1<\/sup>Filii estote Domini Dei vestri: non vos incidetis, nec facietis calvitium super mortuo:<\/span> <\/p>\n 2<\/sup>quoniam populus sanctus es Domino Deo tuo, et te elegit ut sis ei in populum peculiarem de cunctis gentibus, quæ sunt super terram.<\/span> <\/p>\n 3<\/sup>Ne comedatis quæ immunda sunt.<\/span> <\/p>\n 4<\/sup>Hoc est animal quod comedere debetis: bovem, et ovem, et capram,<\/span> <\/p>\n 5<\/sup>cervum et capream, bubalum, tragelaphum, pygargum, orygem, camelopardalum.<\/span> <\/p>\n 6<\/sup>Omne animal, quod in duas partes findit ungulam, et ruminat, comedetis.<\/span> <\/p>\n 7<\/sup>De his autem, quæ ruminant, et ungulam non findunt, comedere non debetis, ut camelum, leporem, chœrogryllum: hæc, quia ruminant et non dividunt ungulam, immunda erunt vobis.<\/span> <\/p>\n 8<\/sup>Sus quoque, quoniam dividat ungulam et non ruminat, immunda erit. Carnibus eorum non vescemini, et cadavera non tangetis.<\/span> <\/p>\n 9<\/sup>Hæc comedetis ex omnibus quæ morantur in aquis: quæ habent pinnulas et squamas, comedite:<\/span> <\/p>\n 10<\/sup>quæ absque pinnulis et squamis sunt, ne comedatis, quia immunda sunt.<\/span> <\/p>\n 11<\/sup>Omnes aves mundas comedite.<\/span> <\/p>\n 12<\/sup>Immundas ne comedatis: aquilam scilicet, et gryphem, et haliæetum,<\/span> <\/p>\n 13<\/sup>ixion et vulturem ac milvum juxta genus suum:<\/span> <\/p>\n 14<\/sup>et omne corvini generis,<\/span> <\/p>\n 15<\/sup>et struthionem, ac noctuam, et larum, atque accipitrem juxta genus suum:<\/span> <\/p>\n 16<\/sup>herodium ac cygnum, et ibin,<\/span> <\/p>\n 17<\/sup>ac mergulum, porphyrionem, et nycticoracem,<\/span> <\/p>\n 18<\/sup>onocrotalum, et charadrium, singula in genere suo: upupam quoque et vespertilionem.<\/span> <\/p>\n 19<\/sup>Et omne quod reptat et pennulas habet, immundum erit, et non comedetur.<\/span> <\/p>\n 20<\/sup>Omne quod mundum est, comedite.<\/span> <\/p>\n 21<\/sup>Quidquid autem morticinum est, ne vescamini ex eo. Peregrino, qui intra portas tuas est, da ut comedat, aut vende ei: quia tu populus sanctus Domini Dei tui es. Non coques hædum in lacte matris suæ.<\/span> <\/p>\n 22<\/sup>Decimam partem separabis de cunctis fructibus tuis qui nascuntur in terra per annos singulos,<\/span> <\/p>\n 23<\/sup>et comedes in conspectu Domini Dei tui in loco quem elegerit, ut in eo nomen illius invocetur, decimam frumenti tui, et vini, et olei, et primogenita de armentis et ovibus tuis: ut discas timere Dominum Deum tuum omni tempore.<\/span> <\/p>\n 24<\/sup>Cum autem longior fuerit via, et locus quem elegerit Dominus Deus tuus, tibique benedixerit, nec potueris ad eum hæc cuncta portare,<\/span> <\/p>\n 25<\/sup>vendes omnia, et in pretium rediges, portabisque manu tua, et proficisceris ad locum quem elegerit Dominus Deus tuus:<\/span> <\/p>\n 26<\/sup>et emes ex eadem pecunia quidquid tibi placuerit, sive ex armentis, sive ex ovibus, vinum quoque et siceram, et omne quod desiderat anima tua: et comedes coram Domino Deo tuo, et epulaberis tu et domus tua:<\/span> <\/p>\n 27<\/sup>et Levites qui intra portas tuas est, cave ne derelinquas eum, quia non habet aliam partem in possessione tua.<\/span> <\/p>\n 28<\/sup>Anno tertio separabis aliam decimam ex omnibus quæ nascuntur tibi eo tempore, et repones intra januas tuas.<\/span> <\/p>\n 29<\/sup>Venietque Levites qui aliam non habet partem nec possessionem tecum, et peregrinus ac pupillus et vidua, qui intra portas tuas sunt, et comedent et saturabuntur: ut benedicat tibi Dominus Deus tuus in cunctis operibus manuum tuarum quæ feceris.<\/span> <\/p>\n