1<\/sup>Ne glorieris in crastinum, ignorans quid superventura pariat dies.<\/span> <\/p>\n 2<\/sup>Laudet te alienus, et non os tuum; extraneus, et non labia tua.<\/span> <\/p>\n 3<\/sup>Grave est saxum, et onerosa arena, sed ira stulti utroque gravior.<\/span> <\/p>\n 4<\/sup>Ira non habet misericordiam nec erumpens furor, et impetum concitati ferre quis poterit?<\/span> <\/p>\n 5<\/sup>Melior est manifesta correptio quam amor absconditus.<\/span> <\/p>\n 6<\/sup>Meliora sunt vulnera diligentis quam fraudulenta oscula odientis.<\/span> <\/p>\n 7<\/sup>Anima saturata calcabit favum, et anima esuriens etiam amarum pro dulci sumet.<\/span> <\/p>\n 8<\/sup>Sicut avis transmigrans de nido suo, sic vir qui derelinquit locum suum.<\/span> <\/p>\n 9<\/sup>Unguento et variis odoribus delectatur cor, et bonis amici consiliis anima dulcoratur.<\/span> <\/p>\n 10<\/sup>Amicum tuum et amicum patris tui ne dimiseris, et domum fratris tui ne ingrediaris in die afflictionis tuæ. Melior est vicinus juxta quam frater procul.<\/span> <\/p>\n 11<\/sup>Stude sapientiæ, fili mi, et lætifica cor meum, ut possis exprobranti respondere sermonem.<\/span> <\/p>\n 12<\/sup>Astutus videns malum, absconditus est: parvuli transeuntes sustinuerunt dispendia.<\/span> <\/p>\n 13<\/sup>Tolle vestimentum ejus qui spopondit pro extraneo, et pro alienis aufer ei pignus.<\/span> <\/p>\n 14<\/sup>Qui benedicit proximo suo voce grandi, de nocte consurgens maledicenti similis erit.<\/span> <\/p>\n 15<\/sup>Tecta perstillantia in die frigoris et litigiosa mulier comparantur.<\/span> <\/p>\n 16<\/sup>Qui retinet eam quasi qui ventum teneat, et oleum dexteræ suæ vocabit.<\/span> <\/p>\n 17<\/sup>Ferrum ferro exacuitur, et homo exacuit faciem amici sui.<\/span> <\/p>\n 18<\/sup>Qui servat ficum comedet fructus ejus, et qui custos est domini sui glorificabitur.<\/span> <\/p>\n 19<\/sup>Quomodo in aquis resplendent vultus prospicientium, sic corda hominum manifesta sunt prudentibus.<\/span> <\/p>\n 20<\/sup>Infernus et perditio numquam implentur: similiter et oculi hominum insatiabiles.<\/span> <\/p>\n 21<\/sup>Quomodo probatur in conflatorio argentum et in fornace aurum, sic probatur homo ore laudantis. Cor iniqui inquirit mala, cor autem rectum inquirit scientiam.<\/span> <\/p>\n 22<\/sup>Si contuderis stultum in pila quasi ptisanas feriente desuper pilo, non auferetur ab eo stultitia ejus.<\/span> <\/p>\n 23<\/sup>Diligenter agnosce vultum pecoris tui, tuosque greges considera:<\/span> <\/p>\n 24<\/sup>non enim habebis jugiter potestatem, sed corona tribuetur in generationem et generationem.<\/span> <\/p>\n 25<\/sup>Aperta sunt prata, et apparuerunt herbæ virentes, et collecta sunt fœna de montibus.<\/span> <\/p>\n 26<\/sup>Agni ad vestimentum tuum, et hædi ad agri pretium.<\/span> <\/p>\n 27<\/sup>Sufficiat tibi lac caprarum in cibos tuos, et in necessaria domus tuæ, et ad victum ancillis tuis.<\/span> <\/p>\n