1<\/sup>Non habebunt sacerdotes et Levitæ, et omnes qui de eadem tribu sunt, partem et hæreditatem cum reliquo Israël, quia sacrificia Domini, et oblationes ejus comedent,<\/span> <\/p>\n 2<\/sup>et nihil aliud accipient de possessione fratrum suorum: Dominus enim ipse est hæreditas eorum, sicut locutus est illis.<\/span> <\/p>\n 3<\/sup>Hoc erit judicium sacerdotum a populo, et ab his qui offerunt victimas: sive bovem, sive ovem immolaverint, dabunt sacerdoti armum ac ventriculum:<\/span> <\/p>\n 4<\/sup>primitias frumenti, vini, et olei, et lanarum partem ex ovium tonsione.<\/span> <\/p>\n 5<\/sup>Ipsum enim elegit Dominus Deus tuus de cunctis tribubus tuis, ut stet, et ministret nomini Domini, ipse, et filii ejus in sempiternum.<\/span> <\/p>\n 6<\/sup>Si exierit Levites ex una urbium tuarum ex omni Israël in qua habitat, et voluerit venire, desiderans locum quem elegerit Dominus,<\/span> <\/p>\n 7<\/sup>ministrabit in nomine Domini Dei sui, sicut omnes fratres ejus Levitæ, qui stabunt eo tempore coram Domino.<\/span> <\/p>\n 8<\/sup>Partem ciborum eamdem accipiet, quam et ceteri: excepto eo, quod in urbe sua ex paterna ei successione debetur.<\/span> <\/p>\n 9<\/sup>Quando ingressus fueris terram, quam Dominus Deus tuus dabit tibi, cave ne imitari velis abominationes illarum gentium.<\/span> <\/p>\n 10<\/sup>Nec inveniatur in te qui lustret filium suum, aut filiam, ducens per ignem: aut qui ariolos sciscitetur, et observet somnia atque auguria, nec sit maleficus,<\/span> <\/p>\n 11<\/sup>nec incantator, nec qui pythones consulat, nec divinos, aut quærat a mortuis veritatem.<\/span> <\/p>\n 12<\/sup>Omnia enim hæc abominatur Dominus, et propter istiusmodi scelera delebit eos in introitu tuo.<\/span> <\/p>\n 13<\/sup>Perfectus eris, et absque macula cum Domino Deo tuo.<\/span> <\/p>\n 14<\/sup>Gentes istæ, quarum possidebis terram, augures et divinos audiunt: tu autem a Domino Deo tuo aliter institutus es.<\/span> <\/p>\n 15<\/sup>Prophetam de gente tua et de fratribus tuis, sicut me, suscitabit tibi Dominus Deus tuus: ipsum audies,<\/span> <\/p>\n 16<\/sup>ut petisti a Domino Deo tuo in Horeb, quando concio congregata est, atque dixisti: Ultra non audiam vocem Domini Dei mei, et ignem hunc maximum amplius non videbo, ne moriar.<\/span> <\/p>\n 17<\/sup>Et ait Dominus mihi: Bene omnia sunt locuti.<\/span> <\/p>\n 18<\/sup>Prophetam suscitabo eis de medio fratrum suorum similem tui: et ponam verba mea in ore ejus, loqueturque ad eos omnia quæ præcepero illi.<\/span> <\/p>\n 19<\/sup>Qui autem verba ejus, quæ loquetur in nomine meo, audire noluerit, ego ultor existam.<\/span> <\/p>\n 20<\/sup>Propheta autem qui arrogantia depravatus voluerit loqui in nomine meo, quæ ego non præcepi illi ut diceret, aut ex nomine alienorum deorum, interficietur.<\/span> <\/p>\n 21<\/sup>Quod si tacita cogitatione responderis: Quomodo possum intelligere verbum, quod Dominus non est locutus?<\/span> <\/p>\n 22<\/sup>hoc habebis signum: quod in nomine Domini propheta ille prædixerit, et non evenerit: hoc Dominus non est locutus, sed per tumorem animi sui propheta confinxit: et idcirco non timebis eum.<\/span> <\/p>\n