{"reader_html":"<h1 class=\"chapter-heading\">Isaiah<span class=\"chapter-label\">Chapter 50<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,23,50,1,&quot;Isaiah&quot;)\">1<\/sup><span class=\"vtext\">Hæc dicit Dominus: Quis est hic liber repudii matris vestræ, quo dimisi eam? aut quis est creditor meus, cui vendidi vos? Ecce in iniquitatibus vestris venditi estis, et in sceleribus vestris dimisi matrem vestram.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,23,50,2,&quot;Isaiah&quot;)\">2<\/sup><span class=\"vtext\">Quia veni, et non erat vir; vocavi, et non erat qui audiret. Numquid abbreviata et parvula facta est manus mea, ut non possim redimere? aut non est in me virtus ad liberandum? Ecce in increpatione mea desertum faciam mare, ponam flumina in siccum; computrescent pisces sine aqua, et morientur in siti.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,23,50,3,&quot;Isaiah&quot;)\">3<\/sup><span class=\"vtext\">Induam cælos tenebris, et saccum ponam operimentum eorum.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,23,50,4,&quot;Isaiah&quot;)\">4<\/sup><span class=\"vtext\">Dominus dedit mihi linguam eruditam, ut sciam sustentare eum qui lassus est verbo. Erigit mane, mane erigit mihi aurem, ut audiam quasi magistrum.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,23,50,5,&quot;Isaiah&quot;)\">5<\/sup><span class=\"vtext\">Dominus Deus aperuit mihi aurem, ego autem non contradico: retrorsum non abii.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,23,50,6,&quot;Isaiah&quot;)\">6<\/sup><span class=\"vtext\">Corpus meum dedi percutientibus, et genas meas vellentibus; faciem meam non averti ab increpantibus et conspuentibus in me.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,23,50,7,&quot;Isaiah&quot;)\">7<\/sup><span class=\"vtext\">Dominus Deus auxiliator meus, ideo non sum confusus; ideo posui faciem meam ut petram durissimam, et scio quoniam non confundar.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,23,50,8,&quot;Isaiah&quot;)\">8<\/sup><span class=\"vtext\">Juxta est qui justificat me; quis contradicet mihi? Stemus simul; quis est adversarius meus? accedat ad me.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,23,50,9,&quot;Isaiah&quot;)\">9<\/sup><span class=\"vtext\">Ecce Dominus Deus auxiliator meus; quis est qui condemnet me? Ecce omnes quasi vestimentum conterentur; tinea comedet eos.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,23,50,10,&quot;Isaiah&quot;)\">10<\/sup><span class=\"vtext\">Quis ex vobis timens Dominum, audiens vocem servi sui? Qui ambulavit in tenebris, et non est lumen ei, speret in nomine Domini, et innitatur super Deum suum.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,23,50,11,&quot;Isaiah&quot;)\">11<\/sup><span class=\"vtext\">Ecce vos omnes accendentes ignem, accincti flammis: ambulate in lumine ignis vestri, et in flammis quas succendistis; de manu mea factum est hoc vobis: in doloribus dormietis.<\/span> <\/p>\n<div class=\"bottom-nav\"><a href=\"\/vulgate\/1\/23\/49\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/23\/51\" class=\"nav-btn-lg nav-ajax\">Next &rsaquo;<\/a><\/div>\n","page_title":"Isaiah, Chapter 50 — Latin Vulgate","book_title":"Isaiah","toolbar_title":"Isaiah — Ch. 50","prev_url":"\/vulgate\/1\/23\/49","next_url":"\/vulgate\/1\/23\/51","tid":1,"book_id":23,"chapter":50,"num_chapters":66,"trans":"Vulgate","is_rtl":false,"strongs_data":{},"bsb_glosses":{},"book_name":"Isaiah","canonical_url":"https:\/\/accept.gift\/vulgate\/1\/23\/50","meta_desc":"Hæc dicit Dominus: Quis est hic liber repudii matris vestræ, quo dimisi eam? aut quis est creditor meus, cui vendidi vos? Ecce in iniquitatibus vestris vendi…"}