{"reader_html":"<h1 class=\"chapter-heading\">Ezekiel<span class=\"chapter-label\">Chapter 20<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,26,20,1,&quot;Ezekiel&quot;)\">1<\/sup><span class=\"vtext\">Et factum est in anno septimo, in quinto, in decima mensis, venerunt viri de senioribus Israël ut interrogarent Dominum, et sederunt coram me.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,26,20,2,&quot;Ezekiel&quot;)\">2<\/sup><span class=\"vtext\">Et factus est sermo Domini ad me, dicens:<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,26,20,3,&quot;Ezekiel&quot;)\">3<\/sup><span class=\"vtext\">Fili hominis, loquere senioribus Israël, et dices ad eos: Hæc dicit Dominus Deus: Numquid ad interrogandum me vos venistis? vivo ego quia non respondebo vobis, ait Dominus Deus.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,26,20,4,&quot;Ezekiel&quot;)\">4<\/sup><span class=\"vtext\">Si judicas eos, si judicas, fili hominis, abominationes patrum eorum ostende eis.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,26,20,5,&quot;Ezekiel&quot;)\">5<\/sup><span class=\"vtext\">Et dices ad eos: Hæc dicit Dominus Deus: In die qua elegi Israël, et levavi manum meam pro stirpe domus Jacob, et apparui eis in terra Ægypti, et levavi manum meam pro eis, dicens: Ego Dominus Deus vester:<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,26,20,6,&quot;Ezekiel&quot;)\">6<\/sup><span class=\"vtext\">in die illa levavi manum meam pro eis ut educerem eos de terra Ægypti, in terram quam provideram eis, fluentem lacte et melle, quæ est egregia inter omnes terras.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,26,20,7,&quot;Ezekiel&quot;)\">7<\/sup><span class=\"vtext\">Et dixi ad eos: Unusquisque offensiones oculorum suorum abjiciat, et in idolis Ægypti nolite pollui: ego Dominus Deus vester.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,26,20,8,&quot;Ezekiel&quot;)\">8<\/sup><span class=\"vtext\">Et irritaverunt me, nolueruntque me audire: unusquisque abominationes oculorum suorum non projecit, nec idola Ægypti reliquerunt. Et dixi ut effunderem indignationem meam super eos, et implerem iram meam in eis, in medio terræ Ægypti.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,26,20,9,&quot;Ezekiel&quot;)\">9<\/sup><span class=\"vtext\">Et feci propter nomen meum, ut non violaretur coram gentibus in quarum medio erant, et inter quas apparui eis ut educerem eos de terra Ægypti.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,26,20,10,&quot;Ezekiel&quot;)\">10<\/sup><span class=\"vtext\">Ejeci ergo eos de terra Ægypti, et eduxi eos in desertum.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,26,20,11,&quot;Ezekiel&quot;)\">11<\/sup><span class=\"vtext\">Et dedi eis præcepta mea, et judicia mea ostendi eis, quæ faciens homo vivet in eis.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,26,20,12,&quot;Ezekiel&quot;)\">12<\/sup><span class=\"vtext\">Insuper et sabbata mea dedi eis, ut essent signum inter me et eos, et scirent quia ego Dominus sanctificans eos.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,26,20,13,&quot;Ezekiel&quot;)\">13<\/sup><span class=\"vtext\">Et irritaverunt me domus Israël in deserto: in præceptis meis non ambulaverunt, et judicia mea projecerunt, quæ faciens homo vivet in eis, et sabbata mea violaverunt vehementer. Dixi ergo ut effunderem furorem meum super eos in deserto, et consumerem eos:<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,26,20,14,&quot;Ezekiel&quot;)\">14<\/sup><span class=\"vtext\">et feci propter nomen meum, ne violaretur coram gentibus de quibus ejeci eos in conspectu earum.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,26,20,15,&quot;Ezekiel&quot;)\">15<\/sup><span class=\"vtext\">Ego igitur levavi manum meam super eos in deserto, ne inducerem eos in terram quam dedi eis, fluentem lacte et melle, præcipuam terrarum omnium:<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,26,20,16,&quot;Ezekiel&quot;)\">16<\/sup><span class=\"vtext\">quia judicia mea projecerunt, et in præceptis meis non ambulaverunt, et sabbata mea violaverunt: post idola enim cor eorum gradiebatur.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,26,20,17,&quot;Ezekiel&quot;)\">17<\/sup><span class=\"vtext\">Et pepercit oculus meus super eos, ut non interficerem eos: nec consumpsi eos in deserto.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,26,20,18,&quot;Ezekiel&quot;)\">18<\/sup><span class=\"vtext\">Dixi autem ad filios eorum in solitudine: In præceptis patrum vestrorum nolite incedere, nec judicia eorum custodiatis, nec in idolis eorum polluamini.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,26,20,19,&quot;Ezekiel&quot;)\">19<\/sup><span class=\"vtext\">Ego Dominus Deus vester: in præceptis meis ambulate: judicia mea custodite, et facite ea,<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,26,20,20,&quot;Ezekiel&quot;)\">20<\/sup><span class=\"vtext\">et sabbata mea sanctificate, ut sint signum inter me et vos, et sciatis quia ego sum Dominus Deus vester.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,26,20,21,&quot;Ezekiel&quot;)\">21<\/sup><span class=\"vtext\">Et exacerbaverunt me filii: in præceptis meis non ambulaverunt, et judicia mea non custodierunt ut facerent ea, quæ cum fecerit homo, vivet in eis, et sabbata mea violaverunt. Et comminatus sum ut effunderem furorem meum super eos, et implerem iram meam in eis in deserto.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,26,20,22,&quot;Ezekiel&quot;)\">22<\/sup><span class=\"vtext\">Averti autem manum meam, et feci propter nomen meum, ut non violaretur coram gentibus de quibus ejeci eos in oculis earum.<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,26,20,23,&quot;Ezekiel&quot;)\">23<\/sup><span class=\"vtext\">Iterum levavi manum meam in eos in solitudine, ut dispergerem illos in nationes, et ventilarem in terras,<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,26,20,24,&quot;Ezekiel&quot;)\">24<\/sup><span class=\"vtext\">eo quod judicia mea non fecissent, et præcepta mea reprobassent, et sabbata mea violassent, et post idola patrum suorum fuissent oculi eorum.<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,26,20,25,&quot;Ezekiel&quot;)\">25<\/sup><span class=\"vtext\">Ergo et ego dedi eis præcepta non bona, et judicia in quibus non vivent.<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,26,20,26,&quot;Ezekiel&quot;)\">26<\/sup><span class=\"vtext\">Et pollui eos in muneribus suis, cum offerrent omne quod aperit vulvam, propter delicta sua: et scient quia ego Dominus.<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,26,20,27,&quot;Ezekiel&quot;)\">27<\/sup><span class=\"vtext\">Quam ob rem loquere ad domum Israël, fili hominis, et dices ad eos: Hæc dicit Dominus Deus: Adhuc et in hoc blasphemaverunt me patres vestri, cum sprevissent me contemnentes,<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,26,20,28,&quot;Ezekiel&quot;)\">28<\/sup><span class=\"vtext\">et induxissem eos in terram super quam levavi manum meam ut darem eis: viderunt omnem collem excelsum, et omne lignum nemorosum, et immolaverunt ibi victimas suas, et dederunt ibi irritationem oblationis suæ, et posuerunt ibi odorem suavitatis suæ, et libaverunt libationes suas.<\/span> <\/p>\n<p class=\"verse-para\"><sup class=\"vnum\" data-v=\"29\" onclick=\"loadParallel(1,26,20,29,&quot;Ezekiel&quot;)\">29<\/sup><span class=\"vtext\">Et dixi ad eos: Quid est excelsum, ad quod vos ingredimini? et vocatum est nomen ejus Excelsum usque ad hanc diem.<\/span> <\/p>\n<p class=\"verse-para\"><sup class=\"vnum\" data-v=\"30\" onclick=\"loadParallel(1,26,20,30,&quot;Ezekiel&quot;)\">30<\/sup><span class=\"vtext\">Propterea dic ad domum Israël: Hæc dicit Dominus Deus: Certe in via patrum vestrorum vos polluimini, et post offendicula eorum vos fornicamini:<\/span> <\/p>\n<p class=\"verse-para\"><sup class=\"vnum\" data-v=\"31\" onclick=\"loadParallel(1,26,20,31,&quot;Ezekiel&quot;)\">31<\/sup><span class=\"vtext\">et in oblatione donorum vestrorum, cum traducitis filios vestros per ignem, vos polluimini in omnibus idolis vestris usque hodie: et ego respondebo vobis, domus Israël? Vivo ego, dicit Dominus Deus, quia non respondebo vobis.<\/span> <\/p>\n<p class=\"verse-para\"><sup class=\"vnum\" data-v=\"32\" onclick=\"loadParallel(1,26,20,32,&quot;Ezekiel&quot;)\">32<\/sup><span class=\"vtext\">Neque cogitatio mentis vestræ fiet, dicentium: Erimus sicut gentes et sicut cognationes terræ, ut colamus ligna et lapides.<\/span> <\/p>\n<p class=\"verse-para\"><sup class=\"vnum\" data-v=\"33\" onclick=\"loadParallel(1,26,20,33,&quot;Ezekiel&quot;)\">33<\/sup><span class=\"vtext\">Vivo ego, dicit Dominus Deus, quoniam in manu forti, et in brachio extento, et in furore effuso, regnabo super vos.<\/span> <\/p>\n<p class=\"verse-para\"><sup class=\"vnum\" data-v=\"34\" onclick=\"loadParallel(1,26,20,34,&quot;Ezekiel&quot;)\">34<\/sup><span class=\"vtext\">Et educam vos de populis, et congregabo vos de terris in quibus dispersi estis: in manu valida, et in brachio extento, et in furore effuso, regnabo super vos.<\/span> <\/p>\n<p class=\"verse-para\"><sup class=\"vnum\" data-v=\"35\" onclick=\"loadParallel(1,26,20,35,&quot;Ezekiel&quot;)\">35<\/sup><span class=\"vtext\">Et adducam vos in desertum populorum, et judicabor vobiscum ibi facie ad faciem.<\/span> <\/p>\n<p class=\"verse-para\"><sup class=\"vnum\" data-v=\"36\" onclick=\"loadParallel(1,26,20,36,&quot;Ezekiel&quot;)\">36<\/sup><span class=\"vtext\">Sicut judicio contendi adversum patres vestros in deserto terræ Ægypti, sic judicabo vos, dicit Dominus Deus.<\/span> <\/p>\n<p class=\"verse-para\"><sup class=\"vnum\" data-v=\"37\" onclick=\"loadParallel(1,26,20,37,&quot;Ezekiel&quot;)\">37<\/sup><span class=\"vtext\">Et subjiciam vos sceptro meo, et inducam vos in vinculis fœderis.<\/span> <\/p>\n<p class=\"verse-para\"><sup class=\"vnum\" data-v=\"38\" onclick=\"loadParallel(1,26,20,38,&quot;Ezekiel&quot;)\">38<\/sup><span class=\"vtext\">Et eligam de vobis transgressores et impios, et de terra incolatus eorum educam eos, et in terram Israël non ingredientur: et scietis quia ego Dominus.<\/span> <\/p>\n<p class=\"verse-para\"><sup class=\"vnum\" data-v=\"39\" onclick=\"loadParallel(1,26,20,39,&quot;Ezekiel&quot;)\">39<\/sup><span class=\"vtext\">Et vos, domus Israël, hæc dicit Dominus Deus: Singuli post idola vestra ambulate, et servite eis. Quod si et in hoc non audieritis me, et nomen meum sanctum pollueritis ultra in muneribus vestris et in idolis vestris:<\/span> <\/p>\n<p class=\"verse-para\"><sup class=\"vnum\" data-v=\"40\" onclick=\"loadParallel(1,26,20,40,&quot;Ezekiel&quot;)\">40<\/sup><span class=\"vtext\">in monte sancto meo, in monte excelso Israël, ait Dominus Deus, ibi serviet mihi omnis domus Israël: omnes, inquam, in terra in qua placebunt mihi: et ibi quæram primitias vestras, et initium decimarum vestrarum, in omnibus sanctificationibus vestris.<\/span> <\/p>\n<p class=\"verse-para\"><sup class=\"vnum\" data-v=\"41\" onclick=\"loadParallel(1,26,20,41,&quot;Ezekiel&quot;)\">41<\/sup><span class=\"vtext\">In odorem suavitatis suscipiam vos, cum eduxero vos de populis, et congregavero vos de terris in quas dispersi estis: et sanctificabor in vobis in oculis nationum.<\/span> <\/p>\n<p class=\"verse-para\"><sup class=\"vnum\" data-v=\"42\" onclick=\"loadParallel(1,26,20,42,&quot;Ezekiel&quot;)\">42<\/sup><span class=\"vtext\">Et scietis quia ego Dominus, cum induxero vos ad terram Israël, in terram pro qua levavi manum meam ut darem eam patribus vestris.<\/span> <\/p>\n<p class=\"verse-para\"><sup class=\"vnum\" data-v=\"43\" onclick=\"loadParallel(1,26,20,43,&quot;Ezekiel&quot;)\">43<\/sup><span class=\"vtext\">Et recordabimini ibi viarum vestrarum, et omnium scelerum vestrorum, quibus polluti estis in eis: et displicebitis vobis in conspectu vestro, in omnibus malitiis vestris quas fecistis.<\/span> <\/p>\n<p class=\"verse-para\"><sup class=\"vnum\" data-v=\"44\" onclick=\"loadParallel(1,26,20,44,&quot;Ezekiel&quot;)\">44<\/sup><span class=\"vtext\">Et scietis quia ego Dominus, cum benefecero vobis propter nomen meum, et non secundum vias vestras malas, neque secundum scelera vestra pessima, domus Israël, ait Dominus Deus.<\/span> <\/p>\n<p class=\"verse-para\"><sup class=\"vnum\" data-v=\"45\" onclick=\"loadParallel(1,26,20,45,&quot;Ezekiel&quot;)\">45<\/sup><span class=\"vtext\">Et factus est sermo Domini ad me, dicens:<\/span> <\/p>\n<p class=\"verse-para\"><sup class=\"vnum\" data-v=\"46\" onclick=\"loadParallel(1,26,20,46,&quot;Ezekiel&quot;)\">46<\/sup><span class=\"vtext\">Fili hominis, pone faciem tuam contra viam austri, et stilla ad africum, et propheta ad saltum agri meridiani.<\/span> <\/p>\n<p class=\"verse-para\"><sup class=\"vnum\" data-v=\"47\" onclick=\"loadParallel(1,26,20,47,&quot;Ezekiel&quot;)\">47<\/sup><span class=\"vtext\">Et dices saltui meridiano: Audi verbum Domini: Hæc dicit Dominus Deus: Ecce ego succendam in te ignem, et comburam in te omne lignum viride, et omne lignum aridum: non extinguetur flamma succensionis: et comburetur in ea omnis facies ab austro usque ad aquilonem,<\/span> <\/p>\n<p class=\"verse-para\"><sup class=\"vnum\" data-v=\"48\" onclick=\"loadParallel(1,26,20,48,&quot;Ezekiel&quot;)\">48<\/sup><span class=\"vtext\">et videbit universa caro quia ego Dominus succendi eam, nec extinguetur.<\/span> <\/p>\n<p class=\"verse-para\"><sup class=\"vnum\" data-v=\"49\" onclick=\"loadParallel(1,26,20,49,&quot;Ezekiel&quot;)\">49<\/sup><span class=\"vtext\">Et dixi: A, a, a, Domine Deus: ipsi dicunt de me: Numquid non per parabolas loquitur iste?<\/span> <\/p>\n<div class=\"bottom-nav\"><a href=\"\/vulgate\/1\/26\/19\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/26\/21\" class=\"nav-btn-lg nav-ajax\">Next &rsaquo;<\/a><\/div>\n","page_title":"Ezekiel, Chapter 20 — Latin Vulgate","book_title":"Ezekiel","toolbar_title":"Ezekiel — Ch. 20","prev_url":"\/vulgate\/1\/26\/19","next_url":"\/vulgate\/1\/26\/21","tid":1,"book_id":26,"chapter":20,"num_chapters":48,"trans":"Vulgate","is_rtl":false,"strongs_data":{},"bsb_glosses":{},"book_name":"Ezekiel","canonical_url":"https:\/\/accept.gift\/vulgate\/1\/26\/20","meta_desc":"Et factum est in anno septimo, in quinto, in decima mensis, venerunt viri de senioribus Israël ut interrogarent Dominum, et sederunt coram me. Et factus est…"}