{"reader_html":"<h1 class=\"chapter-heading\">Daniel<span class=\"chapter-label\">Chapter 10<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,27,10,1,&quot;Daniel&quot;)\">1<\/sup><span class=\"vtext\">Anno tertio Cyri regis Persarum, verbum revelatum est Danieli cognomento Baltassar, et verbum verum, et fortitudo magna: intellexitque sermonem: intelligentia enim est opus in visione.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,27,10,2,&quot;Daniel&quot;)\">2<\/sup><span class=\"vtext\">In diebus illis ego Daniel lugebam trium hebdomadarum diebus:<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,27,10,3,&quot;Daniel&quot;)\">3<\/sup><span class=\"vtext\">panem desiderabilem non comedi, et caro et vinum non introierunt in os meum, sed neque unguento unctus sum, donec complerentur trium hebdomadarum dies.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,27,10,4,&quot;Daniel&quot;)\">4<\/sup><span class=\"vtext\">Die autem vigesima et quarta mensis primi, eram juxta fluvium magnum, qui est Tigris.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,27,10,5,&quot;Daniel&quot;)\">5<\/sup><span class=\"vtext\">Et levavi oculos meos, et vidi: et ecce vir unus vestitus lineis, et renes ejus accincti auro obrizo:<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,27,10,6,&quot;Daniel&quot;)\">6<\/sup><span class=\"vtext\">et corpus ejus quasi chrysolithus, et facies ejus velut species fulguris, et oculi ejus ut lampas ardens: et brachia ejus, et quæ deorsum sunt usque ad pedes, quasi species æris candentis: et vox sermonum ejus ut vox multitudinis.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,27,10,7,&quot;Daniel&quot;)\">7<\/sup><span class=\"vtext\">Vidi autem ego Daniel solus visionem: porro viri qui erant mecum non viderunt, sed terror nimius irruit super eos, et fugerunt in absconditum.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,27,10,8,&quot;Daniel&quot;)\">8<\/sup><span class=\"vtext\">Ego autem relictus solus vidi visionem grandem hanc: et non remansit in me fortitudo, sed et species mea immutata est in me, et emarcui, nec habui quidquam virium.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,27,10,9,&quot;Daniel&quot;)\">9<\/sup><span class=\"vtext\">Et audivi vocem sermonum ejus: et audiens jacebam consternatus super faciem meam, et vultus meus hærebat terræ.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,27,10,10,&quot;Daniel&quot;)\">10<\/sup><span class=\"vtext\">Et ecce manus tetigit me, et erexit me super genua mea, et super articulos manuum mearum.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,27,10,11,&quot;Daniel&quot;)\">11<\/sup><span class=\"vtext\">Et dixit ad me: Daniel vir desideriorum, intellige verba quæ ego loquor ad te, et sta in gradu tuo: nunc enim sum missus ad te. Cumque dixisset mihi sermonem istum, steti tremens.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,27,10,12,&quot;Daniel&quot;)\">12<\/sup><span class=\"vtext\">Et ait ad me: Noli metuere, Daniel: quia ex die primo, quo posuisti cor tuum ad intelligendum ut te affligeres in conspectu Dei tui, exaudita sunt verba tua: et ego veni propter sermones tuos.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,27,10,13,&quot;Daniel&quot;)\">13<\/sup><span class=\"vtext\">Princeps autem regni Persarum restitit mihi viginti et uno diebus: et ecce Michaël, unus de principibus primis, venit in adjutorium meum, et ego remansi ibi juxta regem Persarum.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,27,10,14,&quot;Daniel&quot;)\">14<\/sup><span class=\"vtext\">Veni autem ut docerem te quæ ventura sunt populo tuo in novissimis diebus, quoniam adhuc visio in dies.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,27,10,15,&quot;Daniel&quot;)\">15<\/sup><span class=\"vtext\">Cumque loqueretur mihi hujuscemodi verbis, dejeci vultum meum ad terram, et tacui.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,27,10,16,&quot;Daniel&quot;)\">16<\/sup><span class=\"vtext\">Et ecce quasi similitudo filii hominis tetigit labia mea: et aperiens os meum locutus sum, et dixi ad eum, qui stabat contra me: Domine mi, in visione tua dissolutæ sunt compages meæ, et nihil in me remansit virium.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,27,10,17,&quot;Daniel&quot;)\">17<\/sup><span class=\"vtext\">Et quomodo poterit servus domini mei loqui cum domino meo? nihil enim in me remansit virium, sed et halitus meus intercluditur.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,27,10,18,&quot;Daniel&quot;)\">18<\/sup><span class=\"vtext\">Rursum ergo tetigit me quasi visio hominis, et confortavit me,<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,27,10,19,&quot;Daniel&quot;)\">19<\/sup><span class=\"vtext\">et dixit: Noli timere, vir desideriorum: pax tibi: confortare, et esto robustus. Cumque loqueretur mecum, convalui, et dixi: Loquere, domine mi, quia confortasti me.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,27,10,20,&quot;Daniel&quot;)\">20<\/sup><span class=\"vtext\">Et ait: Numquid scis quare venerim ad te? et nunc revertar ut prælier adversum principem Persarum. Cum ego egrederer, apparuit princeps Græcorum veniens.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,27,10,21,&quot;Daniel&quot;)\">21<\/sup><span class=\"vtext\">Verumtamen annuntiabo tibi quod expressum est in scriptura veritatis: et nemo est adjutor meus in omnibus his, nisi Michaël princeps vester.<\/span> <\/p>\n<div class=\"bottom-nav\"><a href=\"\/vulgate\/1\/27\/9\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/27\/11\" class=\"nav-btn-lg nav-ajax\">Next &rsaquo;<\/a><\/div>\n","page_title":"Daniel, Chapter 10 — Latin Vulgate","book_title":"Daniel","toolbar_title":"Daniel — Ch. 10","prev_url":"\/vulgate\/1\/27\/9","next_url":"\/vulgate\/1\/27\/11","tid":1,"book_id":27,"chapter":10,"num_chapters":14,"trans":"Vulgate","is_rtl":false,"strongs_data":{},"bsb_glosses":{},"book_name":"Daniel","canonical_url":"https:\/\/accept.gift\/vulgate\/1\/27\/10","meta_desc":"Anno tertio Cyri regis Persarum, verbum revelatum est Danieli cognomento Baltassar, et verbum verum, et fortitudo magna: intellexitque sermonem: intelligenti…"}