{"reader_html":"<h1 class=\"chapter-heading\">Exodus<span class=\"chapter-label\">Chapter 16<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,2,16,1,&quot;Exodus&quot;)\">1<\/sup><span class=\"vtext\">Profectique sunt de Elim, et venit omnis multitudo filiorum Israël in desertum Sin, quod est inter Elim et Sinai, quintodecimo die mensis secundi, postquam egressi sunt de terra Ægypti.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,2,16,2,&quot;Exodus&quot;)\">2<\/sup><span class=\"vtext\">Et murmuravit omnis congregatio filiorum Israël contra Moysen et Aaron in solitudine.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,2,16,3,&quot;Exodus&quot;)\">3<\/sup><span class=\"vtext\">Dixeruntque filii Israël ad eos: Utinam mortui essemus per manum Domini in terra Ægypti, quando sedebamus super ollas carnium, et comedebamus panem in saturitate: cur eduxistis nos in desertum istud, ut occideretis omnem multitudinem fame?<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,2,16,4,&quot;Exodus&quot;)\">4<\/sup><span class=\"vtext\">Dixit autem Dominus ad Moysen: Ecce ego pluam vobis panes de cælo: egrediatur populus, et colligat quæ sufficiunt per singulos dies: ut tentem eum utrum ambulet in lege mea, an non.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,2,16,5,&quot;Exodus&quot;)\">5<\/sup><span class=\"vtext\">Die autem sexto parent quod inferant: et sit duplum quam colligere solebant per singulos dies.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,2,16,6,&quot;Exodus&quot;)\">6<\/sup><span class=\"vtext\">Dixeruntque Moyses et Aaron ad omnes filios Israël: Vespere scietis quod Dominus eduxerit vos de terra Ægypti,<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,2,16,7,&quot;Exodus&quot;)\">7<\/sup><span class=\"vtext\">et mane videbitis gloriam Domini: audivit enim murmur vestrum contra Dominum: nos vero quid sumus, quia mussitastis contra nos?<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,2,16,8,&quot;Exodus&quot;)\">8<\/sup><span class=\"vtext\">Et ait Moyses: Dabit vobis Dominus vespere carnes edere, et mane panes in saturitate: eo quod audierit murmurationes vestras quibus murmurati estis contra eum: nos enim quid sumus? nec contra nos est murmur vestrum, sed contra Dominum.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,2,16,9,&quot;Exodus&quot;)\">9<\/sup><span class=\"vtext\">Dixit quoque Moyses ad Aaron: Dic universæ congregationi filiorum Israël: Accedite coram Domino: audivit enim murmur vestrum.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,2,16,10,&quot;Exodus&quot;)\">10<\/sup><span class=\"vtext\">Cumque loqueretur Aaron ad omnem cœtum filiorum Israël, respexerunt ad solitudinem: et ecce gloria Domini apparuit in nube.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,2,16,11,&quot;Exodus&quot;)\">11<\/sup><span class=\"vtext\">Locutus est autem Dominus ad Moysen, dicens:<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,2,16,12,&quot;Exodus&quot;)\">12<\/sup><span class=\"vtext\">Audivi murmurationes filiorum Israël. Loquere ad eos: Vespere comedetis carnes, et mane saturabimini panibus: scietisque quod ego sum Dominus Deus vester.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,2,16,13,&quot;Exodus&quot;)\">13<\/sup><span class=\"vtext\">Factum est ergo vespere, et ascendens coturnix, cooperuit castra: mane quoque ros jacuit per circuitum castrorum.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,2,16,14,&quot;Exodus&quot;)\">14<\/sup><span class=\"vtext\">Cumque operuisset superficiem terræ, apparuit in solitudine minutum, et quasi pilo tusum in similitudinem pruinæ super terram.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,2,16,15,&quot;Exodus&quot;)\">15<\/sup><span class=\"vtext\">Quod cum vidissent filii Israël, dixerunt ad invicem: Manhu? quod significat: Quid est hoc? ignorabant enim quid esset. Quibus ait Moyses: Iste est panis quem Dominus dedit vobis ad vescendum.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,2,16,16,&quot;Exodus&quot;)\">16<\/sup><span class=\"vtext\">Hic est sermo, quem præcepit Dominus: Colligat unusquisque ex eo quantum sufficit ad vescendum: gomor per singula capita, juxta numerum animarum vestrarum quæ habitant in tabernaculo sic tolletis.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,2,16,17,&quot;Exodus&quot;)\">17<\/sup><span class=\"vtext\">Feceruntque ita filii Israël: et collegerunt, alius plus, alius minus.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,2,16,18,&quot;Exodus&quot;)\">18<\/sup><span class=\"vtext\">Et mensi sunt ad mensuram gomor: nec qui plus collegerat, habuit amplius: nec qui minus paraverat, reperit minus: sed singuli juxta id quod edere poterant, congregaverunt.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,2,16,19,&quot;Exodus&quot;)\">19<\/sup><span class=\"vtext\">Dixitque Moyses ad eos: Nullus relinquat ex eo in mane.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,2,16,20,&quot;Exodus&quot;)\">20<\/sup><span class=\"vtext\">Qui non audierunt eum, sed dimiserunt quidam ex eis usque mane, et scatere cœpit vermibus, atque computruit: et iratus est contra eos Moyses.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,2,16,21,&quot;Exodus&quot;)\">21<\/sup><span class=\"vtext\">Colligebant autem mane singuli, quantum sufficere poterat ad vescendum: cumque incaluisset sol, liquefiebat.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,2,16,22,&quot;Exodus&quot;)\">22<\/sup><span class=\"vtext\">In die autem sexta collegerunt cibos duplices, id est, duo gomor per singulos homines: venerunt autem omnes principes multitudinis, et narraverunt Moysi.<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,2,16,23,&quot;Exodus&quot;)\">23<\/sup><span class=\"vtext\">Qui ait eis: Hoc est quod locutus est Dominus: Requies sabbati sanctificata est Domino cras: quodcumque operandum est, facite, et quæ coquenda sunt coquite: quidquid autem reliquum fuerit, reponite usque in mane.<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,2,16,24,&quot;Exodus&quot;)\">24<\/sup><span class=\"vtext\">Feceruntque ita ut præceperat Moyses, et non computruit, neque vermis inventus est in eo.<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,2,16,25,&quot;Exodus&quot;)\">25<\/sup><span class=\"vtext\">Dixitque Moyses: Comedite illud hodie, quia sabbatum est Domini: non invenietur hodie in agro.<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,2,16,26,&quot;Exodus&quot;)\">26<\/sup><span class=\"vtext\">Sex diebus colligite: in die autem septimo sabbatum est Domini, idcirco non invenietur.<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,2,16,27,&quot;Exodus&quot;)\">27<\/sup><span class=\"vtext\">Venitque septima dies: et egressi de populo ut colligerent, non invenerunt.<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,2,16,28,&quot;Exodus&quot;)\">28<\/sup><span class=\"vtext\">Dixit autem Dominus ad Moysen: Usquequo non vultis custodire mandata mea et legem meam?<\/span> <\/p>\n<p class=\"verse-para\"><sup class=\"vnum\" data-v=\"29\" onclick=\"loadParallel(1,2,16,29,&quot;Exodus&quot;)\">29<\/sup><span class=\"vtext\">videte quod Dominus dederit vobis sabbatum, et propter hoc die sexta tribuit vobis cibos duplices: maneat unusquisque apud semetipsum; nullus egrediatur de loco suo die septimo.<\/span> <\/p>\n<p class=\"verse-para\"><sup class=\"vnum\" data-v=\"30\" onclick=\"loadParallel(1,2,16,30,&quot;Exodus&quot;)\">30<\/sup><span class=\"vtext\">Et sabbatizavit populus die septimo.<\/span> <\/p>\n<p class=\"verse-para\"><sup class=\"vnum\" data-v=\"31\" onclick=\"loadParallel(1,2,16,31,&quot;Exodus&quot;)\">31<\/sup><span class=\"vtext\">Appellavitque domus Israël nomen ejus Man: quod erat quasi semen coriandri album, gustusque ejus quasi similæ cum melle.<\/span> <\/p>\n<p class=\"verse-para\"><sup class=\"vnum\" data-v=\"32\" onclick=\"loadParallel(1,2,16,32,&quot;Exodus&quot;)\">32<\/sup><span class=\"vtext\">Dixit autem Moyses: Iste est sermo, quem præcepit Dominus: Imple gomor ex eo, et custodiatur in futuras retro generationes: ut noverint panem, quo alui vos in solitudine, quando educti estis de terra Ægypti.<\/span> <\/p>\n<p class=\"verse-para\"><sup class=\"vnum\" data-v=\"33\" onclick=\"loadParallel(1,2,16,33,&quot;Exodus&quot;)\">33<\/sup><span class=\"vtext\">Dixitque Moyses ad Aaron: Sume vas unum, et mitte ibi man, quantum potest capere gomor, et repone coram Domino ad servandum in generationes vestras,<\/span> <\/p>\n<p class=\"verse-para\"><sup class=\"vnum\" data-v=\"34\" onclick=\"loadParallel(1,2,16,34,&quot;Exodus&quot;)\">34<\/sup><span class=\"vtext\">sicut præcepit Dominus Moysi. Posuitque illud Aaron in tabernaculo reservandum.<\/span> <\/p>\n<p class=\"verse-para\"><sup class=\"vnum\" data-v=\"35\" onclick=\"loadParallel(1,2,16,35,&quot;Exodus&quot;)\">35<\/sup><span class=\"vtext\">Filii autem Israël comederunt man quadraginta annis, donec venirent in terram habitabilem: hoc cibo aliti sunt, usquequo tangerent fines terræ Chanaan.<\/span> <\/p>\n<p class=\"verse-para\"><sup class=\"vnum\" data-v=\"36\" onclick=\"loadParallel(1,2,16,36,&quot;Exodus&quot;)\">36<\/sup><span class=\"vtext\">Gomor autem decima pars est ephi.<\/span> <\/p>\n<div class=\"bottom-nav\"><a href=\"\/vulgate\/1\/2\/15\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/2\/17\" class=\"nav-btn-lg nav-ajax\">Next &rsaquo;<\/a><\/div>\n","page_title":"Exodus, Chapter 16 — Latin Vulgate","book_title":"Exodus","toolbar_title":"Exodus — Ch. 16","prev_url":"\/vulgate\/1\/2\/15","next_url":"\/vulgate\/1\/2\/17","tid":1,"book_id":2,"chapter":16,"num_chapters":40,"trans":"Vulgate","is_rtl":false,"strongs_data":{},"bsb_glosses":{},"book_name":"Exodus","canonical_url":"https:\/\/accept.gift\/vulgate\/1\/2\/16","meta_desc":"Profectique sunt de Elim, et venit omnis multitudo filiorum Israël in desertum Sin, quod est inter Elim et Sinai, quintodecimo die mensis secundi, postquam e…"}