{"reader_html":"<h1 class=\"chapter-heading\">2 Chronicles<span class=\"chapter-label\">Chapter 23<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,14,23,1,&quot;2 Chronicles&quot;)\">1<\/sup><span class=\"vtext\">Anno autem septimo, confortatus Jojada, assumpsit centuriones, Azariam videlicet filium Jeroham, et Ismahel filium Johanan, Azariam quoque filium Obed, et Maasiam filium Adaiæ, et Elisaphat filium Zechri: et iniit cum eis fœdus.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,14,23,2,&quot;2 Chronicles&quot;)\">2<\/sup><span class=\"vtext\">Qui circumeuntes Judam, congregaverunt Levitas de cunctis urbibus Juda, et principes familiarum Israël, veneruntque in Jerusalem.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,14,23,3,&quot;2 Chronicles&quot;)\">3<\/sup><span class=\"vtext\">Iniit ergo omnis multitudo pactum in domo Dei cum rege, dixitque ad eos Jojada: Ecce filius regis regnabit, sicut locutus est Dominus super filios David.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,14,23,4,&quot;2 Chronicles&quot;)\">4<\/sup><span class=\"vtext\">Iste est ergo sermo quem facietis:<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,14,23,5,&quot;2 Chronicles&quot;)\">5<\/sup><span class=\"vtext\">tertia pars vestrum qui veniunt ad sabbatum, sacerdotum, et Levitarum, et janitorum erit in portis: tertia vero pars ad domum regis: et tertia ad portam quæ appellatur Fundamenti: omne vero reliquum vulgus sit in atriis domus Domini.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,14,23,6,&quot;2 Chronicles&quot;)\">6<\/sup><span class=\"vtext\">Nec quispiam alius ingrediatur domum Domini, nisi sacerdotes, et qui ministrant de Levitis: ipsi tantummodo ingrediantur, quia sanctificati sunt: et omne reliquum vulgus observet custodias Domini.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,14,23,7,&quot;2 Chronicles&quot;)\">7<\/sup><span class=\"vtext\">Levitæ autem circumdent regem, habentes singuli arma sua (et siquis alius ingressus fuerit templum, interficiatur), sintque cum rege et intrante et egrediente.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,14,23,8,&quot;2 Chronicles&quot;)\">8<\/sup><span class=\"vtext\">Fecerunt ergo Levitæ, et universus Juda, juxta omnia quæ præceperat Jojada pontifex: et assumpserunt singuli viros qui sub se erant, et veniebant per ordinem sabbati, cum his qui impleverant sabbatum et egressuri erant: siquidem Jojada pontifex non dimiserat abire turmas quæ sibi per singulas hebdomadas succedere consueverant.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,14,23,9,&quot;2 Chronicles&quot;)\">9<\/sup><span class=\"vtext\">Deditque Jojada sacerdos centurionibus lanceas, clypeosque et peltas regis David, quas consecraverat in domo Domini.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,14,23,10,&quot;2 Chronicles&quot;)\">10<\/sup><span class=\"vtext\">Constituitque omnem populum tenentium pugiones a parte templi dextra, usque ad partem templi sinistram, coram altari et templo, per circuitum regis.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,14,23,11,&quot;2 Chronicles&quot;)\">11<\/sup><span class=\"vtext\">Et eduxerunt filium regis, et imposuerunt ei diadema et testimonium, dederuntque in manu ejus tenendam legem, et constituerunt eum regem: unxit quoque illum Jojada pontifex, et filii ejus: imprecatique sunt ei, atque dixerunt: Vivat rex.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,14,23,12,&quot;2 Chronicles&quot;)\">12<\/sup><span class=\"vtext\">Quod cum audisset Athalia, vocem scilicet currentium atque laudantium regem, ingressa est ad populum in templum Domini.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,14,23,13,&quot;2 Chronicles&quot;)\">13<\/sup><span class=\"vtext\">Cumque vidisset regem stantem super gradum in introitu, et principes, turmasque circa eum, omnemque populum terræ gaudentem, atque clangentem tubis, et diversi generis organis concinentem, vocemque laudantium, scidit vestimenta sua, et ait: Insidiæ, insidiæ.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,14,23,14,&quot;2 Chronicles&quot;)\">14<\/sup><span class=\"vtext\">Egressus autem Jojada pontifex ad centuriones et principes exercitus, dixit eis: Educite illam extra septa templi, et interficiatur foris gladio. Præcepitque sacerdos ne occideretur in domo Domini,<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,14,23,15,&quot;2 Chronicles&quot;)\">15<\/sup><span class=\"vtext\">et imposuerunt cervicibus ejus manus: cumque intrasset portam equorum domus regis, interfecerunt eam ibi.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,14,23,16,&quot;2 Chronicles&quot;)\">16<\/sup><span class=\"vtext\">Pepigit autem Jojada fœdus inter se, universumque populum, et regem, ut esset populus Domini.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,14,23,17,&quot;2 Chronicles&quot;)\">17<\/sup><span class=\"vtext\">Itaque ingressus est omnis populus domum Baal, et destruxerunt eam, et altaria ac simulacra illius confregerunt: Mathan quoque sacerdotem Baal interfecerunt ante aras.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,14,23,18,&quot;2 Chronicles&quot;)\">18<\/sup><span class=\"vtext\">Constituit autem Jojada præpositos in domo Domini sub manibus sacerdotum et Levitarum quos distribuit David in domo Domini, ut offerrent holocausta Domino, sicut scriptum est in lege Moysi, in gaudio et canticis, juxta dispositionem David.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,14,23,19,&quot;2 Chronicles&quot;)\">19<\/sup><span class=\"vtext\">Constituit quoque janitores in portis domus Domini, ut non ingrederetur eam immundus in omni re.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,14,23,20,&quot;2 Chronicles&quot;)\">20<\/sup><span class=\"vtext\">Assumpsitque centuriones, et fortissimos viros, ac principes populi, et omne vulgus terræ, et fecerunt descendere regem de domo Domini, et introire per medium portæ superioris in domum regis, et collocaverunt eum in solio regali.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,14,23,21,&quot;2 Chronicles&quot;)\">21<\/sup><span class=\"vtext\">Lætatusque est omnis populus terræ, et urbs quievit: porro Athalia interfecta est gladio.<\/span> <\/p>\n<div class=\"bottom-nav\"><a href=\"\/vulgate\/1\/14\/22\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/14\/24\" class=\"nav-btn-lg nav-ajax\">Next &rsaquo;<\/a><\/div>\n","page_title":"2 Chronicles, Chapter 23 — Latin Vulgate","book_title":"2 Chronicles","toolbar_title":"2 Chronicles — Ch. 23","prev_url":"\/vulgate\/1\/14\/22","next_url":"\/vulgate\/1\/14\/24","tid":1,"book_id":14,"chapter":23,"num_chapters":36,"trans":"Vulgate","is_rtl":false,"strongs_data":{},"bsb_glosses":{},"book_name":"2 Chronicles","canonical_url":"https:\/\/accept.gift\/vulgate\/1\/14\/23","meta_desc":"Anno autem septimo, confortatus Jojada, assumpsit centuriones, Azariam videlicet filium Jeroham, et Ismahel filium Johanan, Azariam quoque filium Obed, et Ma…"}