1<\/sup>Dixit quoque Dominus ad Moysen: Loquere ad sacerdotes filios Aaron, et dices ad eos: Ne contaminetur sacerdos in mortibus civium suorum,<\/span> <\/p>\n 2<\/sup>nisi tantum in consanguineis, ac propinquis, id est, super patre et matre, et filio, et filia, fratre quoque,<\/span> <\/p>\n 3<\/sup>et sorore virgine quæ non est nupta viro:<\/span> <\/p>\n 4<\/sup>sed nec in principe populi sui contaminabitur.<\/span> <\/p>\n 5<\/sup>Non radent caput, nec barbam, neque in carnibus suis facient incisuras.<\/span> <\/p>\n 6<\/sup>Sancti erunt Deo suo, et non polluent nomen ejus: incensum enim Domini, et panes Dei sui offerunt, et ideo sancti erunt.<\/span> <\/p>\n 7<\/sup>Scortum et vile prostibulum non ducent uxorem, nec eam quæ repudiata est a marito: quia consecrati sunt Deo suo,<\/span> <\/p>\n 8<\/sup>et panes propositionis offerunt. Sint ergo sancti, quia et ego sanctus sum, Dominus qui sanctifico eos.<\/span> <\/p>\n 9<\/sup>Sacerdotis filia si deprehensa fuerit in stupro, et violaverit nomen patris sui, flammis exuretur.<\/span> <\/p>\n 10<\/sup>Pontifex, id est, sacerdos maximus inter fratres suos, super cujus caput fusum est unctionis oleum, et cujus manus in sacerdotio consecratæ sunt, vestitusque est sanctis vestibus, caput suum non discooperiet, vestimenta non scindet:<\/span> <\/p>\n 11<\/sup>et ad omnem mortuum non ingredietur omnino: super patre quoque suo et matre non contaminabitur.<\/span> <\/p>\n 12<\/sup>Nec egredietur de sanctis, ne polluat sanctuarium Domini, quia oleum sanctæ unctionis Dei sui super eum est. Ego Dominus.<\/span> <\/p>\n 13<\/sup>Virginem ducet uxorem:<\/span> <\/p>\n 14<\/sup>viduam autem et repudiatam, et sordidam, atque meretricem non accipiet, sed puellam de populo suo:<\/span> <\/p>\n 15<\/sup>ne commisceat stirpem generis sui vulgo gentis suæ: quia ego Dominus, qui sanctifico eum.<\/span> <\/p>\n 16<\/sup>Locutusque est Dominus ad Moysen, dicens:<\/span> <\/p>\n 17<\/sup>Loquere ad Aaron: Homo de semine tuo per familias qui habuerit maculam, non offeret panes Deo suo,<\/span> <\/p>\n 18<\/sup>nec accedet ad ministerium ejus: si cæcus fuerit, si claudus, si parvo vel grandi, vel torto naso,<\/span> <\/p>\n 19<\/sup>si fracto pede, si manu,<\/span> <\/p>\n 20<\/sup>si gibbus, si lippus, si albuginem habens in oculo, si jugem scabiem, si impetiginem in corpore, vel herniosus.<\/span> <\/p>\n 21<\/sup>Omnis qui habuerit maculam de semine Aaron sacerdotis, non accedet offerre hostias Domino, nec panes Deo suo:<\/span> <\/p>\n 22<\/sup>vescetur tamen panibus qui offeruntur in sanctuario,<\/span> <\/p>\n 23<\/sup>ita dumtaxat, ut intra velum non ingrediatur, nec accedat ad altare, quia maculam habet, et contaminare non debet sanctuarium meum. Ego Dominus qui sanctifico eos.<\/span> <\/p>\n 24<\/sup>Locutus est ergo Moyses ad Aaron, et ad filios ejus, et ad omnem Israël cuncta quæ fuerant sibi imperata.<\/span> <\/p>\n