1<\/sup>Filius sapiens doctrina patris; qui autem illusor est non audit cum arguitur.<\/span> <\/p>\n 2<\/sup>De fructu oris sui homo satiabitur bonis: anima autem prævaricatorum iniqua.<\/span> <\/p>\n 3<\/sup>Qui custodit os suum custodit animam suam; qui autem inconsideratus est ad loquendum, sentiet mala.<\/span> <\/p>\n 4<\/sup>Vult et non vult piger; anima autem operantium impinguabitur.<\/span> <\/p>\n 5<\/sup>Verbum mendax justus detestabitur; impius autem confundit, et confundetur.<\/span> <\/p>\n 6<\/sup>Justitia custodit innocentis viam, impietas autem peccatorem supplantat.<\/span> <\/p>\n 7<\/sup>Est quasi dives, cum nihil habeat, et est quasi pauper, cum in multis divitiis sit.<\/span> <\/p>\n 8<\/sup>Redemptio animæ viri divitiæ suæ; qui autem pauper est, increpationem non sustinet.<\/span> <\/p>\n 9<\/sup>Lux justorum lætificat: lucerna autem impiorum extinguetur.<\/span> <\/p>\n 10<\/sup>Inter superbos semper jurgia sunt; qui autem agunt omnia cum consilio, reguntur sapientia.<\/span> <\/p>\n 11<\/sup>Substantia festinata minuetur; quæ autem paulatim colligitur manu, multiplicabitur.<\/span> <\/p>\n 12<\/sup>Spes quæ differtur affligit animam; lignum vitæ desiderium veniens.<\/span> <\/p>\n 13<\/sup>Qui detrahit alicui rei, ipse se in futurum obligat; qui autem timet præceptum, in pace versabitur. Animæ dolosæ errant in peccatis: justi autem misericordes sunt, et miserantur.<\/span> <\/p>\n 14<\/sup>Lex sapientis fons vitæ, ut declinet a ruina mortis.<\/span> <\/p>\n 15<\/sup>Doctrina bona dabit gratiam; in itinere contemptorum vorago.<\/span> <\/p>\n 16<\/sup>Astutus omnia agit cum consilio; qui autem fatuus est aperit stultitiam.<\/span> <\/p>\n 17<\/sup>Nuntius impii cadet in malum; legatus autem fidelis, sanitas.<\/span> <\/p>\n 18<\/sup>Egestas et ignominia ei qui deserit disciplinam; qui autem acquiescit arguenti glorificabitur.<\/span> <\/p>\n 19<\/sup>Desiderium si compleatur delectat animam; detestantur stulti eos qui fugiunt mala.<\/span> <\/p>\n 20<\/sup>Qui cum sapientibus graditur sapiens erit; amicus stultorum similis efficietur.<\/span> <\/p>\n 21<\/sup>Peccatores persequitur malum, et justis retribuentur bona.<\/span> <\/p>\n 22<\/sup>Bonus reliquit hæredes filios et nepotes, et custoditur justo substantia peccatoris.<\/span> <\/p>\n 23<\/sup>Multi cibi in novalibus patrum, et aliis congregantur absque judicio.<\/span> <\/p>\n 24<\/sup>Qui parcit virgæ odit filium suum; qui autem diligit illum instanter erudit.<\/span> <\/p>\n 25<\/sup>Justus comedit et replet animam suam; venter autem impiorum insaturabilis.<\/span> <\/p>\n