{"reader_html":"<h1 class=\"chapter-heading\">Jeremiah<span class=\"chapter-label\">Chapter 26<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,24,26,1,&quot;Jeremiah&quot;)\">1<\/sup><span class=\"vtext\">In principio regni Joakim filii Josiæ regis Juda, factum est verbum istud a Domino, dicens:<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,24,26,2,&quot;Jeremiah&quot;)\">2<\/sup><span class=\"vtext\">Hæc dicit Dominus: Sta in atrio domus Domini, et loqueris ad omnes civitates Juda, de quibus veniunt ut adorent in domo Domini universos sermones quos ego mandavi tibi ut loquaris ad eos: noli subtrahere verbum,<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,24,26,3,&quot;Jeremiah&quot;)\">3<\/sup><span class=\"vtext\">si forte audiant, et convertantur unusquisque a via sua mala, et pœniteat me mali quod cogito facere eis propter malitiam studiorum eorum.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,24,26,4,&quot;Jeremiah&quot;)\">4<\/sup><span class=\"vtext\">Et dices ad eos: Hæc dicit Dominus: Si non audieritis me, ut ambuletis in lege mea quam dedi vobis,<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,24,26,5,&quot;Jeremiah&quot;)\">5<\/sup><span class=\"vtext\">ut audiatis sermones servorum meorum prophetarum quos ego misi ad vos, de nocte consurgens, et dirigens, et non audistis:<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,24,26,6,&quot;Jeremiah&quot;)\">6<\/sup><span class=\"vtext\">dabo domum istam sicut Silo, et urbem hanc dabo in maledictionem cunctis gentibus terræ.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,24,26,7,&quot;Jeremiah&quot;)\">7<\/sup><span class=\"vtext\">Et audierunt sacerdotes, et prophetæ, et omnis populus, Jeremiam loquentem verba hæc in domo Domini.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,24,26,8,&quot;Jeremiah&quot;)\">8<\/sup><span class=\"vtext\">Cumque complesset Jeremias, loquens omnia quæ præceperat ei Dominus ut loqueretur ad universum populum, apprehenderunt eum sacerdotes, et prophetæ, et omnis populus, dicens: Morte moriatur.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,24,26,9,&quot;Jeremiah&quot;)\">9<\/sup><span class=\"vtext\">Quare prophetavit in nomine Domini, dicens: Sicut Silo erit domus hæc, et urbs ista desolabitur eo quod non sit habitator? Et congregatus est omnis populus adversus Jeremiam in domo Domini.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,24,26,10,&quot;Jeremiah&quot;)\">10<\/sup><span class=\"vtext\">Et audierunt principes Juda verba hæc, et ascenderunt de domo regis in domum Domini, et sederunt in introitu portæ domus Domini novæ.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,24,26,11,&quot;Jeremiah&quot;)\">11<\/sup><span class=\"vtext\">Et locuti sunt sacerdotes et prophetæ ad principes, et ad omnem populum, dicentes: Judicium mortis est viro huic, quia prophetavit adversus civitatem istam, sicut audistis auribus vestris.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,24,26,12,&quot;Jeremiah&quot;)\">12<\/sup><span class=\"vtext\">Et ait Jeremias ad omnes principes, et ad universum populum, dicens: Dominus misit me ut prophetarem ad domum istam, et ad civitatem hanc, omnia verba quæ audistis.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,24,26,13,&quot;Jeremiah&quot;)\">13<\/sup><span class=\"vtext\">Nunc ergo bonas facite vias vestras et studia vestra, et audite vocem Domini Dei vestri, et pœnitebit Dominum mali quod locutus est adversum vos.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,24,26,14,&quot;Jeremiah&quot;)\">14<\/sup><span class=\"vtext\">Ego autem ecce in manibus vestris sum: facite mihi quod bonum et rectum est in oculis vestris.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,24,26,15,&quot;Jeremiah&quot;)\">15<\/sup><span class=\"vtext\">Verumtamen scitote et cognoscite quod, si occideritis me, sanguinem innocentem tradetis contra vosmetipsos, et contra civitatem istam, et habitatores ejus: in veritate enim misit me Dominus ad vos, ut loquerer in auribus vestris omnia verba hæc.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,24,26,16,&quot;Jeremiah&quot;)\">16<\/sup><span class=\"vtext\">Et dixerunt principes et omnis populus ad sacerdotes et ad prophetas: Non est viro huic judicium mortis, quia in nomine Domini Dei nostri locutus est ad nos.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,24,26,17,&quot;Jeremiah&quot;)\">17<\/sup><span class=\"vtext\">Surrexerunt ergo viri de senioribus terræ, et dixerunt ad omnem cœtum populi, loquentes:<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,24,26,18,&quot;Jeremiah&quot;)\">18<\/sup><span class=\"vtext\">Michæas de Morasthi fuit propheta in diebus Ezechiæ regis Juda, et ait ad omnem populum Juda, dicens: Hæc dicit Dominus exercituum: Sion quasi ager arabitur, et Jerusalem in acervum lapidum erit, et mons domus in excelsa silvarum.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,24,26,19,&quot;Jeremiah&quot;)\">19<\/sup><span class=\"vtext\">Numquid morte condemnavit eum Ezechias rex Juda, et omnis Juda? numquid non timuerunt Dominum, et deprecati sunt faciem Domini, et pœnituit Dominum mali quod locutus fuerat adversum eos? Itaque nos facimus malum grande contra animas nostras.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,24,26,20,&quot;Jeremiah&quot;)\">20<\/sup><span class=\"vtext\">Fuit quoque vir prophetans in nomine Domini, Urias filius Semei de Cariathiarim, et prophetavit adversus civitatem istam, et adversus terram hanc, juxta omnia verba Jeremiæ.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,24,26,21,&quot;Jeremiah&quot;)\">21<\/sup><span class=\"vtext\">Et audivit rex Joakim, et omnes potentes et principes ejus, verba hæc, et quæsivit rex interficere eum: et audivit Urias, et timuit, fugitque, et ingressus est Ægyptum.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,24,26,22,&quot;Jeremiah&quot;)\">22<\/sup><span class=\"vtext\">Et misit rex Joakim viros in Ægyptum, Elnathan filium Achobor, et viros cum eo, in Ægyptum,<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,24,26,23,&quot;Jeremiah&quot;)\">23<\/sup><span class=\"vtext\">et eduxerunt Uriam de Ægypto, et adduxerunt eum ad regem Joakim, et percussit eum gladio, et projecit cadaver ejus in sepulchris vulgi ignobilis.<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,24,26,24,&quot;Jeremiah&quot;)\">24<\/sup><span class=\"vtext\">Igitur manus Ahicam filii Saphan fuit cum Jeremia, ut non traderetur in manus populi, et interficerent eum.<\/span> <\/p>\n<div class=\"bottom-nav\"><a href=\"\/vulgate\/1\/24\/25\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/24\/27\" class=\"nav-btn-lg nav-ajax\">Next &rsaquo;<\/a><\/div>\n","page_title":"Jeremiah, Chapter 26 — Latin Vulgate","book_title":"Jeremiah","toolbar_title":"Jeremiah — Ch. 26","prev_url":"\/vulgate\/1\/24\/25","next_url":"\/vulgate\/1\/24\/27","tid":1,"book_id":24,"chapter":26,"num_chapters":52,"trans":"Vulgate","is_rtl":false,"strongs_data":{},"bsb_glosses":{},"book_name":"Jeremiah","canonical_url":"https:\/\/accept.gift\/vulgate\/1\/24\/26","meta_desc":"In principio regni Joakim filii Josiæ regis Juda, factum est verbum istud a Domino, dicens: Hæc dicit Dominus: Sta in atrio domus Domini, et loqueris ad omne…"}