{"reader_html":"<h1 class=\"chapter-heading\">Joshua<span class=\"chapter-label\">Chapter 10<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,6,10,1,&quot;Joshua&quot;)\">1<\/sup><span class=\"vtext\">Quæ cum audisset Adonisedec rex Jerusalem, quod scilicet cepisset Josue Hai, et subvertisset eam (sicut enim fecerat Jericho et regi ejus, sic fecit Hai et regi illius), et quod transfugissent Gabaonitæ ad Israël, et essent fœderati eorum,<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,6,10,2,&quot;Joshua&quot;)\">2<\/sup><span class=\"vtext\">timuit valde. Urbs enim magna erat Gabaon, et una civitatum regalium, et major oppido Hai, omnesque bellatores ejus fortissimi.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,6,10,3,&quot;Joshua&quot;)\">3<\/sup><span class=\"vtext\">Misit ergo Adonisedec rex Jerusalem ad Oham regem Hebron, et ad Pharam regem Jerimoth, ad Japhia quoque regem Lachis, et ad Dabir regem Eglon, dicens:<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,6,10,4,&quot;Joshua&quot;)\">4<\/sup><span class=\"vtext\">Ad me ascendite, et ferte præsidium, ut expugnemus Gabaon, quare transfugerit ad Josue, et ad filios Israël.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,6,10,5,&quot;Joshua&quot;)\">5<\/sup><span class=\"vtext\">Congregati igitur ascenderunt quinque reges Amorrhæorum: rex Jerusalem, rex Hebron, rex Jerimoth, rex Lachis, rex Eglon, simul cum exercitibus suis: et castrametati sunt circa Gabaon, oppugnantes eam.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,6,10,6,&quot;Joshua&quot;)\">6<\/sup><span class=\"vtext\">Habitatores autem Gabaon urbis obsessæ miserunt ad Josue, qui tunc morabatur in castris apud Galgalam, et dixerunt ei: Ne retrahas manus tuas ab auxilio servorum tuorum: ascende cito, et libera nos, ferque præsidium: convenerunt enim adversum nos omnes reges Amorrhæorum, qui habitant in montanis.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,6,10,7,&quot;Joshua&quot;)\">7<\/sup><span class=\"vtext\">Ascenditque Josue de Galgalis, et omnis exercitus bellatorum cum eo, viri fortissimi.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,6,10,8,&quot;Joshua&quot;)\">8<\/sup><span class=\"vtext\">Dixitque Dominus ad Josue: Ne timeas eos: in manus enim tuas tradidi illos: nullus ex eis tibi resistere poterit.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,6,10,9,&quot;Joshua&quot;)\">9<\/sup><span class=\"vtext\">Irruit itaque Josue super eos repente, tota nocte ascendens de Galgalis.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,6,10,10,&quot;Joshua&quot;)\">10<\/sup><span class=\"vtext\">Et conturbavit eos Dominus a facie Israël: contrivitque plaga magna in Gabaon, ac persecutus est eos per viam ascensus Bethoron, et percussit usque Azeca et Maceda.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,6,10,11,&quot;Joshua&quot;)\">11<\/sup><span class=\"vtext\">Cumque fugerent filios Israël, et essent in descensu Bethoron, Dominus misit super eos lapides magnos de cælo usque ad Azeca: et mortui sunt multo plures lapidibus grandinis, quam quos gladio percusserant filii Israël.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,6,10,12,&quot;Joshua&quot;)\">12<\/sup><span class=\"vtext\">Tunc locutus est Josue Domino, in die qua tradidit Amorrhæum in conspectu filiorum Israël, dixitque coram eis: Sol, contra Gabaon ne movearis, et luna contra vallem Ajalon.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,6,10,13,&quot;Joshua&quot;)\">13<\/sup><span class=\"vtext\">Steteruntque sol et luna, donec ulcisceretur se gens de inimicis suis. Nonne scriptum est hoc in libro justorum? Stetit itaque sol in medio cæli, et non festinavit occumbere spatio unius diei.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,6,10,14,&quot;Joshua&quot;)\">14<\/sup><span class=\"vtext\">Non fuit antea nec postea tam longa dies, obediente Domino voci hominis, et pugnante pro Israël.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,6,10,15,&quot;Joshua&quot;)\">15<\/sup><span class=\"vtext\">Reversusque est Josue cum omni Israël in castra Galgalæ.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,6,10,16,&quot;Joshua&quot;)\">16<\/sup><span class=\"vtext\">Fugerant enim quinque reges et se absconderant in spelunca urbis Maceda.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,6,10,17,&quot;Joshua&quot;)\">17<\/sup><span class=\"vtext\">Nuntiatumque est Josue quod inventi essent quinque reges latentes in spelunca urbis Maceda.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,6,10,18,&quot;Joshua&quot;)\">18<\/sup><span class=\"vtext\">Qui præcepit sociis, et ait: Volvite saxa ingentia ad os speluncæ, et ponite viros industrios, qui clausos custodiant:<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,6,10,19,&quot;Joshua&quot;)\">19<\/sup><span class=\"vtext\">vos autem nolite stare, sed persequimini hostes, et extremos quosque fugientium cædite: nec dimittatis eos urbium suarum intrare præsidia, quos tradidit Dominus Deus in manus vestras.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,6,10,20,&quot;Joshua&quot;)\">20<\/sup><span class=\"vtext\">Cæsis ergo adversariis plaga magna, et usque ad internecionem pene consumptis, hi qui Israël effugere potuerunt, ingressi sunt civitates munitas.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,6,10,21,&quot;Joshua&quot;)\">21<\/sup><span class=\"vtext\">Reversusque est omnis exercitus ad Josue in Maceda, ubi tunc erant castra, sani et integro numero: nullusque contra filios Israël mutire ausus est.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,6,10,22,&quot;Joshua&quot;)\">22<\/sup><span class=\"vtext\">Præcepitque Josue, dicens: Aperite os speluncæ, et producite ad me quinque reges, qui in ea latitant.<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,6,10,23,&quot;Joshua&quot;)\">23<\/sup><span class=\"vtext\">Feceruntque ministri ut sibi fuerat imperatum: et eduxerunt ad eum quinque reges de spelunca, regem Jerusalem, regem Hebron, regem Jerimoth, regem Lachis, regem Eglon.<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,6,10,24,&quot;Joshua&quot;)\">24<\/sup><span class=\"vtext\">Cumque educti essent ad eum, vocavit omnes viros Israël, et ait ad principes exercitus qui secum erant: Ite, et ponite pedes super colla regum istorum. Qui cum perrexissent, et subjectorum colla pedibus calcarent,<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,6,10,25,&quot;Joshua&quot;)\">25<\/sup><span class=\"vtext\">rursum ait ad eos: Nolite timere, nec paveatis: confortamini, et estote robusti: sic enim faciet Dominus cunctis hostibus vestris, adversum quos dimicatis.<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,6,10,26,&quot;Joshua&quot;)\">26<\/sup><span class=\"vtext\">Percussitque Josue, et interfecit eos, atque suspendit super quinque stipites: fueruntque suspensi usque ad vesperum.<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,6,10,27,&quot;Joshua&quot;)\">27<\/sup><span class=\"vtext\">Cumque occumberet sol, præcepit sociis ut deponerent eos de patibulis. Qui depositos projecerunt in speluncam in qua latuerant, et posuerunt super os ejus saxa ingentia, quæ permanent usque in præsens.<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,6,10,28,&quot;Joshua&quot;)\">28<\/sup><span class=\"vtext\">Eodem quoque die, Macedam cepit Josue, et percussit eam in ore gladii, regemque illius interfecit, et omnes habitatores ejus: non dimisit in ea saltem parvas reliquias. Fecitque regi Maceda sicut fecerat regi Jericho.<\/span> <\/p>\n<p class=\"verse-para\"><sup class=\"vnum\" data-v=\"29\" onclick=\"loadParallel(1,6,10,29,&quot;Joshua&quot;)\">29<\/sup><span class=\"vtext\">Transivit autem cum omni Israël de Maceda in Lebna, et pugnabat contra eam:<\/span> <\/p>\n<p class=\"verse-para\"><sup class=\"vnum\" data-v=\"30\" onclick=\"loadParallel(1,6,10,30,&quot;Joshua&quot;)\">30<\/sup><span class=\"vtext\">quam tradidit Dominus cum rege suo in manus Israël: percusseruntque urbem in ore gladii, et omnes habitatores ejus: non dimiserunt in ea ullas reliquias. Feceruntque regi Lebna sicut fecerant regi Jericho.<\/span> <\/p>\n<p class=\"verse-para\"><sup class=\"vnum\" data-v=\"31\" onclick=\"loadParallel(1,6,10,31,&quot;Joshua&quot;)\">31<\/sup><span class=\"vtext\">De Lebna transivit in Lachis cum omni Israël: et exercitu per gyrum disposito, oppugnabat eam.<\/span> <\/p>\n<p class=\"verse-para\"><sup class=\"vnum\" data-v=\"32\" onclick=\"loadParallel(1,6,10,32,&quot;Joshua&quot;)\">32<\/sup><span class=\"vtext\">Tradiditque Dominus Lachis in manus Israël, et cepit eam die altero, atque percussit in ore gladii, omnemque animam quæ fuerat in ea, sicut fecerat Lebna.<\/span> <\/p>\n<p class=\"verse-para\"><sup class=\"vnum\" data-v=\"33\" onclick=\"loadParallel(1,6,10,33,&quot;Joshua&quot;)\">33<\/sup><span class=\"vtext\">Eo tempore ascendit Horam rex Gazer, ut auxiliaretur Lachis: quem percussit Josue cum omni populo ejus usque ad internecionem.<\/span> <\/p>\n<p class=\"verse-para\"><sup class=\"vnum\" data-v=\"34\" onclick=\"loadParallel(1,6,10,34,&quot;Joshua&quot;)\">34<\/sup><span class=\"vtext\">Transivitque de Lachis in Eglon, et circumdedit,<\/span> <\/p>\n<p class=\"verse-para\"><sup class=\"vnum\" data-v=\"35\" onclick=\"loadParallel(1,6,10,35,&quot;Joshua&quot;)\">35<\/sup><span class=\"vtext\">atque expugnavit eam eadem die: percussitque in ore gladii omnes animas quæ erant in ea, juxta omnia quæ fecerat Lachis.<\/span> <\/p>\n<p class=\"verse-para\"><sup class=\"vnum\" data-v=\"36\" onclick=\"loadParallel(1,6,10,36,&quot;Joshua&quot;)\">36<\/sup><span class=\"vtext\">Ascendit quoque cum omni Israël de Eglon in Hebron, et pugnavit contra eam:<\/span> <\/p>\n<p class=\"verse-para\"><sup class=\"vnum\" data-v=\"37\" onclick=\"loadParallel(1,6,10,37,&quot;Joshua&quot;)\">37<\/sup><span class=\"vtext\">cepit eam, et percussit in ore gladii, regem quoque ejus, et omnia oppida regionis illius, universasque animas quæ in ea fuerant commoratæ: non reliquit in ea ullas reliquias: sicut fecerat Eglon, sic fecit et Hebron, cuncta quæ in ea reperit consumens gladio.<\/span> <\/p>\n<p class=\"verse-para\"><sup class=\"vnum\" data-v=\"38\" onclick=\"loadParallel(1,6,10,38,&quot;Joshua&quot;)\">38<\/sup><span class=\"vtext\">Inde reversus in Dabir,<\/span> <\/p>\n<p class=\"verse-para\"><sup class=\"vnum\" data-v=\"39\" onclick=\"loadParallel(1,6,10,39,&quot;Joshua&quot;)\">39<\/sup><span class=\"vtext\">cepit eam atque vastavit: regem quoque ejus atque omnia per circuitum oppida percussit in ore gladii: non dimisit in ea ullas reliquias: sicut fecerat Hebron et Lebna et regibus earum, sic fecit Dabir et regi illius.<\/span> <\/p>\n<p class=\"verse-para\"><sup class=\"vnum\" data-v=\"40\" onclick=\"loadParallel(1,6,10,40,&quot;Joshua&quot;)\">40<\/sup><span class=\"vtext\">Percussit itaque Josue omnem terram montanam et meridianam atque campestrem, et Asedoth, cum regibus suis: non dimisit in ea ullas reliquias, sed omne quod spirare poterat interfecit, sicut præceperat ei Dominus Deus Israël,<\/span> <\/p>\n<p class=\"verse-para\"><sup class=\"vnum\" data-v=\"41\" onclick=\"loadParallel(1,6,10,41,&quot;Joshua&quot;)\">41<\/sup><span class=\"vtext\">a Cadesbarne usque Gazam. Omnem terram Gosen usque Gabaon,<\/span> <\/p>\n<p class=\"verse-para\"><sup class=\"vnum\" data-v=\"42\" onclick=\"loadParallel(1,6,10,42,&quot;Joshua&quot;)\">42<\/sup><span class=\"vtext\">universosque reges, et regiones eorum uno impetu cepit atque vastavit: Dominus enim Deus Israël pugnavit pro eo.<\/span> <\/p>\n<p class=\"verse-para\"><sup class=\"vnum\" data-v=\"43\" onclick=\"loadParallel(1,6,10,43,&quot;Joshua&quot;)\">43<\/sup><span class=\"vtext\">Reversusque est cum omni Israël ad locum castrorum in Galgala.<\/span> <\/p>\n<div class=\"bottom-nav\"><a href=\"\/vulgate\/1\/6\/9\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/6\/11\" class=\"nav-btn-lg nav-ajax\">Next &rsaquo;<\/a><\/div>\n","page_title":"Joshua, Chapter 10 — Latin Vulgate","book_title":"Joshua","toolbar_title":"Joshua — Ch. 10","prev_url":"\/vulgate\/1\/6\/9","next_url":"\/vulgate\/1\/6\/11","tid":1,"book_id":6,"chapter":10,"num_chapters":24,"trans":"Vulgate","is_rtl":false,"strongs_data":{},"bsb_glosses":{},"book_name":"Joshua","canonical_url":"https:\/\/accept.gift\/vulgate\/1\/6\/10","meta_desc":"Quæ cum audisset Adonisedec rex Jerusalem, quod scilicet cepisset Josue Hai, et subvertisset eam (sicut enim fecerat Jericho et regi ejus, sic fecit Hai et r…"}