{"reader_html":"<h1 class=\"chapter-heading\">Zechariah<span class=\"chapter-label\">Chapter 14<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,38,14,1,&quot;Zechariah&quot;)\">1<\/sup><span class=\"vtext\">Ecce venient dies Domini, et dividentur spolia tua in medio tui.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,38,14,2,&quot;Zechariah&quot;)\">2<\/sup><span class=\"vtext\">Et congregabo omnes gentes ad Jerusalem in prælium: et capietur civitas, et vastabuntur domus, et mulieres violabuntur: et egredietur media pars civitatis in captivitatem, et reliquum populi non auferetur ex urbe.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,38,14,3,&quot;Zechariah&quot;)\">3<\/sup><span class=\"vtext\">Et egredietur Dominus, et præliabitur contra gentes illas, sicut præliatus est in die certaminis.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,38,14,4,&quot;Zechariah&quot;)\">4<\/sup><span class=\"vtext\">Et stabunt pedes ejus in die illa super montem Olivarum, qui est contra Jerusalem ad orientem: et scindetur mons Olivarum ex media parte sui ad orientem et ad occidentem, prærupto grandi valde: et separabitur medium montis ad aquilonem, et medium ejus ad meridiem.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,38,14,5,&quot;Zechariah&quot;)\">5<\/sup><span class=\"vtext\">Et fugietis ad vallem montium eorum, quoniam conjungetur vallis montium usque ad proximum: et fugietis sicut fugistis a facie terræmotus in diebus Oziæ regis Juda: et veniet Dominus Deus meus, omnesque sancti cum eo.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,38,14,6,&quot;Zechariah&quot;)\">6<\/sup><span class=\"vtext\">Et erit in die illa: non erit lux, sed frigus et gelu.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,38,14,7,&quot;Zechariah&quot;)\">7<\/sup><span class=\"vtext\">Et erit dies una quæ nota est Domino, non dies neque nox: et in tempore vesperi erit lux.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,38,14,8,&quot;Zechariah&quot;)\">8<\/sup><span class=\"vtext\">Et erit in die illa: exibunt aquæ vivæ de Jerusalem: medium earum ad mare orientale, et medium earum ad mare novissimum: in æstate et in hieme erunt.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,38,14,9,&quot;Zechariah&quot;)\">9<\/sup><span class=\"vtext\">Et erit Dominus rex super omnem terram: in die illa erit Dominus unus, et erit nomen ejus unum.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,38,14,10,&quot;Zechariah&quot;)\">10<\/sup><span class=\"vtext\">Et revertetur omnis terra usque ad desertum, de colle Remmon ad austrum Jerusalem: et exaltabitur, et habitabit in loco suo, a porta Benjamin usque ad locum portæ prioris, et usque ad portam angulorum, et a turre Hananeel usque ad torcularia regis.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,38,14,11,&quot;Zechariah&quot;)\">11<\/sup><span class=\"vtext\">Et habitabunt in ea, et anathema non erit amplius, sed sedebit Jerusalem secura.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,38,14,12,&quot;Zechariah&quot;)\">12<\/sup><span class=\"vtext\">Et hæc erit plaga qua percutiet Dominus omnes gentes quæ pugnaverunt adversus Jerusalem: tabescet caro uniuscujusque stantis super pedes suos: et oculi ejus contabescent in foraminibus suis, et lingua eorum contabescet in ore suo.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,38,14,13,&quot;Zechariah&quot;)\">13<\/sup><span class=\"vtext\">In die illa erit tumultus Domini magnus in eis: et apprehendet vir manum proximi sui, et conseretur manus ejus super manum proximi sui.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,38,14,14,&quot;Zechariah&quot;)\">14<\/sup><span class=\"vtext\">Sed et Judas pugnabit adversus Jerusalem: et congregabuntur divitiæ omnium gentium in circuitu, aurum, et argentum, et vestes multæ satis.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,38,14,15,&quot;Zechariah&quot;)\">15<\/sup><span class=\"vtext\">Et sic erit ruina equi, et muli, et cameli, et asini, et omnium jumentorum quæ fuerint in castris illis, sicut ruina hæc.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,38,14,16,&quot;Zechariah&quot;)\">16<\/sup><span class=\"vtext\">Et omnes qui reliqui fuerint de universis gentibus quæ venerunt contra Jerusalem, ascendent ab anno in annum ut adorent regem, Dominum exercituum, et celebrent festivitatem tabernaculorum.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,38,14,17,&quot;Zechariah&quot;)\">17<\/sup><span class=\"vtext\">Et erit: qui non ascenderit de familiis terræ ad Jerusalem ut adoret regem, Dominum exercituum, non erit super eos imber.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,38,14,18,&quot;Zechariah&quot;)\">18<\/sup><span class=\"vtext\">Quod etsi familia Ægypti non ascenderit et non venerit, nec super eos erit: sed erit ruina, qua percutiet Dominus omnes gentes quæ non ascenderint ad celebrandam festivitatem tabernaculorum.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,38,14,19,&quot;Zechariah&quot;)\">19<\/sup><span class=\"vtext\">Hoc erit peccatum Ægypti, et hoc peccatum omnium gentium quæ non ascenderint ad celebrandam festivitatem tabernaculorum.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,38,14,20,&quot;Zechariah&quot;)\">20<\/sup><span class=\"vtext\">In die illa, erit quod super frenum equi est, sanctum Domino: et erunt lebetes in domo Domini quasi phialæ coram altari.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,38,14,21,&quot;Zechariah&quot;)\">21<\/sup><span class=\"vtext\">Et erit omnis lebes in Jerusalem et in Juda sanctificatus Domino exercituum: et venient omnes immolantes, et sument ex eis, et coquent in eis: et non erit mercator ultra in domo Domini exercituum in die illo.<\/span> <\/p>\n<div class=\"bottom-nav\"><a href=\"\/vulgate\/1\/38\/13\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/39\/1\" class=\"nav-btn-lg nav-ajax\">Next &rsaquo;<\/a><\/div>\n","page_title":"Zechariah, Chapter 14 — Latin Vulgate","book_title":"Zechariah","toolbar_title":"Zechariah — Ch. 14","prev_url":"\/vulgate\/1\/38\/13","next_url":"\/vulgate\/1\/39\/1","tid":1,"book_id":38,"chapter":14,"num_chapters":14,"trans":"Vulgate","is_rtl":false,"strongs_data":{},"bsb_glosses":{},"book_name":"Zechariah","canonical_url":"https:\/\/accept.gift\/vulgate\/1\/38\/14","meta_desc":"Ecce venient dies Domini, et dividentur spolia tua in medio tui. Et congregabo omnes gentes ad Jerusalem in prælium: et capietur civitas, et vastabuntur domu…"}