{"reader_html":"

ProverbsChapter 10<\/span><\/h1>\n

1<\/sup>Filius sapiens lætificat patrem, filius vero stultus mœstitia est matris suæ.<\/span> <\/p>\n

2<\/sup>Nil proderunt thesauri impietatis, justitia vero liberabit a morte.<\/span> <\/p>\n

3<\/sup>Non affliget Dominus fame animam justi, et insidias impiorum subvertet.<\/span> <\/p>\n

4<\/sup>Egestatem operata est manus remissa; manus autem fortium divitias parat. Qui nititur mendaciis, hic pascit ventos; idem autem ipse sequitur aves volantes.<\/span> <\/p>\n

5<\/sup>Qui congregat in messe, filius sapiens est; qui autem stertit æstate, filius confusionis.<\/span> <\/p>\n

6<\/sup>Benedictio Domini super caput justi; os autem impiorum operit iniquitas.<\/span> <\/p>\n

7<\/sup>Memoria justi cum laudibus, et nomen impiorum putrescet.<\/span> <\/p>\n

8<\/sup>Sapiens corde præcepta suscipit; stultus cæditur labiis.<\/span> <\/p>\n

9<\/sup>Qui ambulat simpliciter ambulat confidenter; qui autem depravat vias suas manifestus erit.<\/span> <\/p>\n

10<\/sup>Qui annuit oculo dabit dolorem; et stultus labiis verberabitur.<\/span> <\/p>\n

11<\/sup>Vena vitæ os justi, et os impiorum operit iniquitatem.<\/span> <\/p>\n

12<\/sup>Odium suscitat rixas, et universa delicta operit caritas.<\/span> <\/p>\n

13<\/sup>In labiis sapientis invenitur sapientia, et virga in dorso ejus qui indiget corde.<\/span> <\/p>\n

14<\/sup>Sapientes abscondunt scientiam; os autem stulti confusioni proximum est.<\/span> <\/p>\n

15<\/sup>Substantia divitis, urbs fortitudinis ejus; pavor pauperum egestas eorum.<\/span> <\/p>\n

16<\/sup>Opus justi ad vitam, fructus autem impii ad peccatum.<\/span> <\/p>\n

17<\/sup>Via vitæ custodienti disciplinam; qui autem increpationes relinquit, errat.<\/span> <\/p>\n

18<\/sup>Abscondunt odium labia mendacia; qui profert contumeliam, insipiens est.<\/span> <\/p>\n

19<\/sup>In multiloquio non deerit peccatum, qui autem moderatur labia sua prudentissimus est.<\/span> <\/p>\n

20<\/sup>Argentum electum lingua justi; cor autem impiorum pro nihilo.<\/span> <\/p>\n

21<\/sup>Labia justi erudiunt plurimos; qui autem indocti sunt in cordis egestate morientur.<\/span> <\/p>\n

22<\/sup>Benedictio Domini divites facit, nec sociabitur eis afflictio.<\/span> <\/p>\n

23<\/sup>Quasi per risum stultus operatur scelus, sapientia autem est viro prudentia.<\/span> <\/p>\n

24<\/sup>Quod timet impius veniet super eum; desiderium suum justus dabitur.<\/span> <\/p>\n

25<\/sup>Quasi tempestas transiens non erit impius; justus autem quasi fundamentum sempiternum.<\/span> <\/p>\n

26<\/sup>Sicut acetum dentibus, et fumus oculis, sic piger his qui miserunt eum.<\/span> <\/p>\n

27<\/sup>Timor Domini apponet dies, et anni impiorum breviabuntur.<\/span> <\/p>\n

28<\/sup>Exspectatio justorum lætitia, spes autem impiorum peribit.<\/span> <\/p>\n

29<\/sup>Fortitudo simplicis via Domini, et pavor his qui operantur malum.<\/span> <\/p>\n

30<\/sup>Justus in æternum non commovebitur, impii autem non habitabunt super terram.<\/span> <\/p>\n

31<\/sup>Os justi parturiet sapientiam; lingua pravorum peribit.<\/span> <\/p>\n

32<\/sup>Labia justi considerant placita, et os impiorum perversa.<\/span> <\/p>\n

‹ Previous<\/a>Next ›<\/a><\/div>\n","page_title":"Proverbs, Chapter 10 — Latin Vulgate","book_title":"Proverbs","toolbar_title":"Proverbs — Ch. 10","prev_url":"\/vulgate\/1\/20\/9","next_url":"\/vulgate\/1\/20\/11","tid":1,"book_id":20,"chapter":10,"num_chapters":31,"trans":"Vulgate","is_rtl":false,"strongs_data":{},"bsb_glosses":{},"book_name":"Proverbs","canonical_url":"https:\/\/accept.gift\/vulgate\/1\/20\/10","meta_desc":"Filius sapiens lætificat patrem, filius vero stultus mœstitia est matris suæ. Nil proderunt thesauri impietatis, justitia vero liberabit a morte. Non afflige…"}