1<\/sup>Locutusque est Dominus ad Moysen, dicens:<\/span> <\/p>\n 2<\/sup>Loquere filiis Israël, et dices ad eos: Homo qui votum fecerit, et spoponderit Deo animam suam, sub æstimatione dabit pretium.<\/span> <\/p>\n 3<\/sup>Si fuerit masculus a vigesimo anno usque ad sexagesimum annum, dabit quinquaginta siclos argenti ad mensuram sanctuarii:<\/span> <\/p>\n 4<\/sup>si mulier, triginta.<\/span> <\/p>\n 5<\/sup>A quinto autem anno usque ad vigesimum, masculus dabit viginti siclos: femina, decem.<\/span> <\/p>\n 6<\/sup>Ab uno mense usque ad annum quintum, pro masculo dabuntur quinque sicli: pro femina, tres.<\/span> <\/p>\n 7<\/sup>Sexagenarius et ultra masculus dabit quindecim siclos: femina, decem.<\/span> <\/p>\n 8<\/sup>Si pauper fuerit, et æstimationem reddere non valebit, stabit coram sacerdote: et quantum ille æstimaverit, et viderit eum posse reddere, tantum dabit.<\/span> <\/p>\n 9<\/sup>Animal autem, quod immolari potest Domino, si quis voverit, sanctum erit,<\/span> <\/p>\n 10<\/sup>et mutari non poterit, id est, nec melius malo, nec pejus bono: quod si mutaverit, et ipsum quod mutatum est, et illud pro quo mutatum est, consecratum erit Domino.<\/span> <\/p>\n 11<\/sup>Animal immundum, quod immolari Domino non potest, si quis voverit, adducetur ante sacerdotem:<\/span> <\/p>\n 12<\/sup>qui judicans utrum bonum an malum sit, statuet pretium.<\/span> <\/p>\n 13<\/sup>Quod si dare voluerit is qui offert, addet supra æstimationem quintam partem.<\/span> <\/p>\n 14<\/sup>Homo si voverit domum suam, et sanctificaverit Domino, considerabit eam sacerdos utrum bona an mala sit, et juxta pretium, quod ab eo fuerit constitutum, venundabitur:<\/span> <\/p>\n 15<\/sup>sin autem ille qui voverat, voluerit redimere eam, dabit quintam partem æstimationis supra, et habebit domum.<\/span> <\/p>\n 16<\/sup>Quod si agrum possessionis suæ voverit, et consecraverit Domino, juxta mensuram sementis æstimabitur pretium: si triginta modiis hordei seritur terra, quinquaginta siclis venundetur argenti.<\/span> <\/p>\n 17<\/sup>Si statim ab anno incipientis jubilæi voverit agrum, quanto valere potest, tanto æstimabitur.<\/span> <\/p>\n 18<\/sup>Sin autem post aliquantum temporis, supputabit sacerdos pecuniam juxta annorum, qui reliqui sunt, numerum usque ad jubilæum, et detrahetur ex pretio.<\/span> <\/p>\n 19<\/sup>Quod si voluerit redimere agrum ille qui voverat, addet quintam partem æstimatæ pecuniæ, et possidebit eum.<\/span> <\/p>\n 20<\/sup>Sin autem noluerit redimere, sed alteri cuilibet fuerit venundatus, ultra eum qui voverat redimere non poterit.<\/span> <\/p>\n 21<\/sup>Quia cum jubilæi venerit dies, sanctificatus erit Domino, et possessio consecrata ad jus pertinet sacerdotum.<\/span> <\/p>\n 22<\/sup>Si ager emptus est, et non de possessione majorum sanctificatus fuerit Domino,<\/span> <\/p>\n 23<\/sup>supputabit sacerdos juxta annorum numerum usque ad jubilæum, pretium: et dabit ille qui voverat eum, Domino.<\/span> <\/p>\n 24<\/sup>In jubilæo autem revertetur ad priorem dominum, qui vendiderat eum, et habuerat in sorte possessionis suæ.<\/span> <\/p>\n 25<\/sup>Omnis æstimatio siclo sanctuarii ponderabitur. Siclus viginti obolos habet.<\/span> <\/p>\n 26<\/sup>Primogenita, quæ ad Dominum pertinent, nemo sanctificare poterit et vovere: sive bos, sive ovis fuerit, Domini sunt.<\/span> <\/p>\n 27<\/sup>Quod si immundum est animal, redimet qui obtulit, juxta æstimationem tuam, et addet quintam partem pretii: si redimere noluerit, vendetur alteri quantocumque a te fuerit æstimatum.<\/span> <\/p>\n 28<\/sup>Omne quod Domino consecratur, sive homo fuerit, sive animal, sive ager, non vendetur, nec redimi poterit. Quidquid semel fuerit consecratum, Sanctum sanctorum erit Domino:<\/span> <\/p>\n 29<\/sup>et omnis consecratio, quæ offertur ab homine, non redimetur, sed morte morietur.<\/span> <\/p>\n 30<\/sup>Omnes decimæ terræ, sive de frugibus, sive de pomis arborum, Domini sunt, et illi sanctificantur.<\/span> <\/p>\n 31<\/sup>Si quis autem voluerit redimere decimas suas, addet quintam partem earum.<\/span> <\/p>\n 32<\/sup>Omnium decimarum bovis et ovis et capræ, quæ sub pastoris virga transeunt, quidquid decimum venerit, sanctificabitur Domino.<\/span> <\/p>\n 33<\/sup>Non eligetur nec bonum nec malum, nec altero commutabitur, si quis mutaverit: et quod mutatum est, et pro quo mutatum est, sanctificabitur Domino, et non redimetur.<\/span> <\/p>\n 34<\/sup>Hæc sunt præcepta, quæ mandavit Dominus Moysi ad filios Israël in monte Sinai.<\/span> <\/p>\n