{"reader_html":"<h1 class=\"chapter-heading\">Jeremiah<span class=\"chapter-label\">Chapter 16<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,24,16,1,&quot;Jeremiah&quot;)\">1<\/sup><span class=\"vtext\">Et factum est verbum Domini ad me, dicens:<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,24,16,2,&quot;Jeremiah&quot;)\">2<\/sup><span class=\"vtext\">Non accipies uxorem, et non erunt tibi filii et filiæ in loco isto.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,24,16,3,&quot;Jeremiah&quot;)\">3<\/sup><span class=\"vtext\">Quia hæc dicit Dominus super filios et filias qui generantur in loco isto, et super matres eorum, quæ genuerunt eos, et super patres eorum, de quorum stirpe sunt nati in terra hac:<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,24,16,4,&quot;Jeremiah&quot;)\">4<\/sup><span class=\"vtext\">Mortibus ægrotationum morientur: non plangentur, et non sepelientur: in sterquilinium super faciem terræ erunt, et gladio et fame consumentur: et erit cadaver eorum in escam volatilibus cæli et bestiis terræ.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,24,16,5,&quot;Jeremiah&quot;)\">5<\/sup><span class=\"vtext\">Hæc enim dicit Dominus: Ne ingrediaris domum convivii, neque vadas ad plangendum, neque consoleris eos, quia abstuli pacem meam a populo isto, dicit Dominus, misericordiam et miserationes.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,24,16,6,&quot;Jeremiah&quot;)\">6<\/sup><span class=\"vtext\">Et morientur grandes et parvi in terra ista: non sepelientur, neque plangentur, et non se incident, neque calvitium fiet pro eis.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,24,16,7,&quot;Jeremiah&quot;)\">7<\/sup><span class=\"vtext\">Et non frangent inter eos lugenti panem ad consolandum super mortuo, et non dabunt eis potum calicis ad consolandum super patre suo et matre.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,24,16,8,&quot;Jeremiah&quot;)\">8<\/sup><span class=\"vtext\">Et domum convivii non ingrediaris, ut sedeas cum eis, et comedas, et bibas.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,24,16,9,&quot;Jeremiah&quot;)\">9<\/sup><span class=\"vtext\">Quia hæc dicit Dominus exercituum, Deus Israël: Ecce ego auferam de loco isto, in oculis vestris, et in diebus vestris, vocem gaudii et vocem lætitiæ, vocem sponsi et vocem sponsæ.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,24,16,10,&quot;Jeremiah&quot;)\">10<\/sup><span class=\"vtext\">Et cum annuntiaveris populo huic omnia verba hæc, et dixerint tibi: Quare locutus est Dominus super nos omne malum grande istud? quæ iniquitas nostra, et quod peccatum nostrum, quod peccavimus Domino Deo nostro?<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,24,16,11,&quot;Jeremiah&quot;)\">11<\/sup><span class=\"vtext\">dices ad eos: Quia dereliquerunt me patres vestri, ait Dominus, et abierunt post deos alienos, et servierunt eis, et adoraverunt eos, et me dereliquerunt, et legem meam non custodierunt.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,24,16,12,&quot;Jeremiah&quot;)\">12<\/sup><span class=\"vtext\">Sed et vos pejus operati estis quam patres vestri: ecce enim ambulat unusquisque post pravitatem cordis sui mali, ut me non audiat.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,24,16,13,&quot;Jeremiah&quot;)\">13<\/sup><span class=\"vtext\">Et ejiciam vos de terra hac in terram quam ignoratis, vos et patres vestri: et servietis ibi diis alienis, die ac nocte, qui non dabunt vobis requiem.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,24,16,14,&quot;Jeremiah&quot;)\">14<\/sup><span class=\"vtext\">Propterea ecce dies veniunt, dicit Dominus, et non dicetur ultra: Vivit Dominus qui eduxit filios Israël de terra Ægypti,<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,24,16,15,&quot;Jeremiah&quot;)\">15<\/sup><span class=\"vtext\">sed: Vivit Dominus qui eduxit filios Israël de terra aquilonis, et de universis terris ad quas ejeci eos: et reducam eos in terram suam, quam dedi patribus eorum.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,24,16,16,&quot;Jeremiah&quot;)\">16<\/sup><span class=\"vtext\">Ecce ego mittam piscatores multos, dicit Dominus, et piscabuntur eos: et post hæc mittam eis multos venatores, et venabuntur eos de omni monte, et de omni colle, et de cavernis petrarum.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,24,16,17,&quot;Jeremiah&quot;)\">17<\/sup><span class=\"vtext\">Quia oculi mei super omnes vias eorum: non sunt absconditæ a facie mea, et non fuit occultata iniquitas eorum ab oculis meis.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,24,16,18,&quot;Jeremiah&quot;)\">18<\/sup><span class=\"vtext\">Et reddam primum duplices iniquitates et peccata eorum, quia contaminaverunt terram meam in morticinis idolorum suorum, et abominationibus suis impleverunt hæreditatem meam.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,24,16,19,&quot;Jeremiah&quot;)\">19<\/sup><span class=\"vtext\">Domine, fortitudo mea, et robur meum, et refugium meum in die tribulationis, ad te gentes venient ab extremis terræ, et dicent: Vere mendacium possederunt patres nostri, vanitatem quæ eis non profuit.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,24,16,20,&quot;Jeremiah&quot;)\">20<\/sup><span class=\"vtext\">Numquid faciet sibi homo deos, et ipsi non sunt dii?<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,24,16,21,&quot;Jeremiah&quot;)\">21<\/sup><span class=\"vtext\">Idcirco ecce ego ostendam eis per vicem hanc, ostendam eis manum meam, et virtutem meam, et scient quia nomen mihi Dominus.<\/span> <\/p>\n<div class=\"bottom-nav\"><a href=\"\/vulgate\/1\/24\/15\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/24\/17\" class=\"nav-btn-lg nav-ajax\">Next &rsaquo;<\/a><\/div>\n","page_title":"Jeremiah, Chapter 16 — Latin Vulgate","book_title":"Jeremiah","toolbar_title":"Jeremiah — Ch. 16","prev_url":"\/vulgate\/1\/24\/15","next_url":"\/vulgate\/1\/24\/17","tid":1,"book_id":24,"chapter":16,"num_chapters":52,"trans":"Vulgate","is_rtl":false,"strongs_data":{},"bsb_glosses":{},"book_name":"Jeremiah","canonical_url":"https:\/\/accept.gift\/vulgate\/1\/24\/16","meta_desc":"Et factum est verbum Domini ad me, dicens: Non accipies uxorem, et non erunt tibi filii et filiæ in loco isto. Quia hæc dicit Dominus super filios et filias…"}