{"reader_html":"<h1 class=\"chapter-heading\">Daniel<span class=\"chapter-label\">Chapter 7<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,27,7,1,&quot;Daniel&quot;)\">1<\/sup><span class=\"vtext\">Anno primo Baltassar regis Babylonis, Daniel somnium vidit: visio autem capitis ejus in cubili suo: et somnium scribens, brevi sermone comprehendit: summatimque perstringens, ait:<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,27,7,2,&quot;Daniel&quot;)\">2<\/sup><span class=\"vtext\">Videbam in visione mea nocte: et ecce quatuor venti cæli pugnabant in mari magno.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,27,7,3,&quot;Daniel&quot;)\">3<\/sup><span class=\"vtext\">Et quatuor bestiæ grandes ascendebant de mari diversæ inter se.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,27,7,4,&quot;Daniel&quot;)\">4<\/sup><span class=\"vtext\">Prima quasi leæna, et alas habebat aquilæ: aspiciebam donec evulsæ sunt alæ ejus, et sublata est de terra, et super pedes quasi homo stetit; et cor hominis datum est ei.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,27,7,5,&quot;Daniel&quot;)\">5<\/sup><span class=\"vtext\">Et ecce bestia alia similis urso in parte stetit: et tres ordines erant in ore ejus, et in dentibus ejus, et sic dicebant ei: Surge, comede carnes plurimas.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,27,7,6,&quot;Daniel&quot;)\">6<\/sup><span class=\"vtext\">Post hæc aspiciebam, et ecce alia quasi pardus, et alas habebat quasi avis, quatuor super se: et quatuor capita erant in bestia, et potestas data est ei.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,27,7,7,&quot;Daniel&quot;)\">7<\/sup><span class=\"vtext\">Post hæc aspiciebam in visione noctis, et ecce bestia quarta terribilis atque mirabilis, et fortis nimis: dentes ferreos habebat magnos, comedens atque comminuens, et reliqua pedibus suis conculcans: dissimilis autem erat ceteris bestiis quas videram ante eam, et habebat cornua decem.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,27,7,8,&quot;Daniel&quot;)\">8<\/sup><span class=\"vtext\">Considerabam cornua, et ecce cornu aliud parvulum ortum est de medio eorum: et tria de cornibus primis evulsa sunt a facie ejus: et ecce oculi, quasi oculi hominis erant in cornu isto, et os loquens ingentia.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,27,7,9,&quot;Daniel&quot;)\">9<\/sup><span class=\"vtext\">Aspiciebam donec throni positi sunt, et antiquus dierum sedit. Vestimentum ejus candidum quasi nix, et capilli capitis ejus quasi lana munda: thronus ejus flammæ ignis: rotæ ejus ignis accensus.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,27,7,10,&quot;Daniel&quot;)\">10<\/sup><span class=\"vtext\">Fluvius igneus rapidusque egrediebatur a facie ejus. Millia millium ministrabant ei, et decies millies centena millia assistebant ei: judicium sedit, et libri aperti sunt.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,27,7,11,&quot;Daniel&quot;)\">11<\/sup><span class=\"vtext\">Aspiciebam propter vocem sermonum grandium, quos cornu illud loquebatur: et vidi quoniam interfecta esset bestia, et perisset corpus ejus, et traditum esset ad comburendum igni:<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,27,7,12,&quot;Daniel&quot;)\">12<\/sup><span class=\"vtext\">aliarum quoque bestiarum ablata esset potestas, et tempora vitæ constituta essent eis usque ad tempus et tempus.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,27,7,13,&quot;Daniel&quot;)\">13<\/sup><span class=\"vtext\">Aspiciebam ergo in visione noctis, et ecce cum nubibus cæli quasi filius hominis veniebat, et usque ad antiquum dierum pervenit: et in conspectu ejus obtulerunt eum.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,27,7,14,&quot;Daniel&quot;)\">14<\/sup><span class=\"vtext\">Et dedit ei potestatem, et honorem, et regnum: et omnes populi, tribus, et linguæ ipsi servient: potestas ejus, potestas æterna, quæ non auferetur: et regnum ejus, quod non corrumpetur.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,27,7,15,&quot;Daniel&quot;)\">15<\/sup><span class=\"vtext\">Horruit spiritus meus: ego Daniel territus sum in his, et visiones capitis mei conturbaverunt me.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,27,7,16,&quot;Daniel&quot;)\">16<\/sup><span class=\"vtext\">Accessi ad unum de assistentibus, et veritatem quærebam ab eo de omnibus his. Qui dixit mihi interpretationem sermonum, et docuit me:<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,27,7,17,&quot;Daniel&quot;)\">17<\/sup><span class=\"vtext\">Hæ quatuor bestiæ magnæ, quatuor sunt regna, quæ consurgent de terra.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,27,7,18,&quot;Daniel&quot;)\">18<\/sup><span class=\"vtext\">Suscipient autem regnum sancti Dei altissimi, et obtinebunt regnum usque in sæculum, et sæculum sæculorum.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,27,7,19,&quot;Daniel&quot;)\">19<\/sup><span class=\"vtext\">Post hoc volui diligenter discere de bestia quarta, quæ erat dissimilis valde ab omnibus, et terribilis nimis: dentes et ungues ejus ferrei: comedebat, et comminuebat, et reliqua pedibus suis conculcabat:<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,27,7,20,&quot;Daniel&quot;)\">20<\/sup><span class=\"vtext\">et de cornibus decem, quæ habebat in capite, et de alio, quod ortum fuerat, ante quod ceciderant tria cornua: et de cornu illo, quod habebat oculos, et os loquens grandia, et majus erat ceteris.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,27,7,21,&quot;Daniel&quot;)\">21<\/sup><span class=\"vtext\">Aspiciebam, et ecce cornu illud faciebat bellum adversus sanctos, et prævalebat eis,<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,27,7,22,&quot;Daniel&quot;)\">22<\/sup><span class=\"vtext\">donec venit antiquus dierum, et judicium dedit sanctis Excelsi, et tempus advenit, et regnum obtinuerunt sancti.<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,27,7,23,&quot;Daniel&quot;)\">23<\/sup><span class=\"vtext\">Et sic ait: Bestia quarta, regnum quartum erit in terra, quod majus erit omnibus regnis, et devorabit universam terram, et conculcabit, et comminuet eam.<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,27,7,24,&quot;Daniel&quot;)\">24<\/sup><span class=\"vtext\">Porro cornua decem ipsius regni, decem reges erunt: et alius consurget post eos, et ipse potentior erit prioribus, et tres reges humiliabit.<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,27,7,25,&quot;Daniel&quot;)\">25<\/sup><span class=\"vtext\">Et sermones contra Excelsum loquetur, et sanctos Altissimi conteret: et putabit quod possit mutare tempora, et leges: et tradentur in manu ejus usque ad tempus, et tempora, et dimidium temporis.<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,27,7,26,&quot;Daniel&quot;)\">26<\/sup><span class=\"vtext\">Et judicium sedebit, ut auferatur potentia, et conteratur, et dispereat usque in finem.<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,27,7,27,&quot;Daniel&quot;)\">27<\/sup><span class=\"vtext\">Regnum autem, et potestas, et magnitudo regni, quæ est subter omne cælum, detur populo sanctorum Altissimi: cujus regnum, regnum sempiternum est, et omnes reges servient ei, et obedient.<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,27,7,28,&quot;Daniel&quot;)\">28<\/sup><span class=\"vtext\">Hucusque finis verbi. Ego Daniel multum cogitationibus meis conturbabar, et facies mea mutata est in me: verbum autem in corde meo conservavi.<\/span> <\/p>\n<div class=\"bottom-nav\"><a href=\"\/vulgate\/1\/27\/6\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/27\/8\" class=\"nav-btn-lg nav-ajax\">Next &rsaquo;<\/a><\/div>\n","page_title":"Daniel, Chapter 7 — Latin Vulgate","book_title":"Daniel","toolbar_title":"Daniel — Ch. 7","prev_url":"\/vulgate\/1\/27\/6","next_url":"\/vulgate\/1\/27\/8","tid":1,"book_id":27,"chapter":7,"num_chapters":14,"trans":"Vulgate","is_rtl":false,"strongs_data":{},"bsb_glosses":{},"book_name":"Daniel","canonical_url":"https:\/\/accept.gift\/vulgate\/1\/27\/7","meta_desc":"Anno primo Baltassar regis Babylonis, Daniel somnium vidit: visio autem capitis ejus in cubili suo: et somnium scribens, brevi sermone comprehendit: summatim…"}