><span class=\"vtext\">Nunc ergo quia elegit te Dominus ut ædificares domum sanctuarii, confortare, et perfice.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,13,28,11,&quot;1 Chronicles&quot;)\">11<\/sup><span class=\"vtext\">Dedit autem David Salomoni filio suo descriptionem porticus, et templi, et cellariorum, et cœnaculi, et cubiculorum in adytis, et domus propitiationis,<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,13,28,12,&quot;1 Chronicles&quot;)\">12<\/sup><span class=\"vtext\">necnon et omnium quæ cogitaverat atriorum et exedrarum per circuitum in thesauros domus Domini, et in thesauros sanctorum,<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,13,28,13,&quot;1 Chronicles&quot;)\">13<\/sup><span class=\"vtext\">divisionumque sacerdotalium et Leviticarum, in omnia opera domus Domini, et in universa vasa ministerii templi Domini.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,13,28,14,&quot;1 Chronicles&quot;)\">14<\/sup><span class=\"vtext\">Aurum in pondere per singula vasa ministerii. Argenti quoque pondus pro vasorum et operum diversitate.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,13,28,15,&quot;1 Chronicles&quot;)\">15<\/sup><span class=\"vtext\">Sed et in candelabra aurea, et ad lucernas eorum, aurum pro mensura uniuscujusque candelabri et lucernarum. Similiter et in candelabra argentea, et in lucernas eorum, pro diversitate mensuræ, pondus argenti tradidit.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,13,28,16,&quot;1 Chronicles&quot;)\">16<\/sup><span class=\"vtext\">Aurum quoque dedit in mensas propositionis pro diversitate mensarum: similiter et argentum in alias mensas argenteas.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,13,28,17,&quot;1 Chronicles&quot;)\">17<\/sup><span class=\"vtext\">Ad fuscinulas quoque, et phialas, et thuribula ex auro purissimo, et leunculos aureos pro qualitate mensuræ pondus distribuit in leunculum et leunculum. Similiter et in leones argenteos diversum argenti pondus separavit.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,13,28,18,&quot;1 Chronicles&quot;)\">18<\/sup><span class=\"vtext\">Altari autem, in quo adoletur incensum, aurum purissimum dedit: ut ex ipso fieret similitudo quadrigæ cherubim extendentium alas, et velantium arcam fœderis Domini.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,13,28,19,&quot;1 Chronicles&quot;)\">19<\/sup><span class=\"vtext\">Omnia, inquit, venerunt scripta manu Domini ad me, ut intelligerem universa opera exemplaris.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,13,28,20,&quot;1 Chronicles&quot;)\">20<\/sup><span class=\"vtext\">Dixit quoque David Salomoni filio suo: Viriliter age, et confortare, et fac: ne timeas, et ne paveas: Dominus enim Deus meus tecum erit, et non dimittet te nec derelinquet, donec perficias omne opus ministerii domus Domini.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,13,28,21,&quot;1 Chronicles&quot;)\">21<\/sup><span class=\"vtext\">Ecce divisiones sacerdotum et Levitarum: in omne ministerium domus Domini assistunt tibi, et parati sunt, et noverunt tam principes quam populus facere omnia præcepta tua.<\/span> <\/p>\n<div class=\"bottom-nav\"><a href=\"\/vulgate\/1\/13\/27\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/13\/29\" class=\"nav-btn-lg nav-ajax\">Next &rsaquo;<\/a><\/div>\n","page_title":"1 Chronicles, Chapter 28 — Latin Vulgate","book_title":"1 Chronicles","toolbar_title":"1 Chronicles — Ch. 28","prev_url":"\/vulgate\/1\/13\/27","next_url":"\/vulgate\/1\/13\/29","tid":1,"book_id":13,"chapter":28,"num_chapters":29,"trans":"Vulgate","is_rtl":false,"strongs_data":{},"bsb_glosses":{},"book_name":"1 Chronicles","canonical_url":"https:\/\/accept.gift\/vulgate\/1\/13\/28","meta_desc":"Convocavit igitur David omnes principes Israël, duces tribuum, et præpositos turmarum, qui ministrabant regi: tribunos quoque et centuriones, et qui præerant…"}