1<\/sup>Viro qui corripientem dura cervice contemnit, repentinus ei superveniet interitus, et eum sanitas non sequetur.<\/span> <\/p>\n 2<\/sup>In multiplicatione justorum lætabitur vulgus; cum impii sumpserint principatum, gemet populus.<\/span> <\/p>\n 3<\/sup>Vir qui amat sapientiam lætificat patrem suum; qui autem nutrit scorta perdet substantiam.<\/span> <\/p>\n 4<\/sup>Rex justus erigit terram; vir avarus destruet eam.<\/span> <\/p>\n 5<\/sup>Homo qui blandis fictisque sermonibus loquitur amico suo rete expandit gressibus ejus.<\/span> <\/p>\n 6<\/sup>Peccantem virum iniquum involvet laqueus, et justus laudabit atque gaudebit.<\/span> <\/p>\n 7<\/sup>Novit justus causam pauperum; impius ignorat scientiam.<\/span> <\/p>\n 8<\/sup>Homines pestilentes dissipant civitatem; sapientes vero avertunt furorem.<\/span> <\/p>\n 9<\/sup>Vir sapiens si cum stulto contenderit, sive irascatur, sive rideat, non inveniet requiem.<\/span> <\/p>\n 10<\/sup>Viri sanguinum oderunt simplicem; justi autem quærunt animam ejus.<\/span> <\/p>\n 11<\/sup>Totum spiritum suum profert stultus; sapiens differt, et reservat in posterum.<\/span> <\/p>\n 12<\/sup>Princeps qui libenter audit verba mendacii, omnes ministros habet impios.<\/span> <\/p>\n 13<\/sup>Pauper et creditor obviaverunt sibi: utriusque illuminator est Dominus.<\/span> <\/p>\n 14<\/sup>Rex qui judicat in veritate pauperes, thronus ejus in æternum firmabitur.<\/span> <\/p>\n 15<\/sup>Virga atque correptio tribuit sapientiam; puer autem qui dimittitur voluntati suæ confundit matrem suam.<\/span> <\/p>\n 16<\/sup>In multiplicatione impiorum multiplicabuntur scelera, et justi ruinas eorum videbunt.<\/span> <\/p>\n 17<\/sup>Erudi filium tuum, et refrigerabit te, et dabit delicias animæ tuæ.<\/span> <\/p>\n 18<\/sup>Cum prophetia defecerit, dissipabitur populus; qui vero custodit legem beatus est.<\/span> <\/p>\n 19<\/sup>Servus verbis non potest erudiri, quia quod dicis intelligit, et respondere contemnit.<\/span> <\/p>\n 20<\/sup>Vidisti hominem velocem ad loquendum? stultitia magis speranda est quam illius correptio.<\/span> <\/p>\n 21<\/sup>Qui delicate a pueritia nutrit servum suum postea sentiet eum contumacem.<\/span> <\/p>\n 22<\/sup>Vir iracundus provocat rixas, et qui ad indignandum facilis est erit ad peccandum proclivior.<\/span> <\/p>\n 23<\/sup>Superbum sequitur humilitas, et humilem spiritu suscipiet gloria.<\/span> <\/p>\n 24<\/sup>Qui cum fure participat odit animam suam; adjurantem audit, et non indicat.<\/span> <\/p>\n 25<\/sup>Qui timet hominem cito corruet; qui sperat in Domino sublevabitur.<\/span> <\/p>\n 26<\/sup>Multi requirunt faciem principis, et judicium a Domino egreditur singulorum.<\/span> <\/p>\n 27<\/sup>Abominantur justi virum impium, et abominantur impii eos qui in recta sunt via. Verbum custodiens filius extra perditionem erit.<\/span> <\/p>\n