{"reader_html":"<h1 class=\"chapter-heading\">Judges<span class=\"chapter-label\">Chapter 18<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,7,18,1,&quot;Judges&quot;)\">1<\/sup><span class=\"vtext\">In diebus illis non erat rex in Israël, et tribus Dan quærebat possessionem sibi, ut habitaret in ea: usque ad illum enim diem inter ceteras tribus sortem non acceperat.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,7,18,2,&quot;Judges&quot;)\">2<\/sup><span class=\"vtext\">Miserunt ergo filii Dan stirpis et familiæ suæ quinque viros fortissimos de Saraa et Esthaol, ut explorarent terram, et diligenter inspicerent: dixeruntque eis: Ite, et considerate terram. Qui cum pergentes venissent in montem Ephraim, et intrassent domum Michæ, requieverunt ibi:<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,7,18,3,&quot;Judges&quot;)\">3<\/sup><span class=\"vtext\">et agnoscentes vocem adolescentis Levitæ, utentesque illius diversorio, dixerunt ad eum: Quis te huc adducit? quid hic agis? quam ob causam huc venire voluisti?<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,7,18,4,&quot;Judges&quot;)\">4<\/sup><span class=\"vtext\">Qui respondit eis: Hæc et hæc præstitit mihi Michas, et me mercede conduxit, ut sim ei sacerdos.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,7,18,5,&quot;Judges&quot;)\">5<\/sup><span class=\"vtext\">Rogaverunt autem eum ut consuleret Dominum ut scire possent an prospero itinere pergerent, et res haberet effectum.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,7,18,6,&quot;Judges&quot;)\">6<\/sup><span class=\"vtext\">Qui respondit eis: Ite in pace: Dominus respicit viam vestram, et iter quo pergitis.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,7,18,7,&quot;Judges&quot;)\">7<\/sup><span class=\"vtext\">Euntes igitur quinque viri venerunt Lais: videruntque populum habitantem in ea absque ullo timore, juxta consuetudinem Sidoniorum, securum et quietum, nullo ei penitus resistente, magnarumque opum, et procul a Sidone atque a cunctis hominibus separatum.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,7,18,8,&quot;Judges&quot;)\">8<\/sup><span class=\"vtext\">Reversique ad fratres suos in Saraa et Esthaol, et quid egissent sciscitantibus responderunt:<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,7,18,9,&quot;Judges&quot;)\">9<\/sup><span class=\"vtext\">Surgite, ascendamus ad eos: vidimus enim terram valde opulentam et uberem. Nolite negligere, nolite cessare: eamus, et possideamus eam: nullus erit labor.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,7,18,10,&quot;Judges&quot;)\">10<\/sup><span class=\"vtext\">Intrabimus ad securos, in regionem latissimam, tradetque nobis Dominus locum, in quo nullius rei est penuria eorum quæ gignuntur in terra.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,7,18,11,&quot;Judges&quot;)\">11<\/sup><span class=\"vtext\">Profecti igitur sunt de cognatione Dan, id est, de Saraa et Esthaol, sexcenti viri accincti armis bellicis,<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,7,18,12,&quot;Judges&quot;)\">12<\/sup><span class=\"vtext\">ascendentesque manserunt in Cariathiarim Judæ: qui locus ex eo tempore Castrorum Dan nomen accepit, et est post tergum Cariathiarim.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,7,18,13,&quot;Judges&quot;)\">13<\/sup><span class=\"vtext\">Inde transierunt in montem Ephraim. Cumque venissent ad domum Michæ,<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,7,18,14,&quot;Judges&quot;)\">14<\/sup><span class=\"vtext\">dixerunt quinque viri, qui prius missi fuerant ad considerandam terram Lais, ceteris fratribus suis: Nostis quod in domibus istis sit ephod, et theraphim, et sculptile, atque conflatile: videte quid vobis placeat.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,7,18,15,&quot;Judges&quot;)\">15<\/sup><span class=\"vtext\">Et cum paululum declinassent, ingressi sunt domum adolescentis Levitæ, qui erat in domo Michæ: salutaveruntque eum verbis pacificis.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,7,18,16,&quot;Judges&quot;)\">16<\/sup><span class=\"vtext\">Sexcenti autem viri ita ut erant armati, stabant ante ostium.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,7,18,17,&quot;Judges&quot;)\">17<\/sup><span class=\"vtext\">At illi, qui ingressi fuerant domum juvenis, sculptile, et ephod, et theraphim, atque conflatile tollere nitebantur, et sacerdos stabat ante ostium, sexcentis viris fortissimis haud procul expectantibus.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,7,18,18,&quot;Judges&quot;)\">18<\/sup><span class=\"vtext\">Tulerunt igitur qui intraverant sculptile, ephod, et idola, atque conflatile. Quibus dixit sacerdos: Quid facitis?<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,7,18,19,&quot;Judges&quot;)\">19<\/sup><span class=\"vtext\">Cui responderunt: Tace et pone digitum super os tuum: venique nobiscum, ut habeamus te patrem, ac sacerdotem. Quid tibi melius est, ut sis sacerdos in domo unius viri, an in una tribu et familia in Israël?<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,7,18,20,&quot;Judges&quot;)\">20<\/sup><span class=\"vtext\">Quod cum audisset, acquievit sermonibus eorum, et tulit ephod, et idola, ac sculptile, et profectus est cum eis.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,7,18,21,&quot;Judges&quot;)\">21<\/sup><span class=\"vtext\">Qui cum pergerent, et ante se ire fecissent parvulos ac jumenta, et omne quod erat pretiosum,<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,7,18,22,&quot;Judges&quot;)\">22<\/sup><span class=\"vtext\">et jam a domo Michæ essent procul, viri qui habitabant in ædibus Michæ conclamantes secuti sunt,<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,7,18,23,&quot;Judges&quot;)\">23<\/sup><span class=\"vtext\">et post tergum clamare cœperunt. Qui cum respexissent, dixerunt ad Micham: Quid tibi vis? cur clamas?<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,7,18,24,&quot;Judges&quot;)\">24<\/sup><span class=\"vtext\">Qui respondit: Deos meos, quos mihi feci, tulistis, et sacerdotem, et omnia quæ habeo, et dicitis: Quid tibi est?<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,7,18,25,&quot;Judges&quot;)\">25<\/sup><span class=\"vtext\">Dixeruntque ei filii Dan: Cave ne ultra loquaris ad nos, et veniant ad te viri animo concitati, et ipse cum omni domo tua pereas.<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,7,18,26,&quot;Judges&quot;)\">26<\/sup><span class=\"vtext\">Et sic cœpto itinere perrexerunt. Videns autem Michas quod fortiores se essent, reversus est in domum suam.<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,7,18,27,&quot;Judges&quot;)\">27<\/sup><span class=\"vtext\">Sexcenti autem viri tulerunt sacerdotem, et quæ supra diximus: veneruntque in Lais ad populum quiescentem atque securum, et percusserunt eos in ore gladii: urbemque incendio tradiderunt,<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,7,18,28,&quot;Judges&quot;)\">28<\/sup><span class=\"vtext\">nullo penitus ferente præsidium, eo quod procul habitarent a Sidone, et cum nullo hominum haberent quidquam societatis ac negotii. Erat autem civitas sita in regione Rohob: quam rursum exstruentes habitaverunt in ea,<\/span> <\/p>\n<p class=\"verse-para\"><sup class=\"vnum\" data-v=\"29\" onclick=\"loadParallel(1,7,18,29,&quot;Judges&quot;)\">29<\/sup><span class=\"vtext\">vocato nomine civitatis Dan, juxta vocabulum patris sui, quem genuerat Israël, quæ prius Lais dicebatur.<\/span> <\/p>\n<p class=\"verse-para\"><sup class=\"vnum\" data-v=\"30\" onclick=\"loadParallel(1,7,18,30,&quot;Judges&quot;)\">30<\/sup><span class=\"vtext\">Posueruntque sibi sculptile, et Jonathan filium Gersam filii Moysi ac filios ejus sacerdotes in tribu Dan, usque ad diem captivitatis suæ.<\/span> <\/p>\n<p class=\"verse-para\"><sup class=\"vnum\" data-v=\"31\" onclick=\"loadParallel(1,7,18,31,&quot;Judges&quot;)\">31<\/sup><span class=\"vtext\">Mansitque apud eos idolum Michæ omni tempore quo fuit domus Dei in Silo. In diebus illis non erat rex in Israël.<\/span> <\/p>\n<div class=\"bottom-nav\"><a href=\"\/vulgate\/1\/7\/17\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/7\/19\" class=\"nav-btn-lg nav-ajax\">Next &rsaquo;<\/a><\/div>\n","page_title":"Judges, Chapter 18 — Latin Vulgate","book_title":"Judges","toolbar_title":"Judges — Ch. 18","prev_url":"\/vulgate\/1\/7\/17","next_url":"\/vulgate\/1\/7\/19","tid":1,"book_id":7,"chapter":18,"num_chapters":21,"trans":"Vulgate","is_rtl":false,"strongs_data":{},"bsb_glosses":{},"book_name":"Judges","canonical_url":"https:\/\/accept.gift\/vulgate\/1\/7\/18","meta_desc":"In diebus illis non erat rex in Israël, et tribus Dan quærebat possessionem sibi, ut habitaret in ea: usque ad illum enim diem inter ceteras tribus sortem no…"}