{"reader_html":"<h1 class=\"chapter-heading\">Nehemiah<span class=\"chapter-label\">Chapter 5<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,16,5,1,&quot;Nehemiah&quot;)\">1<\/sup><span class=\"vtext\">Et factus est clamor populi et uxorum ejus magnus adversus fratres suos Judæos.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,16,5,2,&quot;Nehemiah&quot;)\">2<\/sup><span class=\"vtext\">Et erant qui dicerent: Filii nostri et filiæ nostræ multæ sunt nimis: accipiamus pro pretio eorum frumentum, et comedamus, et vivamus.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,16,5,3,&quot;Nehemiah&quot;)\">3<\/sup><span class=\"vtext\">Et erant qui dicerent: Agros nostros, et vineas, et domus nostras opponamus, et accipiamus frumentum in fame.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,16,5,4,&quot;Nehemiah&quot;)\">4<\/sup><span class=\"vtext\">Et alii dicebant: Mutuo sumamus pecunias in tributa regis, demusque agros nostros et vineas:<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,16,5,5,&quot;Nehemiah&quot;)\">5<\/sup><span class=\"vtext\">et nunc sicut carnes fratrum nostrorum, sic carnes nostræ sunt: et sicut filii eorum, ita et filii nostri: ecce nos subjugamus filios nostros et filias nostras in servitutem, et de filiabus nostris sunt famulæ, nec habemus unde possint redimi: et agros nostros et vineas nostras alii possident.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,16,5,6,&quot;Nehemiah&quot;)\">6<\/sup><span class=\"vtext\">Et iratus sum nimis cum audissem clamorem eorum secundum verba hæc:<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,16,5,7,&quot;Nehemiah&quot;)\">7<\/sup><span class=\"vtext\">cogitavitque cor meum mecum, et increpavi optimates et magistratus, et dixi eis: Usurasne singuli a fratribus vestris exigitis? Et congregavi adversum eos concionem magnam,<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,16,5,8,&quot;Nehemiah&quot;)\">8<\/sup><span class=\"vtext\">et dixi eis: Nos, ut scitis, redemimus fratres nostros Judæos, qui venditi fuerant gentibus secundum possibilitatem nostram: et vos igitur vendetis fratres vestros, et redimemus eos? Et siluerunt, nec invenerunt quid responderent.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,16,5,9,&quot;Nehemiah&quot;)\">9<\/sup><span class=\"vtext\">Dixique ad eos: Non est bona res quam facitis: quare non in timore Dei nostri ambulastis, ne exprobretur nobis a gentibus inimicis nostris?<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,16,5,10,&quot;Nehemiah&quot;)\">10<\/sup><span class=\"vtext\">Et ego, et fratres mei, et pueri mei commodavimus plurimis pecuniam et frumentum. Non repetamus in commune istud: æs alienum concedamus quod debetur nobis.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,16,5,11,&quot;Nehemiah&quot;)\">11<\/sup><span class=\"vtext\">Reddite eis hodie agros suos, et vineas suas, et oliveta sua, et domos suas: quin potius et centesimum pecuniæ, frumenti, vini et olei, quam exigere soletis ab eis, date pro illis.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,16,5,12,&quot;Nehemiah&quot;)\">12<\/sup><span class=\"vtext\">Et dixerunt: Reddemus, et ab eis nihil quæremus: sicque faciemus ut loqueris. Et vocavi sacerdotes, et adjuravi eos ut facerent juxta quod dixeram.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,16,5,13,&quot;Nehemiah&quot;)\">13<\/sup><span class=\"vtext\">Insuper excussi sinum meum, et dixi: Sic excutiat Deus omnem virum qui non compleverit verbum istud, de domo sua, et de laboribus suis: sic excutiatur, et vacuus fiat. Et dixit universa multitudo: Amen: et laudaverunt Deum. Fecit ergo populus sicut erat dictum.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,16,5,14,&quot;Nehemiah&quot;)\">14<\/sup><span class=\"vtext\">A die autem illa, qua præceperat rex mihi ut essem dux in terra Juda, ab anno vigesimo usque ad annum trigesimum secundum Artaxerxis regis per annos duodecim, ego et fratres mei annonas quæ ducibus debebantur non comedimus.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,16,5,15,&quot;Nehemiah&quot;)\">15<\/sup><span class=\"vtext\">Duces autem primi, qui fuerant ante me, gravaverunt populum, et acceperunt ab eis in pane, et vino, et pecunia, quotidie siclos quadraginta: sed et ministri eorum depresserunt populum. Ego autem non feci ita propter timorem Dei:<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,16,5,16,&quot;Nehemiah&quot;)\">16<\/sup><span class=\"vtext\">quin potius in opere muri ædificavi, et agrum non emi, et omnes pueri mei congregati ad opus erant.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,16,5,17,&quot;Nehemiah&quot;)\">17<\/sup><span class=\"vtext\">Judæi quoque et magistratus centum quinquaginta viri, et qui veniebant ad nos de gentibus quæ in circuitu nostro sunt, in mensa mea erant.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,16,5,18,&quot;Nehemiah&quot;)\">18<\/sup><span class=\"vtext\">Parabatur autem mihi per dies singulos bos unus, arietes sex electi, exceptis volatilibus, et inter dies decem vina diversa, et alia multa tribuebam: insuper et annonas ducatus mei non quæsivi: valde enim attenuatus erat populus.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,16,5,19,&quot;Nehemiah&quot;)\">19<\/sup><span class=\"vtext\">Memento mei, Deus meus, in bonum, secundum omnia quæ feci populo huic.<\/span> <\/p>\n<div class=\"bottom-nav\"><a href=\"\/vulgate\/1\/16\/4\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/16\/6\" class=\"nav-btn-lg nav-ajax\">Next &rsaquo;<\/a><\/div>\n","page_title":"Nehemiah, Chapter 5 — Latin Vulgate","book_title":"Nehemiah","toolbar_title":"Nehemiah — Ch. 5","prev_url":"\/vulgate\/1\/16\/4","next_url":"\/vulgate\/1\/16\/6","tid":1,"book_id":16,"chapter":5,"num_chapters":13,"trans":"Vulgate","is_rtl":false,"strongs_data":{},"bsb_glosses":{},"book_name":"Nehemiah","canonical_url":"https:\/\/accept.gift\/vulgate\/1\/16\/5","meta_desc":"Et factus est clamor populi et uxorum ejus magnus adversus fratres suos Judæos. Et erant qui dicerent: Filii nostri et filiæ nostræ multæ sunt nimis: accipia…"}