{"reader_html":"<h1 class=\"chapter-heading\">2 Chronicles<span class=\"chapter-label\">Chapter 29<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,14,29,1,&quot;2 Chronicles&quot;)\">1<\/sup><span class=\"vtext\">Igitur Ezechias regnare cœpit, cum viginti quinque esset annorum, et viginti novem annis regnavit in Jerusalem: nomen matris ejus Abia filia Zachariæ.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,14,29,2,&quot;2 Chronicles&quot;)\">2<\/sup><span class=\"vtext\">Fecitque quod erat placitum in conspectu Domini, juxta omnia quæ fecerat David pater ejus.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,14,29,3,&quot;2 Chronicles&quot;)\">3<\/sup><span class=\"vtext\">Ipse, anno et mense primo regni sui, aperuit valvas domus Domini, et instauravit eas.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,14,29,4,&quot;2 Chronicles&quot;)\">4<\/sup><span class=\"vtext\">Adduxitque sacerdotes atque Levitas, et congregavit eos in plateam orientalem.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,14,29,5,&quot;2 Chronicles&quot;)\">5<\/sup><span class=\"vtext\">Dixitque ad eos: Audite me, Levitæ, et sanctificamini: mundate domum Domini Dei patrum vestrorum, et auferte omnem immunditiam de sanctuario.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,14,29,6,&quot;2 Chronicles&quot;)\">6<\/sup><span class=\"vtext\">Peccaverunt patres nostri, et fecerunt malum in conspectu Domini Dei nostri, derelinquentes eum: averterunt facies suas a tabernaculo Domini, et præbuerunt dorsum.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,14,29,7,&quot;2 Chronicles&quot;)\">7<\/sup><span class=\"vtext\">Clauserunt ostia quæ erant in porticu, et extinxerunt lucernas, incensumque non adoleverunt, et holocausta non obtulerunt in sanctuario Deo Israël.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,14,29,8,&quot;2 Chronicles&quot;)\">8<\/sup><span class=\"vtext\">Concitatus est itaque furor Domini super Judam et Jerusalem, tradiditque eos in commotionem, et in interitum, et in sibilum, sicut ipsi cernitis oculis vestris.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,14,29,9,&quot;2 Chronicles&quot;)\">9<\/sup><span class=\"vtext\">En corruerunt patres nostri gladiis: filii nostri, et filiæ nostræ, et conjuges captivæ ductæ sunt propter hoc scelus.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,14,29,10,&quot;2 Chronicles&quot;)\">10<\/sup><span class=\"vtext\">Nunc ergo placet mihi ut ineamus fœdus cum Domino Deo Israël, et avertet a nobis furorem iræ suæ.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,14,29,11,&quot;2 Chronicles&quot;)\">11<\/sup><span class=\"vtext\">Filii mei, nolite negligere: vos elegit Dominus ut stetis coram eo, et ministretis illi, colatisque eum, et cremetis ei incensum.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,14,29,12,&quot;2 Chronicles&quot;)\">12<\/sup><span class=\"vtext\">Surrexerunt ergo Levitæ: Mahath filius Amasai, et Joël filius Azariæ de filiis Caath: porro de filiis Merari, Cis filius Abdi, et Azarias filius Jalaleel. De filiis autem Gersom, Joah filius Zemma, et Eden filius Joah.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,14,29,13,&quot;2 Chronicles&quot;)\">13<\/sup><span class=\"vtext\">At vero de filiis Elisaphan, Samri, et Jahiel. De filiis quoque Asaph, Zacharias, et Mathanias:<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,14,29,14,&quot;2 Chronicles&quot;)\">14<\/sup><span class=\"vtext\">necnon de filiis Heman, Jahiel, et Semei: sed et de filiis Idithun, Semeias, et Oziel.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,14,29,15,&quot;2 Chronicles&quot;)\">15<\/sup><span class=\"vtext\">Congregaveruntque fratres suos, et sanctificati sunt, et ingressi sunt juxta mandatum regis et imperium Domini, ut expiarent domum Dei.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,14,29,16,&quot;2 Chronicles&quot;)\">16<\/sup><span class=\"vtext\">Sacerdotes quoque ingressi templum Domini ut sanctificarent illud, extulerunt omnem immunditiam quam intro repererant in vestibulo domus Domini: quam tulerunt Levitæ, et asportaverunt ad torrentem Cedron foras.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,14,29,17,&quot;2 Chronicles&quot;)\">17<\/sup><span class=\"vtext\">Cœperunt autem prima die mensis primi mundare, et in die octavo ejusdem mensis ingressi sunt porticum templi Domini, expiaveruntque templum diebus octo, et in die sextadecima mensis ejusdem, quod cœperant, impleverunt.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,14,29,18,&quot;2 Chronicles&quot;)\">18<\/sup><span class=\"vtext\">Ingressi quoque sunt ad Ezechiam regem, et dixerunt ei: Sanctificavimus omnem domum Domini, et altare holocausti, vasaque ejus, necnon et mensam propositionis cum omnibus vasis suis,<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,14,29,19,&quot;2 Chronicles&quot;)\">19<\/sup><span class=\"vtext\">cunctamque templi supellectilem, quam polluerat rex Achaz in regno suo, postquam prævaricatus est: et ecce exposita sunt omnia coram altare Domini.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,14,29,20,&quot;2 Chronicles&quot;)\">20<\/sup><span class=\"vtext\">Consurgensque diluculo Ezechias rex, adunavit omnes principes civitatis, et ascendit in domum Domini:<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,14,29,21,&quot;2 Chronicles&quot;)\">21<\/sup><span class=\"vtext\">obtuleruntque simul tauros septem, et arietes septem, agnos septem, et hircos septem pro peccato, pro regno, pro sanctuario, pro Juda: dixitque sacerdotibus filiis Aaron, ut offerrent super altare Domini.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,14,29,22,&quot;2 Chronicles&quot;)\">22<\/sup><span class=\"vtext\">Mactaverunt igitur tauros, et susceperunt sanguinem sacerdotes, et fuderunt illum super altare: mactaverunt etiam arietes, et illorum sanguinem super altare fuderunt, immolaveruntque agnos, et fuderunt super altare sanguinem.<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,14,29,23,&quot;2 Chronicles&quot;)\">23<\/sup><span class=\"vtext\">Applicuerunt hircos pro peccato coram rege, et universa multitudine, imposueruntque manus suas super eos:<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,14,29,24,&quot;2 Chronicles&quot;)\">24<\/sup><span class=\"vtext\">et immolaverunt illos sacerdotes, et asperserunt sanguinem eorum coram altare pro piaculo universi Israëlis: pro omni quippe Israël præceperat rex ut holocaustum fieret, et pro peccato.<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,14,29,25,&quot;2 Chronicles&quot;)\">25<\/sup><span class=\"vtext\">Constituit quoque Levitas in domo Domini cum cymbalis, et psalteriis, et citharis secundum dispositionem David regis, et Gad videntis, et Nathan prophetæ: siquidem Domini præceptum fuit per manum prophetarum ejus.<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,14,29,26,&quot;2 Chronicles&quot;)\">26<\/sup><span class=\"vtext\">Steteruntque Levitæ tenentes organa David, et sacerdotes tubas.<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,14,29,27,&quot;2 Chronicles&quot;)\">27<\/sup><span class=\"vtext\">Et jussit Ezechias ut offerrent holocausta super altare: cumque offerrentur holocausta, cœperunt laudes canere Domino, et clangere tubis, atque in diversis organis quæ David rex Israël præparaverat, concrepare.<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,14,29,28,&quot;2 Chronicles&quot;)\">28<\/sup><span class=\"vtext\">Omni autem turba adorante, cantores, et ii qui tenebant tubas, erant in officio suo donec compleretur holocaustum.<\/span> <\/p>\n<p class=\"verse-para\"><sup class=\"vnum\" data-v=\"29\" onclick=\"loadParallel(1,14,29,29,&quot;2 Chronicles&quot;)\">29<\/sup><span class=\"vtext\">Cumque finita esset oblatio, incurvatus est rex, et omnes qui erant cum eo, et adoraverunt.<\/span> <\/p>\n<p class=\"verse-para\"><sup class=\"vnum\" data-v=\"30\" onclick=\"loadParallel(1,14,29,30,&quot;2 Chronicles&quot;)\">30<\/sup><span class=\"vtext\">Præcepitque Ezechias et principes Levitis, ut laudarent Dominum sermonibus David, et Asaph videntis: qui laudaverunt eum magna lætitia, et incurvato genu adoraverunt.<\/span> <\/p>\n<p class=\"verse-para\"><sup class=\"vnum\" data-v=\"31\" onclick=\"loadParallel(1,14,29,31,&quot;2 Chronicles&quot;)\">31<\/sup><span class=\"vtext\">Ezechias autem etiam hæc addidit: Implestis manus vestras Domino: accedite, et offerte victimas et laudes in domo Domini. Obtulit ergo universa multitudo hostias, et laudes, et holocausta, mente devota.<\/span> <\/p>\n<p class=\"verse-para\"><sup class=\"vnum\" data-v=\"32\" onclick=\"loadParallel(1,14,29,32,&quot;2 Chronicles&quot;)\">32<\/sup><span class=\"vtext\">Porro numerus holocaustorum quæ obtulit multitudo, hic fuit: tauros septuaginta, arietes centum, agnos ducentos.<\/span> <\/p>\n<p class=\"verse-para\"><sup class=\"vnum\" data-v=\"33\" onclick=\"loadParallel(1,14,29,33,&quot;2 Chronicles&quot;)\">33<\/sup><span class=\"vtext\">Sanctificaveruntque Domino boves sexcentos, et oves tria millia.<\/span> <\/p>\n<p class=\"verse-para\"><sup class=\"vnum\" data-v=\"34\" onclick=\"loadParallel(1,14,29,34,&quot;2 Chronicles&quot;)\">34<\/sup><span class=\"vtext\">Sacerdotes vero pauci erant, nec poterant sufficere ut pelles holocaustorum detraherent: unde et Levitæ fratres eorum adjuverunt eos, donec impleretur opus, et sanctificarentur antistites: Levitæ quippe faciliori ritu sanctificantur quam sacerdotes.<\/span> <\/p>\n<p class=\"verse-para\"><sup class=\"vnum\" data-v=\"35\" onclick=\"loadParallel(1,14,29,35,&quot;2 Chronicles&quot;)\">35<\/sup><span class=\"vtext\">Fuerunt ergo holocausta plurima, adipes pacificorum, et libamina holocaustorum: et completus est cultus domus Domini.<\/span> <\/p>\n<p class=\"verse-para\"><sup class=\"vnum\" data-v=\"36\" onclick=\"loadParallel(1,14,29,36,&quot;2 Chronicles&quot;)\">36<\/sup><span class=\"vtext\">Lætatusque est Ezechias et omnis populus, eo quod ministerium Domini esset expletum: de repente quippe hoc fieri placuerat.<\/span> <\/p>\n<div class=\"bottom-nav\"><a href=\"\/vulgate\/1\/14\/28\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/14\/30\" class=\"nav-btn-lg nav-ajax\">Next &rsaquo;<\/a><\/div>\n","page_title":"2 Chronicles, Chapter 29 — Latin Vulgate","book_title":"2 Chronicles","toolbar_title":"2 Chronicles — Ch. 29","prev_url":"\/vulgate\/1\/14\/28","next_url":"\/vulgate\/1\/14\/30","tid":1,"book_id":14,"chapter":29,"num_chapters":36,"trans":"Vulgate","is_rtl":false,"strongs_data":{},"bsb_glosses":{},"book_name":"2 Chronicles","canonical_url":"https:\/\/accept.gift\/vulgate\/1\/14\/29","meta_desc":"Igitur Ezechias regnare cœpit, cum viginti quinque esset annorum, et viginti novem annis regnavit in Jerusalem: nomen matris ejus Abia filia Zachariæ. Fecitq…"}