1<\/sup>Non intravit eunuchus, attritis vel amputatis testiculis et abscisso veretro, ecclesiam Domini.<\/span> <\/p>\n 2<\/sup>Non ingredietur mamzer, hoc est, de scorto natus, in ecclesiam Domini, usque ad decimam generationem.<\/span> <\/p>\n 3<\/sup>Ammonites et Moabites etiam post decimam generationem non intrabunt ecclesiam Domini in æternum:<\/span> <\/p>\n 4<\/sup>quia noluerunt vobis occurrere cum pane et aqua in via quando egressi estis de Ægypto: et quia conduxerunt contra te Balaam filium Beor de Mesopotamia Syriæ, ut malediceret tibi:<\/span> <\/p>\n 5<\/sup>et noluit Dominus Deus tuus audire Balaam, vertitque maledictionem ejus in benedictionem tuam, eo quod diligeret te.<\/span> <\/p>\n 6<\/sup>Non facies cum eis pacem, nec quæras eis bona cunctis diebus vitæ tuæ in sempiternum.<\/span> <\/p>\n 7<\/sup>Non abominaberis Idumæum, quia frater tuus est: nec Ægyptium, quia advena fuisti in terra ejus.<\/span> <\/p>\n 8<\/sup>Qui nati fuerint ex eis, tertia generatione intrabunt in ecclesiam Domini.<\/span> <\/p>\n 9<\/sup>Quando egressus fueris adversus hostes tuos in pugnam, custodies te ab omni re mala.<\/span> <\/p>\n 10<\/sup>Si fuerit inter vos homo, qui nocturno pollutus sit somnio, egredietur extra castra,<\/span> <\/p>\n 11<\/sup>et non revertetur, priusquam ad vesperam lavetur aqua: et post solis occasum regredietur in castra.<\/span> <\/p>\n 12<\/sup>Habebis locum extra castra, ad quem egrediaris ad requisita naturæ,<\/span> <\/p>\n 13<\/sup>gerens paxillum in balteo: cumque sederis, fodies per circuitum, et egesta humo operies<\/span> <\/p>\n 14<\/sup>quo revelatus es: Dominus enim Deus tuus ambulat in medio castrorum, ut eruat te, et tradat tibi inimicos tuos: et sint castra tua sancta, et nihil in eis appareat fœditatis, ne derelinquat te.<\/span> <\/p>\n 15<\/sup>Non trades servum domino suo, qui ad te confugerit.<\/span> <\/p>\n 16<\/sup>Habitabit tecum in loco, qui ei placuerit, et in una urbium tuarum requiescet: ne contristes eum.<\/span> <\/p>\n 17<\/sup>Non erit meretrix de filiabus Israël, nec scortator de filiis Israël.<\/span> <\/p>\n 18<\/sup>Non offeres mercedem prostibuli, nec pretium canis in domo Domini Dei tui, quidquid illud est quod voveris: quia abominatio est utrumque apud Dominum Deum tuum.<\/span> <\/p>\n 19<\/sup>Non fœnerabis fratri tuo ad usuram pecuniam, nec fruges, nec quamlibet aliam rem:<\/span> <\/p>\n 20<\/sup>sed alieno. Fratri autem tuo absque usura id quo indiget, commodabis: ut benedicat tibi Dominus Deus tuus in omni opere tuo in terra, ad quam ingredieris possidendam.<\/span> <\/p>\n 21<\/sup>Cum votum voveris Domino Deo tuo, non tardabis reddere: quia requiret illud Dominus Deus tuus, et si moratus fueris, reputabitur tibi in peccatum.<\/span> <\/p>\n 22<\/sup>Si nolueris polliceri, absque peccato eris.<\/span> <\/p>\n 23<\/sup>Quod autem semel egressum est de labiis tuis, observabis, et facies sicut promisisti Domino Deo tuo, et propria voluntate et ore tuo locutus es.<\/span> <\/p>\n 24<\/sup>Ingressus vineam proximi tui, comede uvas, quantum tibi placuerit: foras autem ne efferas tecum.<\/span> <\/p>\n 25<\/sup>Si intraveris in segetem amici tui, franges spicas, et manu conteres: falce autem non metes.<\/span> <\/p>\n