{"reader_html":"<h1 class=\"chapter-heading\">Numbers<span class=\"chapter-label\">Chapter 18<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,4,18,1,&quot;Numbers&quot;)\">1<\/sup><span class=\"vtext\">Dixitque Dominus ad Aaron: Tu, et filii tui, et domus patris tui tecum, portabitis iniquitatem sanctuarii: et tu et filii tui simul sustinebitis peccata sacerdotii vestri.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,4,18,2,&quot;Numbers&quot;)\">2<\/sup><span class=\"vtext\">Sed et fratres tuos de tribu Levi, et sceptrum patris tui sume tecum, præstoque sint, et ministrent tibi: tu autem et filii tui ministrabitis in tabernaculo testimonii.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,4,18,3,&quot;Numbers&quot;)\">3<\/sup><span class=\"vtext\">Excubabuntque Levitæ ad præcepta tua, et ad cuncta opera tabernaculi: ita dumtaxat ut ad vasa sanctuarii et ad altare non accedant, ne et illi moriantur, et vos pereatis simul.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,4,18,4,&quot;Numbers&quot;)\">4<\/sup><span class=\"vtext\">Sint autem tecum, et excubent in custodiis tabernaculi, et in omnibus cæremoniis ejus. Alienigena non miscebitur vobis.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,4,18,5,&quot;Numbers&quot;)\">5<\/sup><span class=\"vtext\">Excubate in custodia sanctuarii, et in ministerio altaris: ne oriatur indignatio super filios Israël.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,4,18,6,&quot;Numbers&quot;)\">6<\/sup><span class=\"vtext\">Ego dedi vobis fratres vestros Levitas de medio filiorum Israël, et tradidi donum Domino, ut serviant in ministeriis tabernaculi ejus.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,4,18,7,&quot;Numbers&quot;)\">7<\/sup><span class=\"vtext\">Tu autem et filii tui custodite sacerdotium vestrum: et omnia quæ ad cultum altaris pertinent, et intra velum sunt, per sacerdotes administrabuntur: si quis externus accesserit, occidetur.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,4,18,8,&quot;Numbers&quot;)\">8<\/sup><span class=\"vtext\">Locutusque est Dominus ad Aaron: Ecce dedi tibi custodiam primitiarum mearum. Omnia quæ sanctificantur a filiis Israël, tradidi tibi et filiis tuis pro officio sacerdotali legitima sempiterna.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,4,18,9,&quot;Numbers&quot;)\">9<\/sup><span class=\"vtext\">Hæc ergo accipies de his, quæ sanctificantur et oblata sunt Domino. Omnis oblatio, et sacrificium, et quidquid pro peccato atque delicto redditur mihi, et cedit in Sancta sanctorum, tuum erit, et filiorum tuorum.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,4,18,10,&quot;Numbers&quot;)\">10<\/sup><span class=\"vtext\">In sanctuario comedes illud: mares tantum edent ex eo, quia consecratum est tibi.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,4,18,11,&quot;Numbers&quot;)\">11<\/sup><span class=\"vtext\">Primitias autem, quas voverint et obtulerint filii Israël, tibi dedi, et filiis tuis, ac filiabus tuis, jure perpetuo: qui mundus est in domo tua, vescetur eis.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,4,18,12,&quot;Numbers&quot;)\">12<\/sup><span class=\"vtext\">Omnem medullam olei, et vini, ac frumenti, quidquid offerunt primitiarum Domino, tibi dedi.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,4,18,13,&quot;Numbers&quot;)\">13<\/sup><span class=\"vtext\">Universa frugum initia, quas gignit humus, et Domino deportantur, cedent in usus tuos: qui mundus est in domo tua, vescetur eis.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,4,18,14,&quot;Numbers&quot;)\">14<\/sup><span class=\"vtext\">Omne quod ex voto reddiderint filii Israël, tuum erit.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,4,18,15,&quot;Numbers&quot;)\">15<\/sup><span class=\"vtext\">Quidquid primum erumpit e vulva cunctæ carnis, quam offerunt Domino, sive ex hominibus, sive de pecoribus fuerit, tui juris erit: ita dumtaxat ut pro hominis primogenito pretium accipias, et omne animal quod immundum est redimi facias,<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,4,18,16,&quot;Numbers&quot;)\">16<\/sup><span class=\"vtext\">cujus redemptio erit post unum mensem, siclis argenti quinque, pondere sanctuarii. Siclus viginti obolos habet.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,4,18,17,&quot;Numbers&quot;)\">17<\/sup><span class=\"vtext\">Primogenitum autem bovis, et ovis, et capræ, non facies redimi, quia sanctificata sunt Domino. Sanguinem tantum eorum fundes super altare, et adipes adolebis in suavissimum odorem Domino.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,4,18,18,&quot;Numbers&quot;)\">18<\/sup><span class=\"vtext\">Carnes vero in usum tuum cedent, sicut pectusculum consecratum, et armus dexter: tua erunt.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,4,18,19,&quot;Numbers&quot;)\">19<\/sup><span class=\"vtext\">Omnes primitias sanctuarii, quas offerunt filii Israël Domino, tibi dedi, et filiis, ac filiabus tuis, jure perpetuo. Pactum salis est sempiternum coram Domino, tibi ac filiis tuis.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,4,18,20,&quot;Numbers&quot;)\">20<\/sup><span class=\"vtext\">Dixitque Dominus ad Aaron: In terra eorum nihil possidebitis, nec habebitis partem inter eos: ego pars et hæreditas tua in medio filiorum Israël.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,4,18,21,&quot;Numbers&quot;)\">21<\/sup><span class=\"vtext\">Filiis autem Levi dedi omnes decimas Israëlis in possessionem, pro ministerio, quo serviunt mihi in tabernaculo fœderis:<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,4,18,22,&quot;Numbers&quot;)\">22<\/sup><span class=\"vtext\">ut non accedant ultra filii Israël ad tabernaculum, nec committant peccatum mortiferum,<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,4,18,23,&quot;Numbers&quot;)\">23<\/sup><span class=\"vtext\">solis filiis Levi mihi in tabernaculo servientibus, et portantibus peccata populi. Legitimum sempiternum erit in generationibus vestris. Nihil aliud possidebunt,<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,4,18,24,&quot;Numbers&quot;)\">24<\/sup><span class=\"vtext\">decimarum oblatione contenti, quas in usus eorum et necessaria separavi.<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,4,18,25,&quot;Numbers&quot;)\">25<\/sup><span class=\"vtext\">Locutusque est Dominus ad Moysen, dicens:<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,4,18,26,&quot;Numbers&quot;)\">26<\/sup><span class=\"vtext\">Præcipe Levitis, atque denuntia: Cum acceperitis a filiis Israël decimas, quas dedi vobis, primitias earum offerte Domino, id est, decimam partem decimæ,<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,4,18,27,&quot;Numbers&quot;)\">27<\/sup><span class=\"vtext\">ut reputetur vobis in oblationem primitivorum, tam de areis quam de torcularibus:<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,4,18,28,&quot;Numbers&quot;)\">28<\/sup><span class=\"vtext\">et universis quorum accipitis primitias, offerte Domino, et date Aaron sacerdoti.<\/span> <\/p>\n<p class=\"verse-para\"><sup class=\"vnum\" data-v=\"29\" onclick=\"loadParallel(1,4,18,29,&quot;Numbers&quot;)\">29<\/sup><span class=\"vtext\">Omnia quæ offeretis ex decimis, et in donaria Domini separabitis, optima et electa erunt.<\/span> <\/p>\n<p class=\"verse-para\"><sup class=\"vnum\" data-v=\"30\" onclick=\"loadParallel(1,4,18,30,&quot;Numbers&quot;)\">30<\/sup><span class=\"vtext\">Dicesque ad eos: Si præclara et meliora quæque obtuleritis ex decimis, reputabitur vobis quasi de area, et torculari dederitis primitias:<\/span> <\/p>\n<p class=\"verse-para\"><sup class=\"vnum\" data-v=\"31\" onclick=\"loadParallel(1,4,18,31,&quot;Numbers&quot;)\">31<\/sup><span class=\"vtext\">et comedetis eas in omnibus locis vestris, tam vos quam familiæ vestræ: quia pretium est pro ministerio, quo servitis in tabernaculo testimonii.<\/span> <\/p>\n<p class=\"verse-para\"><sup class=\"vnum\" data-v=\"32\" onclick=\"loadParallel(1,4,18,32,&quot;Numbers&quot;)\">32<\/sup><span class=\"vtext\">Et non peccabitis super hoc, egregia vobis et pinguia reservantes, ne polluatis oblationes filiorum Israël, et moriamini.<\/span> <\/p>\n<div class=\"bottom-nav\"><a href=\"\/vulgate\/1\/4\/17\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/4\/19\" class=\"nav-btn-lg nav-ajax\">Next &rsaquo;<\/a><\/div>\n","page_title":"Numbers, Chapter 18 — Latin Vulgate","book_title":"Numbers","toolbar_title":"Numbers — Ch. 18","prev_url":"\/vulgate\/1\/4\/17","next_url":"\/vulgate\/1\/4\/19","tid":1,"book_id":4,"chapter":18,"num_chapters":36,"trans":"Vulgate","is_rtl":false,"strongs_data":{},"bsb_glosses":{},"book_name":"Numbers","canonical_url":"https:\/\/accept.gift\/vulgate\/1\/4\/18","meta_desc":"Dixitque Dominus ad Aaron: Tu, et filii tui, et domus patris tui tecum, portabitis iniquitatem sanctuarii: et tu et filii tui simul sustinebitis peccata sace…"}