{"reader_html":"<h1 class=\"chapter-heading\">Ezekiel<span class=\"chapter-label\">Chapter 44<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,26,44,1,&quot;Ezekiel&quot;)\">1<\/sup><span class=\"vtext\">Et convertit me ad viam portæ sanctuarii exterioris, quæ respiciebat ad orientem: et erat clausa.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,26,44,2,&quot;Ezekiel&quot;)\">2<\/sup><span class=\"vtext\">Et dixit Dominus ad me: Porta hæc clausa erit: non aperietur, et vir non transibit per eam, quoniam Dominus Deus Israël ingressus est per eam: eritque clausa<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,26,44,3,&quot;Ezekiel&quot;)\">3<\/sup><span class=\"vtext\">principi. Princeps ipse sedebit in ea, ut comedat panem coram Domino: per viam portæ vestibuli ingredietur, et per viam ejus egredietur.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,26,44,4,&quot;Ezekiel&quot;)\">4<\/sup><span class=\"vtext\">Et adduxit me per viam portæ aquilonis in conspectu domus: et vidi, et ecce implevit gloria Domini domum Domini: et cecidi in faciem meam.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,26,44,5,&quot;Ezekiel&quot;)\">5<\/sup><span class=\"vtext\">Et dixit ad me Dominus: Fili hominis, pone cor tuum, et vide oculis tuis, et auribus tuis audi omnia quæ ego loquor ad te de universis cæremoniis domus Domini, et de cunctis legibus ejus: et pones cor tuum in viis templi per omnes exitus sanctuarii.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,26,44,6,&quot;Ezekiel&quot;)\">6<\/sup><span class=\"vtext\">Et dices ad exasperantem me domum Israël: Hæc dicit Dominus Deus: Sufficiant vobis omnia scelera vestra, domus Israël:<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,26,44,7,&quot;Ezekiel&quot;)\">7<\/sup><span class=\"vtext\">eo quod inducitis filios alienos incircumcisos corde, et incircumcisos carne, ut sint in sanctuario meo, et polluant domum meam: et offertis panes meos, adipem et sanguinem, et dissolvitis pactum meum in omnibus sceleribus vestris.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,26,44,8,&quot;Ezekiel&quot;)\">8<\/sup><span class=\"vtext\">Et non servastis præcepta sanctuarii mei, et posuistis custodes observationum mearum in sanctuario meo vobismetipsis.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,26,44,9,&quot;Ezekiel&quot;)\">9<\/sup><span class=\"vtext\">Hæc dicit Dominus Deus: Omnis alienigena incircumcisus corde, et incircumcisus carne, non ingredietur sanctuarium meum: omnis filius alienus qui est in medio filiorum Israël.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,26,44,10,&quot;Ezekiel&quot;)\">10<\/sup><span class=\"vtext\">Sed et Levitæ qui longe recesserunt a me in errore filiorum Israël, et erraverunt a me post idola sua, et portaverunt iniquitatem suam,<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,26,44,11,&quot;Ezekiel&quot;)\">11<\/sup><span class=\"vtext\">erunt in sanctuario meo æditui, et janitores portarum domus, et ministri domus: ipsi mactabunt holocausta et victimas populi, et ipsi stabunt in conspectu eorum ut ministrent eis.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,26,44,12,&quot;Ezekiel&quot;)\">12<\/sup><span class=\"vtext\">Pro eo quod ministraverunt illis in conspectu idolorum suorum, et facti sunt domui Israël in offendiculum iniquitatis: idcirco levavi manum meam super eos, ait Dominus Deus, et portabunt iniquitatem suam.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,26,44,13,&quot;Ezekiel&quot;)\">13<\/sup><span class=\"vtext\">Et non appropinquabunt ad me ut sacerdotio fungantur mihi, neque accedent ad omne sanctuarium meum juxta Sancta sanctorum: sed portabunt confusionem suam, et scelera sua quæ fecerunt.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,26,44,14,&quot;Ezekiel&quot;)\">14<\/sup><span class=\"vtext\">Et dabo eos janitores domus in omni ministerio ejus, et in universis quæ fient in ea.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,26,44,15,&quot;Ezekiel&quot;)\">15<\/sup><span class=\"vtext\">Sacerdotes autem et Levitæ, filii Sadoc, qui custodierunt cæremonias sanctuarii mei, cum errarent filii Israël a me, ipsi accedent ad me ut ministrent mihi: et stabunt in conspectu meo, ut offerant mihi adipem et sanguinem, ait Dominus Deus.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,26,44,16,&quot;Ezekiel&quot;)\">16<\/sup><span class=\"vtext\">Ipsi ingredientur sanctuarium meum, et ipsi accedent ad mensam meam, ut ministrent mihi, et custodiant cæremonias meas.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,26,44,17,&quot;Ezekiel&quot;)\">17<\/sup><span class=\"vtext\">Cumque ingredientur portas atrii interioris, vestibus lineis induentur: nec ascendet super eos quidquam laneum, quando ministrant in portis atrii interioris et intrinsecus.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,26,44,18,&quot;Ezekiel&quot;)\">18<\/sup><span class=\"vtext\">Vittæ lineæ erunt in capitibus eorum, et feminalia linea erunt in lumbis eorum, et non accingentur in sudore.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,26,44,19,&quot;Ezekiel&quot;)\">19<\/sup><span class=\"vtext\">Cumque egredientur atrium exterius ad populum, exuent se vestimentis suis in quibus ministraverant, et reponent ea in gazophylacio sanctuarii: et vestient se vestimentis aliis, et non sanctificabunt populum in vestibus suis.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,26,44,20,&quot;Ezekiel&quot;)\">20<\/sup><span class=\"vtext\">Caput autem suum non radent, neque comam nutrient: sed tondentes attondent capita sua.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,26,44,21,&quot;Ezekiel&quot;)\">21<\/sup><span class=\"vtext\">Et vinum non bibet omnis sacerdos, quando ingressurus est atrium interius.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,26,44,22,&quot;Ezekiel&quot;)\">22<\/sup><span class=\"vtext\">Et viduam et repudiatam non accipient uxores, sed virgines de semine domus Israël: sed et viduam quæ fuerit vidua a sacerdote, accipient.<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,26,44,23,&quot;Ezekiel&quot;)\">23<\/sup><span class=\"vtext\">Et populum meum docebunt quid sit inter sanctum et pollutum, et inter mundum et immundum ostendent eis.<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,26,44,24,&quot;Ezekiel&quot;)\">24<\/sup><span class=\"vtext\">Et cum fuerit controversia, stabunt in judiciis meis, et judicabunt: leges meas et præcepta mea in omnibus solemnitatibus meis custodient, et sabbata mea sanctificabunt.<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,26,44,25,&quot;Ezekiel&quot;)\">25<\/sup><span class=\"vtext\">Et ad mortuum hominem non ingredientur, ne polluantur, nisi ad patrem et matrem, et filium et filiam, et fratrem, et sororem quæ alterum virum non habuerit: in quibus contaminabuntur.<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,26,44,26,&quot;Ezekiel&quot;)\">26<\/sup><span class=\"vtext\">Et postquam fuerit emundatus, septem dies numerabuntur ei.<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,26,44,27,&quot;Ezekiel&quot;)\">27<\/sup><span class=\"vtext\">Et in die introitus sui in sanctuarium ad atrium interius, ut ministret mihi in sanctuario, offeret pro peccato suo, ait Dominus Deus.<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,26,44,28,&quot;Ezekiel&quot;)\">28<\/sup><span class=\"vtext\">Non erit autem eis hæreditas: ego hæreditas eorum. Et possessionem non dabitis eis in Israël: ego enim possessio eorum.<\/span> <\/p>\n<p class=\"verse-para\"><sup class=\"vnum\" data-v=\"29\" onclick=\"loadParallel(1,26,44,29,&quot;Ezekiel&quot;)\">29<\/sup><span class=\"vtext\">Victimam et pro peccato et pro delicto ipsi comedent, et omne votum in Israël ipsorum erit.<\/span> <\/p>\n<p class=\"verse-para\"><sup class=\"vnum\" data-v=\"30\" onclick=\"loadParallel(1,26,44,30,&quot;Ezekiel&quot;)\">30<\/sup><span class=\"vtext\">Et primitiva omnium primogenitorum, et omnia libamenta ex omnibus quæ offeruntur, sacerdotum erunt: et primitiva ciborum vestrorum dabitis sacerdoti, ut reponat benedictionem domui tuæ.<\/span> <\/p>\n<p class=\"verse-para\"><sup class=\"vnum\" data-v=\"31\" onclick=\"loadParallel(1,26,44,31,&quot;Ezekiel&quot;)\">31<\/sup><span class=\"vtext\">Omne morticinum, et captum a bestia, de avibus et de pecoribus, non comedent sacerdotes.<\/span> <\/p>\n<div class=\"bottom-nav\"><a href=\"\/vulgate\/1\/26\/43\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/26\/45\" class=\"nav-btn-lg nav-ajax\">Next &rsaquo;<\/a><\/div>\n","page_title":"Ezekiel, Chapter 44 — Latin Vulgate","book_title":"Ezekiel","toolbar_title":"Ezekiel — Ch. 44","prev_url":"\/vulgate\/1\/26\/43","next_url":"\/vulgate\/1\/26\/45","tid":1,"book_id":26,"chapter":44,"num_chapters":48,"trans":"Vulgate","is_rtl":false,"strongs_data":{},"bsb_glosses":{},"book_name":"Ezekiel","canonical_url":"https:\/\/accept.gift\/vulgate\/1\/26\/44","meta_desc":"Et convertit me ad viam portæ sanctuarii exterioris, quæ respiciebat ad orientem: et erat clausa. Et dixit Dominus ad me: Porta hæc clausa erit: non aperietu…"}