{"reader_html":"<h1 class=\"chapter-heading\">Nehemiah<span class=\"chapter-label\">Chapter 13<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,16,13,1,&quot;Nehemiah&quot;)\">1<\/sup><span class=\"vtext\">In die autem illo, lectum est in volumine Moysi, audiente populo: et inventum est scriptum in eo, quod non debeant introire Ammonites et Moabites in ecclesiam Dei usque in æternum:<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,16,13,2,&quot;Nehemiah&quot;)\">2<\/sup><span class=\"vtext\">eo quod non occurrerint filiis Israël cum pane et aqua, et conduxerint adversum eos Balaam ad maledicendum eis: et convertit Deus noster maledictionem in benedictionem.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,16,13,3,&quot;Nehemiah&quot;)\">3<\/sup><span class=\"vtext\">Factum est autem, cum audissent legem, separaverunt omnem alienigenam ab Israël.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,16,13,4,&quot;Nehemiah&quot;)\">4<\/sup><span class=\"vtext\">Et super hoc erat Eliasib sacerdos, qui fuerat præpositus in gazophylacio domus Dei nostri, et proximus Tobiæ.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,16,13,5,&quot;Nehemiah&quot;)\">5<\/sup><span class=\"vtext\">Fecit ergo sibi gazophylacium grande, et ibi erant ante eum reponentes munera, et thus, et vasa, et decimam frumenti, vini, et olei, partes Levitarum, et cantorum, et janitorum, et primitias sacerdotales.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,16,13,6,&quot;Nehemiah&quot;)\">6<\/sup><span class=\"vtext\">In omnibus autem his non fui in Jerusalem, quia anno trigesimo secundo Artaxerxis regis Babylonis veni ad regem, et in fine dierum rogavi regem.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,16,13,7,&quot;Nehemiah&quot;)\">7<\/sup><span class=\"vtext\">Et veni in Jerusalem, et intellexi malum quod fecerat Eliasib Tobiæ, ut faceret ei thesaurum in vestibulis domus Dei.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,16,13,8,&quot;Nehemiah&quot;)\">8<\/sup><span class=\"vtext\">Et malum mihi visum est valde. Et projeci vasa domus Tobiæ foras de gazophylacio:<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,16,13,9,&quot;Nehemiah&quot;)\">9<\/sup><span class=\"vtext\">præcepique et emundaverunt gazophylacia: et retuli ibi vasa domus Dei, sacrificium, et thus.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,16,13,10,&quot;Nehemiah&quot;)\">10<\/sup><span class=\"vtext\">Et cognovi quod partes Levitarum non fuissent datæ, et fugisset unusquisque in regionem suam de Levitis, et cantoribus, et de his qui ministrabant:<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,16,13,11,&quot;Nehemiah&quot;)\">11<\/sup><span class=\"vtext\">et egi causam adversus magistratus, et dixi: Quare dereliquimus domum Dei? et congregavi eos, et feci stare in stationibus suis.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,16,13,12,&quot;Nehemiah&quot;)\">12<\/sup><span class=\"vtext\">Et omnis Juda apportabat decimam frumenti, vini, et olei, in horrea.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,16,13,13,&quot;Nehemiah&quot;)\">13<\/sup><span class=\"vtext\">Et constituimus super horrea Selemiam sacerdotem, et Sadoc scribam, et Phadaiam de Levitis, et juxta eos Hanan filium Zachur, filium Mathaniæ: quoniam fideles comprobati sunt, et ipsis creditæ sunt partes fratrum suorum.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,16,13,14,&quot;Nehemiah&quot;)\">14<\/sup><span class=\"vtext\">Memento mei, Deus meus, pro hoc, et ne deleas miserationes meas quas feci in domo Dei mei, et in cæremoniis ejus.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,16,13,15,&quot;Nehemiah&quot;)\">15<\/sup><span class=\"vtext\">In diebus illis vidi in Juda calcantes torcularia in sabbato, portantes acervos, et onerantes super asinos vinum, et uvas, et ficus, et omne onus, et inferentes in Jerusalem, die sabbati. Et contestatus sum ut in die qua vendere liceret, venderent.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,16,13,16,&quot;Nehemiah&quot;)\">16<\/sup><span class=\"vtext\">Et Tyrii habitaverunt in ea, inferentes pisces, et omnia venalia: et vendebant in sabbatis filiis Juda in Jerusalem.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,16,13,17,&quot;Nehemiah&quot;)\">17<\/sup><span class=\"vtext\">Et objurgavi optimates Juda, et dixi eis: Quæ est hæc res mala quam vos facitis, et profanatis diem sabbati?<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,16,13,18,&quot;Nehemiah&quot;)\">18<\/sup><span class=\"vtext\">numquid non hæc fecerunt patres nostri, et adduxit Deus noster super nos omne malum hoc, et super civitatem hanc? et vos additis iracundiam super Israël violando sabbatum.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,16,13,19,&quot;Nehemiah&quot;)\">19<\/sup><span class=\"vtext\">Factum est autem, cum quievissent portæ Jerusalem in die sabbati, dixi: et clauserunt januas, et præcepi ut non aperirent eas usque post sabbatum: et de pueris meis constitui super portas, ut nullus inferret onus in die sabbati.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,16,13,20,&quot;Nehemiah&quot;)\">20<\/sup><span class=\"vtext\">Et manserunt negotiatores, et vendentes universa venalia, foris Jerusalem semel et bis.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,16,13,21,&quot;Nehemiah&quot;)\">21<\/sup><span class=\"vtext\">Et contestatus sum eos, et dixi eis: Quare manetis ex adverso muri? si secundo hoc feceritis, manum mittam in vos. Itaque ex tempore illo non venerunt in sabbato.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,16,13,22,&quot;Nehemiah&quot;)\">22<\/sup><span class=\"vtext\">Dixi quoque Levitis ut mundarentur, et venirent ad custodiendas portas, et sanctificandam diem sabbati: et pro hoc ergo memento mei, Deus meus, et parce mihi secundum multitudinem miserationum tuarum.<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,16,13,23,&quot;Nehemiah&quot;)\">23<\/sup><span class=\"vtext\">Sed et in diebus illis vidi Judæos ducentes uxores Azotidas, Ammonitidas, et Moabitidas.<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,16,13,24,&quot;Nehemiah&quot;)\">24<\/sup><span class=\"vtext\">Et filii eorum ex media parte loquebantur azotice, et nesciebant loqui judaice, et loquebantur juxta linguam populi et populi.<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,16,13,25,&quot;Nehemiah&quot;)\">25<\/sup><span class=\"vtext\">Et objurgavi eos, et maledixi. Et cecidi ex eis viros, et decalvavi eos, et adjuravi in Deo ut non darent filias suas filiis eorum, et non acciperent de filiabus eorum filiis suis et sibimetipsis, dicens:<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,16,13,26,&quot;Nehemiah&quot;)\">26<\/sup><span class=\"vtext\">Numquid non in hujuscemodi re peccavit Salomon rex Israël? et certe in gentibus multis non erat rex similis ei, et dilectus Deo suo erat, et posuit eum Deus regem super omnem Israël: et ipsum ergo duxerunt ad peccatum mulieres alienigenæ.<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,16,13,27,&quot;Nehemiah&quot;)\">27<\/sup><span class=\"vtext\">Numquid et nos inobedientes faciemus omne malum grande hoc ut prævaricemur in Deo nostro, et ducamus uxores peregrinas?<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,16,13,28,&quot;Nehemiah&quot;)\">28<\/sup><span class=\"vtext\">De filiis autem Jojada filii Eliasib sacerdotis magni, gener erat Sanaballat Horonites, quem fugavi a me.<\/span> <\/p>\n<p class=\"verse-para\"><sup class=\"vnum\" data-v=\"29\" onclick=\"loadParallel(1,16,13,29,&quot;Nehemiah&quot;)\">29<\/sup><span class=\"vtext\">Recordare, Domine Deus meus, adversum eos qui polluunt sacerdotium, jusque sacerdotale et Leviticum.<\/span> <\/p>\n<p class=\"verse-para\"><sup class=\"vnum\" data-v=\"30\" onclick=\"loadParallel(1,16,13,30,&quot;Nehemiah&quot;)\">30<\/sup><span class=\"vtext\">Igitur mundavi eos ab omnibus alienigenis, et constitui ordines sacerdotum et Levitarum, unumquemque in ministerio suo:<\/span> <\/p>\n<p class=\"verse-para\"><sup class=\"vnum\" data-v=\"31\" onclick=\"loadParallel(1,16,13,31,&quot;Nehemiah&quot;)\">31<\/sup><span class=\"vtext\">et in oblatione lignorum in temporibus constitutis, et in primitivis: memento mei, Deus meus, in bonum. Amen.<\/span> <\/p>\n<div class=\"bottom-nav\"><a href=\"\/vulgate\/1\/16\/12\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/17\/1\" class=\"nav-btn-lg nav-ajax\">Next &rsaquo;<\/a><\/div>\n","page_title":"Nehemiah, Chapter 13 — Latin Vulgate","book_title":"Nehemiah","toolbar_title":"Nehemiah — Ch. 13","prev_url":"\/vulgate\/1\/16\/12","next_url":"\/vulgate\/1\/17\/1","tid":1,"book_id":16,"chapter":13,"num_chapters":13,"trans":"Vulgate","is_rtl":false,"strongs_data":{},"bsb_glosses":{},"book_name":"Nehemiah","canonical_url":"https:\/\/accept.gift\/vulgate\/1\/16\/13","meta_desc":"In die autem illo, lectum est in volumine Moysi, audiente populo: et inventum est scriptum in eo, quod non debeant introire Ammonites et Moabites in ecclesia…"}