1<\/sup>Hæ sunt generationes Aaron et Moysi in die qua locutus est Dominus ad Moysen in monte Sinai.<\/span> <\/p>\n 2<\/sup>Et hæc nomina filiorum Aaron: primogenitus ejus Nadab, deinde Abiu, et Eleazar, et Ithamar.<\/span> <\/p>\n 3<\/sup>Hæc nomina filiorum Aaron sacerdotum qui uncti sunt, et quorum repletæ et consecratæ manus ut sacerdotio fungerentur.<\/span> <\/p>\n 4<\/sup>Mortui sunt enim Nadab et Abiu cum offerrent ignem alienum in conspectu Domini in deserto Sinai, absque liberis: functique sunt sacerdotio Eleazar et Ithamar coram Aaron patre suo.<\/span> <\/p>\n 5<\/sup>Locutusque est Dominus ad Moysen, dicens:<\/span> <\/p>\n 6<\/sup>Applica tribum Levi, et fac stare in conspectu Aaron sacerdotis ut ministrent ei, et excubent,<\/span> <\/p>\n 7<\/sup>et observent quidquid ad cultum pertinet multitudinis coram tabernaculo testimonii,<\/span> <\/p>\n 8<\/sup>et custodiant vasa tabernaculi, servientes in ministerio ejus.<\/span> <\/p>\n 9<\/sup>Dabisque dono Levitas<\/span> <\/p>\n 10<\/sup>Aaron et filiis ejus, quibus traditi sunt a filiis Israël. Aaron autem et filios ejus constitues super cultum sacerdotii. Externus, qui ad ministrandum accesserit, morietur.<\/span> <\/p>\n 11<\/sup>Locutusque est Dominus ad Moysen, dicens:<\/span> <\/p>\n 12<\/sup>Ego tuli Levitas a filiis Israël pro omni primogenito, qui aperit vulvam in filiis Israël, eruntque Levitæ mei.<\/span> <\/p>\n 13<\/sup>Meum est enim omne primogenitum: ex quo percussi primogenitos in terra Ægypti, sanctificavi mihi quidquid primum nascitur in Israël: ab homine usque ad pecus, mei sunt. Ego Dominus.<\/span> <\/p>\n 14<\/sup>Locutusque est Dominus ad Moysen in deserto Sinai, dicens:<\/span> <\/p>\n 15<\/sup>Numera filios Levi per domos patrum suorum et familias, omnem masculum ab uno mense et supra.<\/span> <\/p>\n 16<\/sup>Numeravit Moyses, ut præceperat Dominus,<\/span> <\/p>\n 17<\/sup>et inventi sunt filii Levi per nomina sua, Gerson et Caath et Merari.<\/span> <\/p>\n 18<\/sup>Filii Gerson: Lebni et Semei.<\/span> <\/p>\n 19<\/sup>Filii Caath: Amram et Jesaar, Hebron et Oziel.<\/span> <\/p>\n 20<\/sup>Filii Merari: Moholi et Musi.<\/span> <\/p>\n 21<\/sup>De Gerson fuere familiæ duæ, Lebnitica, et Semeitica:<\/span> <\/p>\n 22<\/sup>quarum numeratus est populus sexus masculini ab uno mense et supra, septem millia quingenti.<\/span> <\/p>\n 23<\/sup>Hi post tabernaculum metabuntur ad occidentem,<\/span> <\/p>\n 24<\/sup>sub principe Eliasaph filio Laël.<\/span> <\/p>\n 25<\/sup>Et habebunt excubias in tabernaculo fœderis,<\/span> <\/p>\n 26<\/sup>ipsum tabernaculum et operimentum ejus, tentorium quod trahitur ante fores tecti fœderis, et cortinas atrii: tentorium quoque quod appenditur in introitu atrii tabernaculi, et quidquid ad ritum altaris pertinet, funes tabernaculi et omnia utensilia ejus.<\/span> <\/p>\n 27<\/sup>Cognatio Caath habebit populos Amramitas et Jesaaritas et Hebronitas et Ozielitas. Hæ sunt familiæ Caathitarum recensitæ per nomina sua.<\/span> <\/p>\n 28<\/sup>Omnes generis masculini ab uno mense et supra, octo millia sexcenti habebunt excubias sanctuarii,<\/span> <\/p>\n 29<\/sup>et castrametabuntur ad meridianam plagam.<\/span> <\/p>\n 30<\/sup>Princepsque eorum erit Elisaphan filius Oziel:<\/span> <\/p>\n 31<\/sup>et custodient arcam, mensamque et candelabrum, altaria et vasa sanctuarii, in quibus ministratur, et velum, cunctamque hujuscemodi supellectilem.<\/span> <\/p>\n 32<\/sup>Princeps autem principum Levitarum Eleazar filius Aaron sacerdotis, erit super excubitores custodiæ sanctuarii.<\/span> <\/p>\n 33<\/sup>At vero de Merari erunt populi Moholitæ et Musitæ recensiti per nomina sua:<\/span> <\/p>\n 34<\/sup>omnes generis masculini ab uno mense et supra, sex millia ducenti.<\/span> <\/p>\n 35<\/sup>Princeps eorum Suriel filius Abihaiel: in plaga septentrionali castrametabuntur.<\/span> <\/p>\n 36<\/sup>Erunt sub custodia eorum tabulæ tabernaculi et vectes, et columnæ ac bases earum, et omnia quæ ad cultum hujuscemodi pertinent:<\/span> <\/p>\n 37<\/sup>columnæque atrii per circuitum cum basibus suis, et paxilli cum funibus.<\/span> <\/p>\n 38<\/sup>Castrametabuntur ante tabernaculum fœderis, id est, ad orientalem plagam, Moyses et Aaron cum filiis suis, habentes custodiam sanctuarii in medio filiorum Israël. Quisquis alienus accesserit, morietur.<\/span> <\/p>\n 39<\/sup>Omnes Levitæ, quos numeraverunt Moyses et Aaron juxta præceptum Domini per familias suas in genere masculino a mense uno et supra, fuerunt viginti duo millia.<\/span> <\/p>\n 40<\/sup>Et ait Dominus ad Moysen: Numera primogenitos sexus masculini de filiis Israël ab uno mense et supra, et habebis summam eorum.<\/span> <\/p>\n 41<\/sup>Tollesque Levitas mihi pro omni primogenito filiorum Israël: ego sum Dominus: et pecora eorum pro universis primogenitis pecorum filiorum Israël.<\/span> <\/p>\n 42<\/sup>Recensuit Moyses, sicut præceperat Dominus, primogenitos filiorum Israël:<\/span> <\/p>\n 43<\/sup>et fuerunt masculi per nomina sua, a mense uno et supra, viginti duo millia ducenti septuaginta tres.<\/span> <\/p>\n 44<\/sup>Locutusque est Dominus ad Moysen, dicens:<\/span> <\/p>\n 45<\/sup>Tolle Levitas pro primogenitis filiorum Israël, et pecora Levitarum pro pecoribus eorum, eruntque Levitæ mei. Ego sum Dominus.<\/span> <\/p>\n 46<\/sup>In pretio autem ducentorum septuaginta trium, qui excedunt numerum Levitarum de primogenitis filiorum Israël,<\/span> <\/p>\n 47<\/sup>accipies quinque siclos per singula capita ad mensuram sanctuarii (siclus habet viginti obolos):<\/span> <\/p>\n 48<\/sup>dabisque pecuniam Aaron et filiis ejus pretium eorum qui supra sunt.<\/span> <\/p>\n 49<\/sup>Tulit igitur Moyses pecuniam eorum, qui fuerant amplius, et quos redemerant a Levitis,<\/span> <\/p>\n 50<\/sup>pro primogenitis filiorum Israël, mille trecentorum sexaginta quinque siclorum juxta pondus sanctuarii:<\/span> <\/p>\n 51<\/sup>et dedit eam Aaron et filiis ejus juxta verbum quod præceperat sibi Dominus.<\/span> <\/p>\n