{"reader_html":"<h1 class=\"chapter-heading\">Ezekiel<span class=\"chapter-label\">Chapter 31<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,26,31,1,&quot;Ezekiel&quot;)\">1<\/sup><span class=\"vtext\">Et factum est in anno undecimo, tertio mense, una mensis: factum est verbum Domini ad me, dicens:<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,26,31,2,&quot;Ezekiel&quot;)\">2<\/sup><span class=\"vtext\">Fili hominis, dic Pharaoni regi Ægypti et populo ejus: Cui similis factus es in magnitudine tua?<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,26,31,3,&quot;Ezekiel&quot;)\">3<\/sup><span class=\"vtext\">ecce Assur quasi cedrus in Libano, pulcher ramis, et frondibus nemorosus, excelsusque altitudine, et inter condensas frondes elevatum est cacumen ejus.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,26,31,4,&quot;Ezekiel&quot;)\">4<\/sup><span class=\"vtext\">Aquæ nutrierunt illum; abyssus exaltavit illum: flumina ejus manabant in circuitu radicum ejus, et rivos suos emisit ad universa ligna regionis.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,26,31,5,&quot;Ezekiel&quot;)\">5<\/sup><span class=\"vtext\">Propterea elevata est altitudo ejus super omnia ligna regionis, et multiplicata sunt arbusta ejus, et elevati sunt rami ejus præ aquis multis.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,26,31,6,&quot;Ezekiel&quot;)\">6<\/sup><span class=\"vtext\">Cumque extendisset umbram suam, in ramis ejus fecerunt nidos omnia volatilia cæli: et sub frondibus ejus genuerunt omnes bestiæ saltuum, et sub umbraculo illius habitabat cœtus gentium plurimarum.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,26,31,7,&quot;Ezekiel&quot;)\">7<\/sup><span class=\"vtext\">Eratque pulcherrimus in magnitudine sua, et in dilatatione arbustorum suorum: erat enim radix illius juxta aquas multas.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,26,31,8,&quot;Ezekiel&quot;)\">8<\/sup><span class=\"vtext\">Cedri non fuerunt altiores illo in paradiso Dei; abietes non adæquaverunt summitatem ejus, et platani non fuerunt æquæ frondibus illius: omne lignum paradisi Dei non est assimilatum illi, et pulchritudini ejus.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,26,31,9,&quot;Ezekiel&quot;)\">9<\/sup><span class=\"vtext\">Quoniam speciosum feci eum, et multis condensisque frondibus, et æmulata sunt eum omnia ligna voluptatis quæ erant in paradiso Dei.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,26,31,10,&quot;Ezekiel&quot;)\">10<\/sup><span class=\"vtext\">Propterea hæc dicit Dominus Deus: Pro eo quod sublimatus est in altitudine, et dedit summitatem suam virentem atque condensam, et elevatum est cor ejus in altitudine sua:<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,26,31,11,&quot;Ezekiel&quot;)\">11<\/sup><span class=\"vtext\">tradidi eum in manu fortissimi gentium: faciens faciet ei: juxta impietatem ejus ejeci eum.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,26,31,12,&quot;Ezekiel&quot;)\">12<\/sup><span class=\"vtext\">Et succident eum alieni, et crudelissimi nationum, et projicient eum super montes: et in cunctis convallibus corruent rami ejus, et confringentur arbusta ejus in universis rupibus terræ: et recedent de umbraculo ejus omnes populi terræ, et relinquent eum.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,26,31,13,&quot;Ezekiel&quot;)\">13<\/sup><span class=\"vtext\">In ruina ejus habitaverunt omnia volatilia cæli, et in ramis ejus fuerunt universæ bestiæ regionis.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,26,31,14,&quot;Ezekiel&quot;)\">14<\/sup><span class=\"vtext\">Quam ob rem non elevabuntur in altitudine sua omnia ligna aquarum, nec ponent sublimitatem suam inter nemorosa atque frondosa, nec stabunt in sublimitate sua omnia quæ irrigantur aquis: quia omnes traditi sunt in mortem ad terram ultimam, in medio filiorum hominum, ad eos qui descendunt in lacum.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,26,31,15,&quot;Ezekiel&quot;)\">15<\/sup><span class=\"vtext\">Hæc dicit Dominus Deus: In die quando descendit ad inferos, induxi luctum: operui eum abysso, et prohibui flumina ejus, et coërcui aquas multas: contristatus est super eum Libanus, et omnia ligna agri concussa sunt.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,26,31,16,&quot;Ezekiel&quot;)\">16<\/sup><span class=\"vtext\">A sonitu ruinæ ejus commovi gentes cum deducerem eum ad infernum cum his qui descendebant in lacum: et consolata sunt in terra infima omnia ligna voluptatis egregia atque præclara in Libano, universa quæ irrigabantur aquis.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,26,31,17,&quot;Ezekiel&quot;)\">17<\/sup><span class=\"vtext\">Nam et ipsi cum eo descendent in infernum ad interfectos gladio: et brachium uniuscujusque sedebit sub umbraculo ejus in medio nationum.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,26,31,18,&quot;Ezekiel&quot;)\">18<\/sup><span class=\"vtext\">Cui assimilatus es, o inclyte atque sublimis inter ligna voluptatis? ecce deductus es cum lignis voluptatis ad terram ultimam: in medio incircumcisorum dormies, cum eis qui interfecti sunt gladio: ipse est Pharao, et omnis multitudo ejus, dicit Dominus Deus.<\/span> <\/p>\n<div class=\"bottom-nav\"><a href=\"\/vulgate\/1\/26\/30\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/26\/32\" class=\"nav-btn-lg nav-ajax\">Next &rsaquo;<\/a><\/div>\n","page_title":"Ezekiel, Chapter 31 — Latin Vulgate","book_title":"Ezekiel","toolbar_title":"Ezekiel — Ch. 31","prev_url":"\/vulgate\/1\/26\/30","next_url":"\/vulgate\/1\/26\/32","tid":1,"book_id":26,"chapter":31,"num_chapters":48,"trans":"Vulgate","is_rtl":false,"strongs_data":{},"bsb_glosses":{},"book_name":"Ezekiel","canonical_url":"https:\/\/accept.gift\/vulgate\/1\/26\/31","meta_desc":"Et factum est in anno undecimo, tertio mense, una mensis: factum est verbum Domini ad me, dicens: Fili hominis, dic Pharaoni regi Ægypti et populo ejus: Cui…"}