{"reader_html":"<h1 class=\"chapter-heading\">2 Chronicles<span class=\"chapter-label\">Chapter 25<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,14,25,1,&quot;2 Chronicles&quot;)\">1<\/sup><span class=\"vtext\">Viginti quinque annorum erat Amasias cum regnare cœpisset, et viginti novem annis regnavit in Jerusalem: nomen matris ejus Joadan de Jerusalem.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,14,25,2,&quot;2 Chronicles&quot;)\">2<\/sup><span class=\"vtext\">Fecitque bonum in conspectu Domini, verumtamen non in corde perfecto.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,14,25,3,&quot;2 Chronicles&quot;)\">3<\/sup><span class=\"vtext\">Cumque roboratum sibi videret imperium, jugulavit servos qui occiderant regem patrem suum,<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,14,25,4,&quot;2 Chronicles&quot;)\">4<\/sup><span class=\"vtext\">sed filios eorum non interfecit, sicut scriptum est in libro legis Moysi, ubi præcepit Dominus, dicens: Non occidentur patres pro filiis, neque filii pro patribus suis, sed unusquisque in suo peccato morietur.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,14,25,5,&quot;2 Chronicles&quot;)\">5<\/sup><span class=\"vtext\">Congregavit igitur Amasias Judam, et constituit eos per familias, tribunosque et centuriones in universo Juda et Benjamin: et recensuit a viginti annis supra, invenitque trecenta millia juvenum qui egrederentur ad pugnam, et tenerent hastam et clypeum:<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,14,25,6,&quot;2 Chronicles&quot;)\">6<\/sup><span class=\"vtext\">mercede quoque conduxit de Israël centum millia robustorum, centum talentis argenti.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,14,25,7,&quot;2 Chronicles&quot;)\">7<\/sup><span class=\"vtext\">Venit autem homo Dei ad illum, et ait: O rex, ne egrediatur tecum exercitus Israël: non est enim Dominus cum Israël, et cunctis filiis Ephraim:<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,14,25,8,&quot;2 Chronicles&quot;)\">8<\/sup><span class=\"vtext\">quod si putas in robore exercitus bella consistere, superari te faciet Deus ab hostibus: Dei quippe est et adjuvare, et in fugam convertere.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,14,25,9,&quot;2 Chronicles&quot;)\">9<\/sup><span class=\"vtext\">Dixitque Amasias ad hominem Dei: Quid ergo fiet de centum talentis, quæ dedi militibus Israël? Et respondit ei homo Dei: Habet Dominus unde tibi dare possit multo his plura.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,14,25,10,&quot;2 Chronicles&quot;)\">10<\/sup><span class=\"vtext\">Separavit itaque Amasias exercitum qui venerat ad eum ex Ephraim, ut reverteretur in locum suum: at illi contra Judam vehementer irati, reversi sunt in regionem suam.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,14,25,11,&quot;2 Chronicles&quot;)\">11<\/sup><span class=\"vtext\">Porro Amasias confidenter eduxit populum suum, et abiit in vallem Salinarum, percussitque filios Seir decem millia:<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,14,25,12,&quot;2 Chronicles&quot;)\">12<\/sup><span class=\"vtext\">et alia decem millia virorum ceperunt filii Juda, et adduxerunt ad præruptum cujusdam petræ, præcipitaveruntque eos de summo in præceps: qui universi crepuerunt.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,14,25,13,&quot;2 Chronicles&quot;)\">13<\/sup><span class=\"vtext\">At ille exercitus quem remiserat Amasias ne secum iret ad prælium, diffusus est in civitatibus Juda, a Samaria usque ad Bethoron, et interfectis tribus millibus, diripuit prædam magnam.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,14,25,14,&quot;2 Chronicles&quot;)\">14<\/sup><span class=\"vtext\">Amasias vero post cædem Idumæorum, et allatos deos filiorum Seir, statuit illos in deos sibi, et adorabat eos, et illis adolebat incensum.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,14,25,15,&quot;2 Chronicles&quot;)\">15<\/sup><span class=\"vtext\">Quam ob rem iratus Dominus contra Amasiam misit ad illum prophetam, qui diceret ei: Cur adorasti deos qui non liberaverunt populum suum de manu tua?<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,14,25,16,&quot;2 Chronicles&quot;)\">16<\/sup><span class=\"vtext\">Cumque hæc ille loqueretur, respondit ei: Num consiliarius regis es? quiesce, ne interficiam te. Discedensque propheta: Scio, inquit, quod cogitaverit Deus occidere te quia fecisti hoc malum, et insuper non acquievisti consilio meo.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,14,25,17,&quot;2 Chronicles&quot;)\">17<\/sup><span class=\"vtext\">Igitur Amasias rex Juda inito pessimo consilio, misit ad Joas filium Joachaz filii Jehu regem Israël, dicens: Veni, videamus nos mutuo.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,14,25,18,&quot;2 Chronicles&quot;)\">18<\/sup><span class=\"vtext\">At ille remisit nuntios, dicens: Carduus qui est in Libano misit ad cedrum Libani, dicens: Da filiam tuam filio meo uxorem: et ecce bestiæ quæ erant in silva Libani, transierunt, et conculcaverunt carduum.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,14,25,19,&quot;2 Chronicles&quot;)\">19<\/sup><span class=\"vtext\">Dixisti: Percussi Edom, et idcirco erigitur cor tuum in superbiam: sede in domo tua: cur malum adversum te provocas, ut cadas et tu, et Juda tecum?<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,14,25,20,&quot;2 Chronicles&quot;)\">20<\/sup><span class=\"vtext\">Noluit audire Amasias, eo quod Domini esset voluntas ut traderetur in manus hostium propter deos Edom.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,14,25,21,&quot;2 Chronicles&quot;)\">21<\/sup><span class=\"vtext\">Ascendit igitur Joas rex Israël, et mutuos sibi præbuere conspectus: Amasias autem rex Juda erat in Bethsames Juda:<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,14,25,22,&quot;2 Chronicles&quot;)\">22<\/sup><span class=\"vtext\">corruitque Juda coram Israël, et fugit in tabernacula sua.<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,14,25,23,&quot;2 Chronicles&quot;)\">23<\/sup><span class=\"vtext\">Porro Amasiam regem Juda, filium Joas filii Joachaz, cepit Joas rex Israël in Bethsames, et adduxit in Jerusalem: destruxitque murum ejus a porta Ephraim usque ad portam anguli quadringentis cubitis.<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,14,25,24,&quot;2 Chronicles&quot;)\">24<\/sup><span class=\"vtext\">Omne quoque aurum et argentum, et universa vasa quæ repererat in domo Dei, et apud Obededom in thesauris etiam domus regiæ, necnon et filios obsidum, reduxit in Samariam.<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,14,25,25,&quot;2 Chronicles&quot;)\">25<\/sup><span class=\"vtext\">Vixit autem Amasias filius Joas rex Juda, postquam mortuus est Joas filius Joachaz rex Israël, quindecim annis.<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,14,25,26,&quot;2 Chronicles&quot;)\">26<\/sup><span class=\"vtext\">Reliqua autem sermonum Amasiæ priorum et novissimorum scripta sunt in libro regum Juda et Israël.<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,14,25,27,&quot;2 Chronicles&quot;)\">27<\/sup><span class=\"vtext\">Qui postquam recessit a Domino, tetenderunt ei insidias in Jerusalem. Cumque fugisset in Lachis, miserunt, et interfecerunt eum ibi.<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,14,25,28,&quot;2 Chronicles&quot;)\">28<\/sup><span class=\"vtext\">Reportantesque super equos, sepelierunt eum cum patribus suis in civitate David.<\/span> <\/p>\n<div class=\"bottom-nav\"><a href=\"\/vulgate\/1\/14\/24\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/14\/26\" class=\"nav-btn-lg nav-ajax\">Next &rsaquo;<\/a><\/div>\n","page_title":"2 Chronicles, Chapter 25 — Latin Vulgate","book_title":"2 Chronicles","toolbar_title":"2 Chronicles — Ch. 25","prev_url":"\/vulgate\/1\/14\/24","next_url":"\/vulgate\/1\/14\/26","tid":1,"book_id":14,"chapter":25,"num_chapters":36,"trans":"Vulgate","is_rtl":false,"strongs_data":{},"bsb_glosses":{},"book_name":"2 Chronicles","canonical_url":"https:\/\/accept.gift\/vulgate\/1\/14\/25","meta_desc":"Viginti quinque annorum erat Amasias cum regnare cœpisset, et viginti novem annis regnavit in Jerusalem: nomen matris ejus Joadan de Jerusalem. Fecitque bonu…"}