{"reader_html":"<h1 class=\"chapter-heading\">Esther<span class=\"chapter-label\">Chapter 7<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,17,7,1,&quot;Esther&quot;)\">1<\/sup><span class=\"vtext\">Intravit itaque rex et Aman, ut biberent cum regina.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,17,7,2,&quot;Esther&quot;)\">2<\/sup><span class=\"vtext\">Dixitque ei rex etiam secunda die, postquam vino incaluerat: Quæ est petitio tua, Esther, ut detur tibi? et quid vis fieri? etiam si dimidiam partem regni mei petieris, impetrabis.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,17,7,3,&quot;Esther&quot;)\">3<\/sup><span class=\"vtext\">Ad quem illa respondit: Si inveni gratiam in oculis tuis o rex, et si tibi placet, dona mihi animam meam pro qua rogo, et populum meum pro quo obsecro.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,17,7,4,&quot;Esther&quot;)\">4<\/sup><span class=\"vtext\">Traditi enim sumus ego et populus meus, ut conteramur, jugulemur, et pereamus. Atque utinam in servos et famulas venderemur: esset tolerabile malum, et gemens tacerem: nunc autem hostis noster est, cujus crudelitas redundat in regem.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,17,7,5,&quot;Esther&quot;)\">5<\/sup><span class=\"vtext\">Respondensque rex Assuerus, ait: Quis est iste, et cujus potentiæ, ut hæc audeat facere?<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,17,7,6,&quot;Esther&quot;)\">6<\/sup><span class=\"vtext\">Dixitque Esther: Hostis et inimicus noster pessimus iste est Aman. Quod ille audiens, illico obstupuit, vultum regis ac reginæ ferre non sustinens.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,17,7,7,&quot;Esther&quot;)\">7<\/sup><span class=\"vtext\">Rex autem iratus surrexit, et de loco convivii intravit in hortum arboribus consitum. Aman quoque surrexit ut rogaret Esther reginam pro anima sua: intellexit enim a rege sibi paratum malum.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,17,7,8,&quot;Esther&quot;)\">8<\/sup><span class=\"vtext\">Qui cum reversus esset de horto nemoribus consito, et intrasset convivii locum, reperit Aman super lectulum corruisse in quo jacebat Esther, et ait: Etiam reginam vult opprimere, me præsente, in domo mea. Necdum verbum de ore regis exierat, et statim operuerunt faciem ejus.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,17,7,9,&quot;Esther&quot;)\">9<\/sup><span class=\"vtext\">Dixitque Harbona, unus de eunuchis, qui stabant in ministerio regis: En lignum quod paraverat Mardochæo, qui locutus est pro rege, stat in domo Aman, habens altitudinis quinquaginta cubitos. Cui dixit rex: Appendite eum in eo.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,17,7,10,&quot;Esther&quot;)\">10<\/sup><span class=\"vtext\">Suspensus est itaque Aman in patibulo quod paraverat Mardochæo: et regis ira quievit.<\/span> <\/p>\n<div class=\"bottom-nav\"><a href=\"\/vulgate\/1\/17\/6\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/17\/8\" class=\"nav-btn-lg nav-ajax\">Next &rsaquo;<\/a><\/div>\n","page_title":"Esther, Chapter 7 — Latin Vulgate","book_title":"Esther","toolbar_title":"Esther — Ch. 7","prev_url":"\/vulgate\/1\/17\/6","next_url":"\/vulgate\/1\/17\/8","tid":1,"book_id":17,"chapter":7,"num_chapters":16,"trans":"Vulgate","is_rtl":false,"strongs_data":{},"bsb_glosses":{},"book_name":"Esther","canonical_url":"https:\/\/accept.gift\/vulgate\/1\/17\/7","meta_desc":"Intravit itaque rex et Aman, ut biberent cum regina. Dixitque ei rex etiam secunda die, postquam vino incaluerat: Quæ est petitio tua, Esther, ut detur tibi?…"}