{"reader_html":"

ProverbsChapter 25<\/span><\/h1>\n
^{1<\/sup>Hæ quoque parabolæ Salomonis, quas transtulerunt viri Ezechiæ regis Juda.<\/span> <\/p>\n}
^{2<\/sup>Gloria Dei est celare verbum, et gloria regum investigare sermonem.<\/span> <\/p>\n}
^{3<\/sup>Cælum sursum, et terra deorsum, et cor regum inscrutabile.<\/span> <\/p>\n}
^{4<\/sup>Aufer rubiginem de argento, et egredietur vas purissimum.<\/span> <\/p>\n}
^{5<\/sup>Aufer impietatem de vultu regis, et firmabitur justitia thronus ejus.<\/span> <\/p>\n}
^{6<\/sup>Ne gloriosus appareas coram rege, et in loco magnorum ne steteris.<\/span> <\/p>\n}
^{7<\/sup>Melius est enim ut dicatur tibi: Ascende huc, quam ut humilieris coram principe.<\/span> <\/p>\n}
^{8<\/sup>Quæ viderunt oculi tui ne proferas in jurgio cito, ne postea emendare non possis, cum dehonestaveris amicum tuum.<\/span> <\/p>\n}
^{9<\/sup>Causam tuam tracta cum amico tuo, et secretum extraneo ne reveles:<\/span> <\/p>\n}
^{10<\/sup>ne forte insultet tibi cum audierit, et exprobrare non cesset. Gratia et amicitia liberant: quas tibi serva, ne exprobrabilis fias.<\/span> <\/p>\n}
^{11<\/sup>Mala aurea in lectis argenteis, qui loquitur verbum in tempore suo.<\/span> <\/p>\n}
^{12<\/sup>Inauris aurea, et margaritum fulgens, qui arguit sapientem et aurem obedientem.<\/span> <\/p>\n}
^{13<\/sup>Sicut frigus nivis in die messis, ita legatus fidelis ei qui misit eum: animam ipsius requiescere facit.<\/span> <\/p>\n}
^{14<\/sup>Nubes, et ventus, et pluviæ non sequentes, vir gloriosus et promissa non complens.<\/span> <\/p>\n}
^{15<\/sup>Patientia lenietur princeps, et lingua mollis confringet duritiam.<\/span> <\/p>\n}
^{16<\/sup>Mel invenisti: comede quod sufficit tibi, ne forte satiatus evomas illud.<\/span> <\/p>\n}
^{17<\/sup>Subtrahe pedem tuum de domo proximi tui, nequando satiatus oderit te.<\/span> <\/p>\n}
^{18<\/sup>Jaculum, et gladius, et sagitta acuta, homo qui loquitur contra proximum suum falsum testimonium.<\/span> <\/p>\n}
^{19<\/sup>Dens putridus, et pes lassus, qui sperat super infideli in die angustiæ,<\/span> <\/p>\n}
^{20<\/sup>et amittit pallium in die frigoris. Acetum in nitro, qui cantat carmina cordi pessimo. Sicut tinea vestimento, et vermis ligno, ita tristitia viri nocet cordi.<\/span> <\/p>\n}
^{21<\/sup>Si esurierit inimicus tuus, ciba illum; si sitierit, da ei aquam bibere:<\/span> <\/p>\n}
^{22<\/sup>prunas enim congregabis super caput ejus, et Dominus reddet tibi.<\/span> <\/p>\n}
^{23<\/sup>Ventus aquilo dissipat pluvias, et facies tristis linguam detrahentem.<\/span> <\/p>\n}
^{24<\/sup>Melius est sedere in angulo domatis quam cum muliere litigiosa et in domo communi.<\/span> <\/p>\n}
^{25<\/sup>Aqua frigida animæ sitienti, et nuntius bonus de terra longinqua.<\/span> <\/p>\n}
^{26<\/sup>Fons turbatus pede et vena corrupta, justus cadens coram impio.<\/span> <\/p>\n}
^{27<\/sup>Sicut qui mel multum comedit non est ei bonum, sic qui scrutator est majestatis opprimetur a gloria.<\/span> <\/p>\n}
^{28<\/sup>Sicut urbs patens et absque murorum ambitu, ita vir qui non potest in loquendo cohibere spiritum suum.<\/span> <\/p>\n}
‹ Previous<\/a>Next ›<\/a><\/div>\n","page_title":"Proverbs, Chapter 25 — Latin Vulgate","book_title":"Proverbs","toolbar_title":"Proverbs — Ch. 25","prev_url":"\/vulgate\/1\/20\/24","next_url":"\/vulgate\/1\/20\/26","tid":1,"book_id":20,"chapter":25,"num_chapters":31,"trans":"Vulgate","is_rtl":false,"strongs_data":{},"bsb_glosses":{},"book_name":"Proverbs","canonical_url":"https:\/\/accept.gift\/vulgate\/1\/20\/25","meta_desc":"Hæ quoque parabolæ Salomonis, quas transtulerunt viri Ezechiæ regis Juda. Gloria Dei est celare verbum, et gloria regum investigare sermonem. Cælum sursum, e…"}