1<\/sup>Quando sederis ut comedas cum principe, diligenter attende quæ apposita sunt ante faciem tuam.<\/span> <\/p>\n 2<\/sup>Et statue cultrum in gutture tuo: si tamen habes in potestate animam tuam.<\/span> <\/p>\n 3<\/sup>Ne desideres de cibis ejus, in quo est panis mendacii.<\/span> <\/p>\n 4<\/sup>Noli laborare ut diteris, sed prudentiæ tuæ pone modum.<\/span> <\/p>\n 5<\/sup>Ne erigas oculos tuos ad opes quas non potes habere, quia facient sibi pennas quasi aquilæ, et volabunt in cælum.<\/span> <\/p>\n 6<\/sup>Ne comedas cum homine invido, et ne desideres cibos ejus:<\/span> <\/p>\n 7<\/sup>quoniam in similitudinem arioli et conjectoris æstimat quod ignorat. Comede et bibe, dicet tibi; et mens ejus non est tecum.<\/span> <\/p>\n 8<\/sup>Cibos quos comederas evomes, et perdes pulchros sermones tuos.<\/span> <\/p>\n 9<\/sup>In auribus insipientium ne loquaris, qui despicient doctrinam eloquii tui.<\/span> <\/p>\n 10<\/sup>Ne attingas parvulorum terminos, et agrum pupillorum ne introëas:<\/span> <\/p>\n 11<\/sup>propinquus enim illorum fortis est, et ipse judicabit contra te causam illorum.<\/span> <\/p>\n 12<\/sup>Ingrediatur ad doctrinam cor tuum, et aures tuæ ad verba scientiæ.<\/span> <\/p>\n 13<\/sup>Noli subtrahere a puero disciplinam: si enim percusseris eum virga, non morietur.<\/span> <\/p>\n 14<\/sup>Tu virga percuties eum, et animam ejus de inferno liberabis.<\/span> <\/p>\n 15<\/sup>Fili mi, si sapiens fuerit animus tuus, gaudebit tecum cor meum:<\/span> <\/p>\n 16<\/sup>et exsultabunt renes mei, cum locuta fuerint rectum labia tua.<\/span> <\/p>\n 17<\/sup>Non æmuletur cor tuum peccatores, sed in timore Domini esto tota die:<\/span> <\/p>\n 18<\/sup>quia habebis spem in novissimo, et præstolatio tua non auferetur.<\/span> <\/p>\n 19<\/sup>Audi, fili mi, et esto sapiens, et dirige in via animum tuum.<\/span> <\/p>\n 20<\/sup>Noli esse in conviviis potatorum, nec in comessationibus eorum qui carnes ad vescendum conferunt:<\/span> <\/p>\n 21<\/sup>quia vacantes potibus et dantes symbola consumentur, et vestietur pannis dormitatio.<\/span> <\/p>\n 22<\/sup>Audi patrem tuum, qui genuit te, et ne contemnas cum senuerit mater tua.<\/span> <\/p>\n 23<\/sup>Veritatem eme, et noli vendere sapientiam, et doctrinam, et intelligentiam.<\/span> <\/p>\n 24<\/sup>Exsultat gaudio pater justi; qui sapientem genuit, lætabitur in eo.<\/span> <\/p>\n 25<\/sup>Gaudeat pater tuus et mater tua, et exsultet quæ genuit te.<\/span> <\/p>\n 26<\/sup>Præbe, fili mi, cor tuum mihi, et oculi tui vias meas custodiant.<\/span> <\/p>\n 27<\/sup>Fovea enim profunda est meretrix, et puteus angustus aliena.<\/span> <\/p>\n 28<\/sup>Insidiatur in via quasi latro, et quos incautos viderit, interficiet.<\/span> <\/p>\n 29<\/sup>Cui væ? cujus patri væ? cui rixæ? cui foveæ? cui sine causa vulnera? cui suffusio oculorum?<\/span> <\/p>\n 30<\/sup>nonne his qui commorantur in vino, et student calicibus epotandis?<\/span> <\/p>\n 31<\/sup>Ne intuearis vinum quando flavescit, cum splenduerit in vitro color ejus: ingreditur blande,<\/span> <\/p>\n 32<\/sup>sed in novissimo mordebit ut coluber, et sicut regulus venena diffundet.<\/span> <\/p>\n 33<\/sup>Oculi tui videbunt extraneas, et cor tuum loquetur perversa.<\/span> <\/p>\n 34<\/sup>Et eris sicut dormiens in medio mari, et quasi sopitus gubernator, amisso clavo.<\/span> <\/p>\n 35<\/sup>Et dices: Verberaverunt me, sed non dolui; traxerunt me, et ego non sensi. Quando evigilabo, et rursus vina reperiam?<\/span> <\/p>\n