{"reader_html":"<h1 class=\"chapter-heading\">Ezekiel<span class=\"chapter-label\">Chapter 5<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,26,5,1,&quot;Ezekiel&quot;)\">1<\/sup><span class=\"vtext\">Et tu, fili hominis, sume tibi gladium acutum, radentem pilos, et assumes eum et duces per caput tuum et per barbam tuam, et assumes tibi stateram ponderis et divides eos.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,26,5,2,&quot;Ezekiel&quot;)\">2<\/sup><span class=\"vtext\">Tertiam partem igni combures in medio civitatis, juxta completionem dierum obsidionis, et assumes tertiam partem, et concides gladio in circuitu ejus: tertiam vero aliam disperges in ventum, et gladium nudabo post eos.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,26,5,3,&quot;Ezekiel&quot;)\">3<\/sup><span class=\"vtext\">Et sumes inde parvum numerum, et ligabis eos in summitate pallii tui:<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,26,5,4,&quot;Ezekiel&quot;)\">4<\/sup><span class=\"vtext\">et ex eis rursum tolles, et projicies eos in medio ignis, et combures eos igni, et ex eo egredietur ignis in omnem domum Israël.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,26,5,5,&quot;Ezekiel&quot;)\">5<\/sup><span class=\"vtext\">Hæc dicit Dominus Deus: Ista est Jerusalem: in medio gentium posui eam, et in circuitu ejus terras.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,26,5,6,&quot;Ezekiel&quot;)\">6<\/sup><span class=\"vtext\">Et contempsit judicia mea, ut plus esset impia quam gentes, et præcepta mea ultra quam terræ quæ in circuitu ejus sunt: judicia enim mea projecerunt, et in præceptis meis non ambulaverunt.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,26,5,7,&quot;Ezekiel&quot;)\">7<\/sup><span class=\"vtext\">Idcirco hæc dicit Dominus Deus: Quia superastis gentes quæ in circuitu vestro sunt, et in præceptis meis non ambulastis, et judicia mea non fecistis, et juxta judicia gentium quæ in circuitu vestro sunt non estis operati,<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,26,5,8,&quot;Ezekiel&quot;)\">8<\/sup><span class=\"vtext\">ideo hæc dicit Dominus Deus: Ecce ego ad te, et ipse ego faciam in medio tui judicia in oculis gentium:<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,26,5,9,&quot;Ezekiel&quot;)\">9<\/sup><span class=\"vtext\">et faciam in te quod non feci, et quibus similia ultra non faciam, propter omnes abominationes tuas.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,26,5,10,&quot;Ezekiel&quot;)\">10<\/sup><span class=\"vtext\">Ideo patres comedent filios in medio tui, et filii comedent patres suos: et faciam in te judicia, et ventilabo universas reliquias tuas in omnem ventum.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,26,5,11,&quot;Ezekiel&quot;)\">11<\/sup><span class=\"vtext\">Idcirco vivo ego, dicit Dominus Deus, nisi pro eo quod sanctum meum violasti in omnibus offensionibus tuis et in cunctis abominationibus tuis, ego quoque confringam: et non parcet oculus meus, et non miserebor.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,26,5,12,&quot;Ezekiel&quot;)\">12<\/sup><span class=\"vtext\">Tertia pars tui peste morietur, et fame consumetur in medio tui, et tertia pars tui in gladio cadet in circuitu tuo: tertiam vero partem tuam in omnem ventum dispergam, et gladium evaginabo post eos.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,26,5,13,&quot;Ezekiel&quot;)\">13<\/sup><span class=\"vtext\">Et complebo furorem meum, et requiescere faciam indignationem meam in eis, et consolabor: et scient quia ego Dominus locutus sum in zelo meo, cum implevero indignationem meam in eis.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,26,5,14,&quot;Ezekiel&quot;)\">14<\/sup><span class=\"vtext\">Et dabo te in desertum, et in opprobrium gentibus quæ in circuitu tuo sunt, in conspectu omnis prætereuntis:<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,26,5,15,&quot;Ezekiel&quot;)\">15<\/sup><span class=\"vtext\">et eris opprobrium et blasphemia, exemplum et stupor in gentibus quæ in circuitu tuo sunt, cum fecero in te judicia in furore, et in indignatione, et in increpationibus iræ.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,26,5,16,&quot;Ezekiel&quot;)\">16<\/sup><span class=\"vtext\">Ego Dominus locutus sum: quando misero sagittas famis pessimas in eos, quæ erunt mortiferæ, et quas mittam ut disperdam vos: et famem congregabo super vos, et conteram in vobis baculum panis:<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,26,5,17,&quot;Ezekiel&quot;)\">17<\/sup><span class=\"vtext\">et immittam in vos famem et bestias pessimas, usque ad internecionem: et pestilentia et sanguis transibunt per te, et gladium inducam super te. Ego Dominus locutus sum.<\/span> <\/p>\n<div class=\"bottom-nav\"><a href=\"\/vulgate\/1\/26\/4\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/26\/6\" class=\"nav-btn-lg nav-ajax\">Next &rsaquo;<\/a><\/div>\n","page_title":"Ezekiel, Chapter 5 — Latin Vulgate","book_title":"Ezekiel","toolbar_title":"Ezekiel — Ch. 5","prev_url":"\/vulgate\/1\/26\/4","next_url":"\/vulgate\/1\/26\/6","tid":1,"book_id":26,"chapter":5,"num_chapters":48,"trans":"Vulgate","is_rtl":false,"strongs_data":{},"bsb_glosses":{},"book_name":"Ezekiel","canonical_url":"https:\/\/accept.gift\/vulgate\/1\/26\/5","meta_desc":"Et tu, fili hominis, sume tibi gladium acutum, radentem pilos, et assumes eum et duces per caput tuum et per barbam tuam, et assumes tibi stateram ponderis e…"}