{"reader_html":"

NumbersChapter 33<\/span><\/h1>\n

1<\/sup>Hæ sunt mansiones filiorum Israël, qui egressi sunt de Ægypto per turmas suas in manu Moysi et Aaron,<\/span> <\/p>\n

2<\/sup>quas descripsit Moyses juxta castrorum loca, quæ Domini jussione mutabant.<\/span> <\/p>\n

3<\/sup>Profecti igitur de Ramesse mense primo, quintadecima die mensis primi, altera die Phase, filii Israël in manu excelsa, videntibus cunctis Ægyptiis,<\/span> <\/p>\n

4<\/sup>et sepelientibus primogenitos, quos percusserat Dominus (nam et in diis eorum exercuerat ultionem),<\/span> <\/p>\n

5<\/sup>castrametati sunt in Soccoth.<\/span> <\/p>\n

6<\/sup>Et de Soccoth venerunt in Etham, quæ est in extremis finibus solitudinis.<\/span> <\/p>\n

7<\/sup>Inde egressi venerunt contra Phihahiroth, quæ respicit Beelsephon, et castrametati sunt ante Magdalum.<\/span> <\/p>\n

8<\/sup>Profectique de Phihahiroth, transierunt per medium mare in solitudinem: et ambulantes tribus diebus per desertum Etham, castrametati sunt in Mara.<\/span> <\/p>\n

9<\/sup>Profectique de Mara, venerunt in Elim, ubi erant duodecim fontes aquarum, et palmæ septuaginta: ibique castrametati sunt.<\/span> <\/p>\n

10<\/sup>Sed et inde egressi, fixerunt tentoria super mare Rubrum. Profectique de mari Rubro,<\/span> <\/p>\n

11<\/sup>castrametati sunt in deserto Sin.<\/span> <\/p>\n

12<\/sup>Unde egressi, venerunt in Daphca.<\/span> <\/p>\n

13<\/sup>Profectique de Daphca, castrametati sunt in Alus.<\/span> <\/p>\n

14<\/sup>Egressique de Alus, in Raphidim fixere tentoria, ubi populo defuit aqua ad bibendum.<\/span> <\/p>\n

15<\/sup>Profectique de Raphidim, castrametati sunt in deserto Sinai.<\/span> <\/p>\n

16<\/sup>Sed et de solitudine Sinai egressi, venerunt ad sepulchra concupiscentiæ.<\/span> <\/p>\n

17<\/sup>Profectique de sepulchris concupiscentiæ, castrametati sunt in Haseroth.<\/span> <\/p>\n

18<\/sup>Et de Haseroth venerunt in Rethma.<\/span> <\/p>\n

19<\/sup>Profectique de Rethma, castrametati sunt in Remmomphares.<\/span> <\/p>\n

20<\/sup>Unde egressi venerunt in Lebna.<\/span> <\/p>\n

21<\/sup>De Lebna castrametati sunt in Ressa.<\/span> <\/p>\n

22<\/sup>Egressique de Ressa, venerunt in Ceelatha.<\/span> <\/p>\n

23<\/sup>Unde profecti, castrametati sunt in monte Sepher.<\/span> <\/p>\n

24<\/sup>Egressi de monte Sepher, venerunt in Arada.<\/span> <\/p>\n

25<\/sup>Inde proficiscentes, castrametati sunt in Maceloth.<\/span> <\/p>\n

26<\/sup>Profectique de Maceloth, venerunt in Thahath.<\/span> <\/p>\n

27<\/sup>De Thahath, castrametati sunt in Thare.<\/span> <\/p>\n

28<\/sup>Unde egressi, fixere tentoria in Methca.<\/span> <\/p>\n

29<\/sup>Et de Methca, castrametati sunt in Hesmona.<\/span> <\/p>\n

30<\/sup>Profectique de Hesmona, venerunt in Moseroth.<\/span> <\/p>\n

31<\/sup>Et de Moseroth, castrametati sunt in Benejaacan.<\/span> <\/p>\n

32<\/sup>Profectique de Benejaacan, venerunt in montem Gadgad.<\/span> <\/p>\n

33<\/sup>Unde profecti, castrametati sunt in Jetebatha.<\/span> <\/p>\n

34<\/sup>Et de Jetebatha venerunt in Hebrona.<\/span> <\/p>\n

35<\/sup>Egressique de Hebrona, castrametati sunt in Asiongaber.<\/span> <\/p>\n

36<\/sup>Inde profecti, venerunt in desertum Sin, hæc est Cades.<\/span> <\/p>\n

37<\/sup>Egressique de Cades, castrametati sunt in monte Hor, in extremis finibus terræ Edom.<\/span> <\/p>\n

38<\/sup>Ascenditque Aaron sacerdos in montem Hor jubente Domino: et ibi mortuus est anno quadragesimo egressionis filiorum Israël ex Ægypto, mense quinto, prima die mensis,<\/span> <\/p>\n

39<\/sup>cum esset annorum centum viginti trium.<\/span> <\/p>\n

40<\/sup>Audivitque Chananæus rex Arad, qui habitabat ad meridiem, in terram Chanaan venisse filios Israël.<\/span> <\/p>\n

41<\/sup>Et profecti de monte Hor, castrametati sunt in Salmona.<\/span> <\/p>\n

42<\/sup>Unde egressi, venerunt in Phunon.<\/span> <\/p>\n

43<\/sup>Profectique de Phunon, castrametati sunt in Oboth.<\/span> <\/p>\n

44<\/sup>Et de Oboth venerunt in Ijeabarim, quæ est in finibus Moabitarum.<\/span> <\/p>\n

45<\/sup>Profectique de Ijeabarim, fixere tentoria in Dibongad.<\/span> <\/p>\n

46<\/sup>Unde egressi, castrametati sunt in Helmondeblathaim.<\/span> <\/p>\n

47<\/sup>Egressique de Helmondeblathaim, venerunt ad montes Abarim contra Nabo.<\/span> <\/p>\n

48<\/sup>Profectique de montibus Abarim, transierunt ad campestria Moab, supra Jordanem, contra Jericho.<\/span> <\/p>\n

49<\/sup>Ibique castrametati sunt de Bethsimoth usque ad Abelsatim in planioribus locis Moabitarum.<\/span> <\/p>\n

50<\/sup>Ubi locutus est Dominus ad Moysen:<\/span> <\/p>\n

51<\/sup>Præcipe filiis Israël, et dic ad eos: Quando transieritis Jordanem, intrantes terram Chanaan,<\/span> <\/p>\n

52<\/sup>disperdite cunctos habitatores terræ illius: confringite titulos, et statuas comminuite, atque omnia excelsa vastate,<\/span> <\/p>\n

53<\/sup>mundantes terram, et habitantes in ea. Ego enim dedi vobis illam in possessionem,<\/span> <\/p>\n

54<\/sup>quam dividetis vobis sorte. Pluribus dabitis latiorem, et paucis angustiorem. Singulis ut sors ceciderit, ita tribuetur hæreditas. Per tribus et familias possessio dividetur.<\/span> <\/p>\n

55<\/sup>Sin autem nolueritis interficere habitatores terræ: qui remanserint, erunt vobis quasi clavi in oculis, et lanceæ in lateribus, et adversabuntur vobis in terra habitationis vestræ:<\/span> <\/p>\n

56<\/sup>et quidquid illis cogitaveram facere, vobis faciam.<\/span> <\/p>\n

‹ Previous<\/a>Next ›<\/a><\/div>\n","page_title":"Numbers, Chapter 33 — Latin Vulgate","book_title":"Numbers","toolbar_title":"Numbers — Ch. 33","prev_url":"\/vulgate\/1\/4\/32","next_url":"\/vulgate\/1\/4\/34","tid":1,"book_id":4,"chapter":33,"num_chapters":36,"trans":"Vulgate","is_rtl":false,"strongs_data":{},"bsb_glosses":{},"book_name":"Numbers","canonical_url":"https:\/\/accept.gift\/vulgate\/1\/4\/33","meta_desc":"Hæ sunt mansiones filiorum Israël, qui egressi sunt de Ægypto per turmas suas in manu Moysi et Aaron, quas descripsit Moyses juxta castrorum loca, quæ Domini…"}