1<\/sup>Et locutus est Dominus ad Moysen, dicens:<\/span> <\/p>\n 2<\/sup>Præcipe filiis Israël, ut afferant tibi oleum de olivis purissimum, ac lucidum, ad concinnandas lucernas jugiter,<\/span> <\/p>\n 3<\/sup>extra velum testimonii in tabernaculo fœderis. Ponetque eas Aaron a vespere usque ad mane coram Domino, cultu rituque perpetuo in generationibus vestris.<\/span> <\/p>\n 4<\/sup>Super candelabrum mundissimum ponentur semper in conspectu Domini.<\/span> <\/p>\n 5<\/sup>Accipies quoque similam, et coques ex ea duodecim panes, qui singuli habebunt duas decimas:<\/span> <\/p>\n 6<\/sup>quorum senos altrinsecus super mensam purissimam coram Domino statues:<\/span> <\/p>\n 7<\/sup>et pones super eos thus lucidissimum, ut sit panis in monimentum oblationis Domini.<\/span> <\/p>\n 8<\/sup>Per singula sabbata mutabuntur coram Domino suscepti a filiis Israël fœdere sempiterno:<\/span> <\/p>\n 9<\/sup>eruntque Aaron et filiorum ejus, ut comedant eos in loco sancto: quia Sanctum sanctorum est de sacrificiis Domini jure perpetuo.<\/span> <\/p>\n 10<\/sup>Ecce autem egressus filius mulieris Israëlitidis, quem pepererat de viro ægyptio inter filios Israël, jurgatus est in castris cum viro Israëlita.<\/span> <\/p>\n 11<\/sup>Cumque blasphemasset nomen, et maledixisset ei, adductus est ad Moysen. (Vocabatur autem mater ejus Salumith, filia Dabri de tribu Dan.)<\/span> <\/p>\n 12<\/sup>Miseruntque eum in carcerem, donec nossent quid juberet Dominus.<\/span> <\/p>\n 13<\/sup>Qui locutus est ad Moysen,<\/span> <\/p>\n 14<\/sup>dicens: Educ blasphemum extra castra, et ponant omnes qui audierunt, manus suas super caput ejus, et lapidet eum populus universus.<\/span> <\/p>\n 15<\/sup>Et ad filios Israël loqueris: Homo, qui maledixerit Deo suo, portabit peccatum suum;<\/span> <\/p>\n 16<\/sup>et qui blasphemaverit nomen Domini, morte moriatur: lapidibus opprimet eum omnis multitudo, sive ille civis, sive peregrinus fuerit. Qui blasphemaverit nomen Domini, morte moriatur.<\/span> <\/p>\n 17<\/sup>Qui percusserit, et occiderit hominem, morte moriatur.<\/span> <\/p>\n 18<\/sup>Qui percusserit animal, reddet vicarium, id est, animam pro anima.<\/span> <\/p>\n 19<\/sup>Qui irrogaverit maculam cuilibet civium suorum, sicut fecit, sic fiet ei:<\/span> <\/p>\n 20<\/sup>fracturam pro fractura, oculum pro oculo, dentem pro dente restituet: qualem inflixerit maculam, talem sustinere cogetur.<\/span> <\/p>\n 21<\/sup>Qui percusserit jumentum, reddet aliud. Qui percusserit hominem, punietur.<\/span> <\/p>\n 22<\/sup>Æquum judicium sit inter vos, sive peregrinus, sive civis peccaverit: quia ego sum Dominus Deus vester.<\/span> <\/p>\n 23<\/sup>Locutusque est Moyses ad filios Israël: et eduxerunt eum, qui blasphemaverat, extra castra, ac lapidibus oppresserunt. Feceruntque filii Israël sicut præceperat Dominus Moysi.<\/span> <\/p>\n