{"reader_html":"

ExodusChapter 12<\/span><\/h1>\n

1<\/sup>Dixit quoque Dominus ad Moysen et Aaron in terra Ægypti:<\/span> <\/p>\n

2<\/sup>Mensis iste, vobis principium mensium: primus erit in mensibus anni.<\/span> <\/p>\n

3<\/sup>Loquimini ad universum cœtum filiorum Israël, et dicite eis: Decima die mensis hujus tollat unusquisque agnum per familias et domos suas.<\/span> <\/p>\n

4<\/sup>Sin autem minor est numerus ut sufficere possit ad vescendum agnum, assumet vicinum suum qui junctus est domui suæ, juxta numerum animarum quæ sufficere possunt ad esum agni.<\/span> <\/p>\n

5<\/sup>Erit autem agnus absque macula, masculus, anniculus: juxta quem ritum tolletis et hædum.<\/span> <\/p>\n

6<\/sup>Et servabitis eum usque ad quartamdecimam diem mensis hujus: immolabitque eum universa multitudo filiorum Israël ad vesperam.<\/span> <\/p>\n

7<\/sup>Et sument de sanguine ejus, ac ponent super utrumque postem, et in superliminaribus domorum, in quibus comedent illum.<\/span> <\/p>\n

8<\/sup>Et edent carnes nocte illa assas igni, et azymos panes cum lactucis agrestibus.<\/span> <\/p>\n

9<\/sup>Non comedetis ex eo crudum quid, nec coctum aqua, sed tantum assum igni: caput cum pedibus ejus et intestinis vorabitis.<\/span> <\/p>\n

10<\/sup>Nec remanebit quidquam ex eo usque mane; si quid residuum fuerit, igne comburetis.<\/span> <\/p>\n

11<\/sup>Sic autem comedetis illum: renes vestros accingetis, et calceamenta habebitis in pedibus, tenentes baculos in manibus, et comedetis festinanter: est enim Phase (id est, transitus) Domini.<\/span> <\/p>\n

12<\/sup>Et transibo per terram Ægypti nocte illa, percutiamque omne primogenitum in terra Ægypti ab homine usque ad pecus: et in cunctis diis Ægypti faciam judicia. Ego Dominus.<\/span> <\/p>\n

13<\/sup>Erit autem sanguis vobis in signum in ædibus in quibus eritis: et videbo sanguinem, et transibo vos: nec erit in vobis plaga disperdens quando percussero terram Ægypti.<\/span> <\/p>\n

14<\/sup>Habebitis autem hunc diem in monimentum: et celebrabitis eam solemnem Domino in generationibus vestris cultu sempiterno.<\/span> <\/p>\n

15<\/sup>Septem diebus azyma comedetis: in die primo non erit fermentum in domibus vestris: quicumque comederit fermentatum, peribit anima illa de Israël, a primo die usque ad diem septimum.<\/span> <\/p>\n

16<\/sup>Dies prima erit sancta atque solemnis, et dies septima eadem festivitate venerabilis: nihil operis facietis in eis, exceptis his, quæ ad vescendum pertinent.<\/span> <\/p>\n

17<\/sup>Et observabitis azyma: in eadem enim ipsa die educam exercitum vestrum de terra Ægypti, et custodietis diem istum in generationes vestras ritu perpetuo.<\/span> <\/p>\n

18<\/sup>Primo mense, quartadecima die mensis ad vesperam, comedetis azyma usque ad diem vigesimam primam ejusdem mensis ad vesperam.<\/span> <\/p>\n

19<\/sup>Septem diebus fermentum non invenietur in domibus vestris: qui comederit fermentatum, peribit anima ejus de cœtu Israël, tam de advenis quam de indigenis terræ.<\/span> <\/p>\n

20<\/sup>Omne fermentatum non comedetis: in cunctis habitaculis vestris edetis azyma.<\/span> <\/p>\n

21<\/sup>Vocavit autem Moyses omnes seniores filiorum Israël, et dixit ad eos: Ite tollentes animal per familias vestras, et immolate Phase.<\/span> <\/p>\n

22<\/sup>Fasciculumque hyssopi tingite in sanguine qui est in limine, et aspergite ex eo superliminare, et utrumque postem: nullus vestrum egrediatur ostium domus suæ usque mane.<\/span> <\/p>\n

23<\/sup>Transibit enim Dominus percutiens Ægyptios: cumque viderit sanguinem in superliminari, et in utroque poste, transcendet ostium domus, et non sinet percussorem ingredi domos vestras et lædere.<\/span> <\/p>\n

24<\/sup>Custodi verbum istud legitimum tibi et filiis tuis usque in æternum.<\/span> <\/p>\n

25<\/sup>Cumque introieritis terram, quam Dominus daturus est vobis ut pollicitus est, observabitis cæremonias istas.<\/span> <\/p>\n

26<\/sup>Et cum dixerint vobis filii vestri: Quæ est ista religio?<\/span> <\/p>\n

27<\/sup>Dicetis eis: Victima transitus Domini est, quando transivit super domos filiorum Israël in Ægypto, percutiens Ægyptios, et domos nostras liberans. Incurvatusque populus adoravit.<\/span> <\/p>\n

28<\/sup>Et egressi filii Israël fecerunt sicut præceperat Dominus Moysi et Aaron.<\/span> <\/p>\n

29<\/sup>Factum est autem in noctis medio, percussit Dominus omne primogenitum in terra Ægypti, a primogenito Pharaonis, qui in solio ejus sedebat, usque ad primogenitum captivæ quæ erat in carcere, et omne primogenitum jumentorum.<\/span> <\/p>\n

30<\/sup>Surrexitque Pharao nocte, et omnes servi ejus, cunctaque Ægyptus: et ortus est clamor magnus in Ægypto: neque enim erat domus in qua non jaceret mortuus.<\/span> <\/p>\n

31<\/sup>Vocatisque Pharao Moyse et Aaron nocte, ait: Surgite et egredimini a populo meo, vos et filii Israël: ite, immolate Domino sicut dicitis.<\/span> <\/p>\n

32<\/sup>Oves vestras et armenta assumite ut petieratis, et abeuntes benedicite mihi.<\/span> <\/p>\n

33<\/sup>Urgebantque Ægyptii populum de terra exire velociter, dicentes: Omnes moriemur.<\/span> <\/p>\n

34<\/sup>Tulit igitur populus conspersam farinam antequam fermentaretur: et ligans in palliis, posuit super humeros suos.<\/span> <\/p>\n

35<\/sup>Feceruntque filii Israël sicut præceperat Moyses: et petierunt ab Ægyptiis vasa argentea et aurea, vestemque plurimam.<\/span> <\/p>\n

36<\/sup>Dominus autem dedit gratiam populo coram Ægyptiis ut commodarent eis: et spoliaverunt Ægyptios.<\/span> <\/p>\n

37<\/sup>Profectique sunt filii Israël de Ramesse in Socoth, sexcenta fere millia peditum virorum, absque parvulis.<\/span> <\/p>\n

38<\/sup>Sed et vulgus promiscuum innumerabile ascendit cum eis, oves et armenta et animantia diversi generis multa nimis.<\/span> <\/p>\n

39<\/sup>Coxeruntque farinam, quam dudum de Ægypto conspersam tulerant: et fecerunt subcinericios panes azymos: neque enim poterant fermentari, cogentibus exire Ægyptiis, et nullam facere sinentibus moram: nec pulmenti quidquam occurrerat præparare.<\/span> <\/p>\n

40<\/sup>Habitatio autem filiorum Israël qua manserunt in Ægypto, fuit quadringentorum triginta annorum.<\/span> <\/p>\n

41<\/sup>Quibus expletis, eadem die egressus est omnis exercitus Domini de terra Ægypti.<\/span> <\/p>\n

42<\/sup>Nox ista est observabilis Domini, quando eduxit eos de terra Ægypti: hanc observare debent omnes filii Israël in generationibus suis.<\/span> <\/p>\n

43<\/sup>Dixitque Dominus ad Moysen et Aaron: Hæc est religio Phase: omnis alienigena non comedet ex eo.<\/span> <\/p>\n

44<\/sup>Omnis autem servus emptitius circumcidetur, et sic comedet.<\/span> <\/p>\n

45<\/sup>Advena et mercenarius non edent ex eo.<\/span> <\/p>\n

46<\/sup>In una domo comedetur, nec efferetis de carnibus ejus foras, nec os illius confringetis.<\/span> <\/p>\n

47<\/sup>Omnis cœtus filiorum Israël faciet illud.<\/span> <\/p>\n

48<\/sup>Quod si quis peregrinorum in vestram voluerit transire coloniam, et facere Phase Domini, circumcidetur prius omne masculinum ejus, et tunc rite celebrabit: eritque sicut indigena terræ: si quis autem circumcisus non fuerit, non vescetur ex eo.<\/span> <\/p>\n

49<\/sup>Eadem lex erit indigenæ et colono qui peregrinatur apud vos.<\/span> <\/p>\n

50<\/sup>Feceruntque omnes filii Israël sicut præceperat Dominus Moysi et Aaron.<\/span> <\/p>\n

51<\/sup>Et eadem die eduxit Dominus filios Israël de terra Ægypti per turmas suas.<\/span> <\/p>\n

‹ Previous<\/a>Next ›<\/a><\/div>\n","page_title":"Exodus, Chapter 12 — Latin Vulgate","book_title":"Exodus","toolbar_title":"Exodus — Ch. 12","prev_url":"\/vulgate\/1\/2\/11","next_url":"\/vulgate\/1\/2\/13","tid":1,"book_id":2,"chapter":12,"num_chapters":40,"trans":"Vulgate","is_rtl":false,"strongs_data":{},"bsb_glosses":{},"book_name":"Exodus","canonical_url":"https:\/\/accept.gift\/vulgate\/1\/2\/12","meta_desc":"Dixit quoque Dominus ad Moysen et Aaron in terra Ægypti: Mensis iste, vobis principium mensium: primus erit in mensibus anni. Loquimini ad universum cœtum fi…"}