{"reader_html":"<h1 class=\"chapter-heading\">Ezekiel<span class=\"chapter-label\">Chapter 38<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,26,38,1,&quot;Ezekiel&quot;)\">1<\/sup><span class=\"vtext\">Et factus est sermo Domini ad me, dicens:<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,26,38,2,&quot;Ezekiel&quot;)\">2<\/sup><span class=\"vtext\">Fili hominis, pone faciem tuam contra Gog, terram Magog, principem capitis Mosoch et Thubal, et vaticinare de eo.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,26,38,3,&quot;Ezekiel&quot;)\">3<\/sup><span class=\"vtext\">Et dices ad eum: Hæc dicit Dominus Deus: Ecce ego ad te, Gog, principem capitis Mosoch et Thubal.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,26,38,4,&quot;Ezekiel&quot;)\">4<\/sup><span class=\"vtext\">Et circumagam te, et ponam frenum in maxillis tuis: et educam te, et omnem exercitum tuum, equos et equites vestitos loricis universos, multitudinem magnam, hastam et clypeum arripientium et gladium.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,26,38,5,&quot;Ezekiel&quot;)\">5<\/sup><span class=\"vtext\">Persæ, Æthiopes, et Libyes cum eis, omnes scutati et galeati.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,26,38,6,&quot;Ezekiel&quot;)\">6<\/sup><span class=\"vtext\">Gomer et universa agmina ejus, domus Thogorma, latera aquilonis, et totum robur ejus, populique multi tecum.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,26,38,7,&quot;Ezekiel&quot;)\">7<\/sup><span class=\"vtext\">Præpara et instrue te, et omnem multitudinem tuam quæ coacervata est ad te: et esto eis in præceptum.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,26,38,8,&quot;Ezekiel&quot;)\">8<\/sup><span class=\"vtext\">Post dies multos visitaberis: in novissimo annorum venies ad terram quæ reversa est a gladio, et congregata est de populis multis ad montes Israël, qui fuerunt deserti jugiter: hæc de populis educta est, et habitabunt in ea confidenter universi.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,26,38,9,&quot;Ezekiel&quot;)\">9<\/sup><span class=\"vtext\">Ascendens autem quasi tempestas venies, et quasi nubes, ut operias terram: tu et omnia agmina tua, et populi multi tecum.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,26,38,10,&quot;Ezekiel&quot;)\">10<\/sup><span class=\"vtext\">Hæc dicit Dominus Deus: In die illa, ascendent sermones super cor tuum, et cogitabis cogitationem pessimam:<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,26,38,11,&quot;Ezekiel&quot;)\">11<\/sup><span class=\"vtext\">et dices: Ascendam ad terram absque muro: veniam ad quiescentes habitantesque secure: hi omnes habitant sine muro; vectes et portæ non sunt eis:<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,26,38,12,&quot;Ezekiel&quot;)\">12<\/sup><span class=\"vtext\">ut diripias spolia, et invadas prædam; ut inferas manum tuam super eos qui deserti fuerant, et postea restituti, et super populum qui est congregatus ex gentibus, qui possidere cœpit et esse habitator umbilici terræ.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,26,38,13,&quot;Ezekiel&quot;)\">13<\/sup><span class=\"vtext\">Saba, et Dedan, et negotiatores Tharsis, et omnes leones ejus, dicent tibi: Numquid ad sumenda spolia tu venis? ecce ad diripiendam prædam congregasti multitudinem tuam, ut tollas argentum et aurum, et auferas supellectilem atque substantiam, et diripias manubias infinitas.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,26,38,14,&quot;Ezekiel&quot;)\">14<\/sup><span class=\"vtext\">Propterea vaticinare, fili hominis, et dices ad Gog: Hæc dicit Dominus Deus: Numquid non in die illo, cum habitaverit populus meus Israël confidenter, scies?<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,26,38,15,&quot;Ezekiel&quot;)\">15<\/sup><span class=\"vtext\">Et venies de loco tuo a lateribus aquilonis, tu et populi multi tecum, ascensores equorum universi: cœtus magnus, et exercitus vehemens.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,26,38,16,&quot;Ezekiel&quot;)\">16<\/sup><span class=\"vtext\">Et ascendes super populum meum Israël quasi nubes, ut operias terram. In novissimis diebus erit, et adducam te super terram meam: ut sciant gentes me cum sanctificatus fuero in te in oculis eorum, o Gog!<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,26,38,17,&quot;Ezekiel&quot;)\">17<\/sup><span class=\"vtext\">Hæc dicit Dominus Deus: Tu ergo ille es, de quo locutus sum in diebus antiquis in manu servorum meorum prophetarum Israël, qui prophetaverunt in diebus illorum temporum, ut adducerem te super eos.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,26,38,18,&quot;Ezekiel&quot;)\">18<\/sup><span class=\"vtext\">Et erit in die illa, in die adventus Gog super terram Israël, ait Dominus Deus, ascendet indignatio mea in furore meo.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,26,38,19,&quot;Ezekiel&quot;)\">19<\/sup><span class=\"vtext\">Et in zelo meo, in igne iræ meæ locutus sum, quia in die illa erit commotio magna super terram Israël:<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,26,38,20,&quot;Ezekiel&quot;)\">20<\/sup><span class=\"vtext\">et commovebuntur a facie mea pisces maris, et volucres cæli, et bestiæ agri, et omne reptile quod movetur super humum, cunctique homines qui sunt super faciem terræ: et subvertentur montes, et cadent sepes, et omnis murus corruet in terram.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,26,38,21,&quot;Ezekiel&quot;)\">21<\/sup><span class=\"vtext\">Et convocabo adversus eum in cunctis montibus meis gladium, ait Dominus Deus: gladius uniuscujusque in fratrem suum dirigetur.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,26,38,22,&quot;Ezekiel&quot;)\">22<\/sup><span class=\"vtext\">Et judicabo eum peste, et sanguine, et imbre vehementi, et lapidibus immensis: ignem et sulphur pluam super eum, et super exercitum ejus, et super populos multos qui sunt cum eo.<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,26,38,23,&quot;Ezekiel&quot;)\">23<\/sup><span class=\"vtext\">Et magnificabor, et sanctificabor, et notus ero in oculis multarum gentium: et scient quia ego Dominus.<\/span> <\/p>\n<div class=\"bottom-nav\"><a href=\"\/vulgate\/1\/26\/37\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/26\/39\" class=\"nav-btn-lg nav-ajax\">Next &rsaquo;<\/a><\/div>\n","page_title":"Ezekiel, Chapter 38 — Latin Vulgate","book_title":"Ezekiel","toolbar_title":"Ezekiel — Ch. 38","prev_url":"\/vulgate\/1\/26\/37","next_url":"\/vulgate\/1\/26\/39","tid":1,"book_id":26,"chapter":38,"num_chapters":48,"trans":"Vulgate","is_rtl":false,"strongs_data":{},"bsb_glosses":{},"book_name":"Ezekiel","canonical_url":"https:\/\/accept.gift\/vulgate\/1\/26\/38","meta_desc":"Et factus est sermo Domini ad me, dicens: Fili hominis, pone faciem tuam contra Gog, terram Magog, principem capitis Mosoch et Thubal, et vaticinare de eo. E…"}