{"reader_html":"<h1 class=\"chapter-heading\">Exodus<span class=\"chapter-label\">Chapter 33<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,2,33,1,&quot;Exodus&quot;)\">1<\/sup><span class=\"vtext\">Locutusque est Dominus ad Moysen, dicens: Vade, ascende de loco isto tu, et populus tuus quem eduxisti de terra Ægypti, in terram quam juravi Abraham, Isaac et Jacob, dicens: Semini tuo dabo eam:<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,2,33,2,&quot;Exodus&quot;)\">2<\/sup><span class=\"vtext\">et mittam præcursorem tui angelum, ut ejiciam Chananæum, et Amorrhæum, et Hethæum, et Pherezæum, et Hevæum, et Jebusæum,<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,2,33,3,&quot;Exodus&quot;)\">3<\/sup><span class=\"vtext\">et intres in terram fluentem lacte et melle. Non enim ascendam tecum, quia populus duræ cervicis es: ne forte disperdam te in via.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,2,33,4,&quot;Exodus&quot;)\">4<\/sup><span class=\"vtext\">Audiensque populus sermonem hunc pessimum, luxit: et nullus ex more indutus est cultu suo.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,2,33,5,&quot;Exodus&quot;)\">5<\/sup><span class=\"vtext\">Dixitque Dominus ad Moysen: Loquere filiis Israël: Populus duræ cervicis es: semel ascendam in medio tui, et delebo te. Jam nunc depone ornatum tuum, ut sciam quid faciam tibi.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,2,33,6,&quot;Exodus&quot;)\">6<\/sup><span class=\"vtext\">Deposuerunt ergo filii Israël ornatum suum a monte Horeb.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,2,33,7,&quot;Exodus&quot;)\">7<\/sup><span class=\"vtext\">Moyses quoque tollens tabernaculum, tetendit extra castra procul, vocavitque nomen ejus, Tabernaculum fœderis. Et omnis populus, qui habebat aliquam quæstionem, egrediebatur ad tabernaculum fœderis, extra castra.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,2,33,8,&quot;Exodus&quot;)\">8<\/sup><span class=\"vtext\">Cumque egrederetur Moyses ad tabernaculum, surgebat universa plebs, et stabat unusquisque in ostio papilionis sui, aspiciebantque tergum Moysi, donec ingrederetur tentorium.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,2,33,9,&quot;Exodus&quot;)\">9<\/sup><span class=\"vtext\">Ingresso autem illo tabernaculum fœderis, descendebat columna nubis, et stabat ad ostium, loquebaturque cum Moyse,<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,2,33,10,&quot;Exodus&quot;)\">10<\/sup><span class=\"vtext\">cernentibus universis quod columna nubis staret ad ostium tabernaculi. Stabantque ipsi, et adorabant per fores tabernaculorum suorum.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,2,33,11,&quot;Exodus&quot;)\">11<\/sup><span class=\"vtext\">Loquebatur autem Dominus ad Moysen facie ad faciem, sicut solet loqui homo ad amicum suum. Cumque ille reverteretur in castra, minister ejus Josue filius Nun, puer, non recedebat de tabernaculo.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,2,33,12,&quot;Exodus&quot;)\">12<\/sup><span class=\"vtext\">Dixit autem Moyses ad Dominum: Præcipis ut educam populum istum: et non indicas mihi quem missurus es mecum, præsertim cum dixeris: Novi te ex nomine, et invenisti gratiam coram me.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,2,33,13,&quot;Exodus&quot;)\">13<\/sup><span class=\"vtext\">Si ergo inveni gratiam in conspectu tuo, ostende mihi faciem tuam, ut sciam te, et inveniam gratiam ante oculos tuos: respice populum tuum gentem hanc.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,2,33,14,&quot;Exodus&quot;)\">14<\/sup><span class=\"vtext\">Dixitque Dominus: Facies mea præcedet te, et requiem dabo tibi.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,2,33,15,&quot;Exodus&quot;)\">15<\/sup><span class=\"vtext\">Et ait Moyses: Si non tu ipse præcedas, ne educas nos de loco isto.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,2,33,16,&quot;Exodus&quot;)\">16<\/sup><span class=\"vtext\">In quo enim scire poterimus ego et populus tuus invenisse nos gratiam in conspectu tuo, nisi ambulaveris nobiscum, ut glorificemur ab omnibus populis qui habitant super terram?<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,2,33,17,&quot;Exodus&quot;)\">17<\/sup><span class=\"vtext\">Dixit autem Dominus ad Moysen: Et verbum istud, quod locutus es, faciam: invenisti enim gratiam coram me, et teipsum novi ex nomine.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,2,33,18,&quot;Exodus&quot;)\">18<\/sup><span class=\"vtext\">Qui ait: Ostende mihi gloriam tuam.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,2,33,19,&quot;Exodus&quot;)\">19<\/sup><span class=\"vtext\">Respondit: Ego ostendam omne bonum tibi, et vocabo in nomine Domini coram te: et miserebor cui voluero, et clemens ero in quem mihi placuerit.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,2,33,20,&quot;Exodus&quot;)\">20<\/sup><span class=\"vtext\">Rursumque ait: Non poteris videre faciem meam: non enim videbit me homo et vivet.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,2,33,21,&quot;Exodus&quot;)\">21<\/sup><span class=\"vtext\">Et iterum: Ecce, inquit, est locus apud me, et stabis supra petram.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,2,33,22,&quot;Exodus&quot;)\">22<\/sup><span class=\"vtext\">Cumque transibit gloria mea, ponam te in foramine petræ, et protegam dextera mea, donec transeam:<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,2,33,23,&quot;Exodus&quot;)\">23<\/sup><span class=\"vtext\">tollamque manum meam, et videbis posteriora mea: faciem autem meam videre non poteris.<\/span> <\/p>\n<div class=\"bottom-nav\"><a href=\"\/vulgate\/1\/2\/32\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/2\/34\" class=\"nav-btn-lg nav-ajax\">Next &rsaquo;<\/a><\/div>\n","page_title":"Exodus, Chapter 33 — Latin Vulgate","book_title":"Exodus","toolbar_title":"Exodus — Ch. 33","prev_url":"\/vulgate\/1\/2\/32","next_url":"\/vulgate\/1\/2\/34","tid":1,"book_id":2,"chapter":33,"num_chapters":40,"trans":"Vulgate","is_rtl":false,"strongs_data":{},"bsb_glosses":{},"book_name":"Exodus","canonical_url":"https:\/\/accept.gift\/vulgate\/1\/2\/33","meta_desc":"Locutusque est Dominus ad Moysen, dicens: Vade, ascende de loco isto tu, et populus tuus quem eduxisti de terra Ægypti, in terram quam juravi Abraham, Isaac…"}