{"reader_html":"<h1 class=\"chapter-heading\">Judges<span class=\"chapter-label\">Chapter 20<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,7,20,1,&quot;Judges&quot;)\">1<\/sup><span class=\"vtext\">Egressi itaque sunt omnes filii Israël, et pariter congregati, quasi vir unus, de Dan usque Bersabee, et terra Galaad, ad Dominum in Maspha.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,7,20,2,&quot;Judges&quot;)\">2<\/sup><span class=\"vtext\">Omnesque anguli populorum, et cunctæ tribus Israël in ecclesiam populi Dei convenerunt, quadringenta millia peditum pugnatorum.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,7,20,3,&quot;Judges&quot;)\">3<\/sup><span class=\"vtext\">(Nec latuit filios Benjamin quod ascendissent filii Israël in Maspha.) Interrogatusque Levita, maritus mulieris interfectæ, quomodo tantum scelus perpetratum esset,<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,7,20,4,&quot;Judges&quot;)\">4<\/sup><span class=\"vtext\">respondit: Veni in Gabaa Benjamin cum uxore mea, illucque diverti:<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,7,20,5,&quot;Judges&quot;)\">5<\/sup><span class=\"vtext\">et ecce homines civitatis illius circumdederunt nocte domum in qua manebam, volentes me occidere, et uxorem meam incredibili furore libidinis vexantes, denique mortua est.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,7,20,6,&quot;Judges&quot;)\">6<\/sup><span class=\"vtext\">Quam arreptam, in frustra concidi, misique partes in omnes terminos possessionis vestræ: quia numquam tantum nefas, et tam grande piaculum, factum est in Israël.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,7,20,7,&quot;Judges&quot;)\">7<\/sup><span class=\"vtext\">Adestis, omnes filii Israël: decernite quid facere debeatis.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,7,20,8,&quot;Judges&quot;)\">8<\/sup><span class=\"vtext\">Stansque omnis populus, quasi unius hominis sermone respondit: Non recedemus in tabernacula nostra, nec suam quisquam intrabit domum:<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,7,20,9,&quot;Judges&quot;)\">9<\/sup><span class=\"vtext\">sed hoc contra Gabaa in commune faciamus.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,7,20,10,&quot;Judges&quot;)\">10<\/sup><span class=\"vtext\">Decem viri eligantur e centum ex omnibus tribubus Israël, et centum de mille, et mille de decem millibus, ut comportent exercitui cibaria, et possimus pugnare contra Gabaa Benjamin, et reddere ei pro scelere, quod meretur.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,7,20,11,&quot;Judges&quot;)\">11<\/sup><span class=\"vtext\">Convenitque universus Israël ad civitatem, quasi homo unus eadem mente, unoque consilio.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,7,20,12,&quot;Judges&quot;)\">12<\/sup><span class=\"vtext\">Et miserunt nuntios ad omnem tribum Benjamin, qui dicerent: Cur tantum nefas in vobis repertum est?<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,7,20,13,&quot;Judges&quot;)\">13<\/sup><span class=\"vtext\">Tradite homines de Gabaa, qui hoc flagitium perpetrarunt, ut moriantur, et auferatur malum de Israël. Qui noluerunt fratrum suorum filiorum Israël audire mandatum:<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,7,20,14,&quot;Judges&quot;)\">14<\/sup><span class=\"vtext\">sed ex cunctis urbibus, quæ sortis suæ erant, convenerunt in Gabaa, ut illis ferrent auxilium, et contra universum populum Israël dimicarent.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,7,20,15,&quot;Judges&quot;)\">15<\/sup><span class=\"vtext\">Inventique sunt viginti quinque millia de Benjamin educentium gladium, præter habitatores Gabaa,<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,7,20,16,&quot;Judges&quot;)\">16<\/sup><span class=\"vtext\">qui septingenti erant viri fortissimi, ita sinistra ut dextra præliantes: et sic fundis lapides ad certum jacientes, ut capillum quoque possent percutere, et nequaquam in alteram partem ictus lapidis deferretur.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,7,20,17,&quot;Judges&quot;)\">17<\/sup><span class=\"vtext\">Virorum quoque Israël, absque filiis Benjamin, inventa sunt quadringenta millia educentium gladium, et paratorum ad pugnam.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,7,20,18,&quot;Judges&quot;)\">18<\/sup><span class=\"vtext\">Qui surgentes venerunt in domum Dei, hoc est, in Silo: consulueruntque Deum, atque dixerunt: Quis erit in exercitu nostro princeps certaminis contra filios Benjamin? Quibus respondit Dominus: Judas sit dux vester.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,7,20,19,&quot;Judges&quot;)\">19<\/sup><span class=\"vtext\">Statimque filii Israël surgentes mane, castrametati sunt juxta Gabaa:<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,7,20,20,&quot;Judges&quot;)\">20<\/sup><span class=\"vtext\">et inde procedentes ad pugnam contra Benjamin, urbem oppugnare cœperunt.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,7,20,21,&quot;Judges&quot;)\">21<\/sup><span class=\"vtext\">Egressique filii Benjamin de Gabaa, occiderunt de filiis Israël die illo viginti duo millia virorum.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,7,20,22,&quot;Judges&quot;)\">22<\/sup><span class=\"vtext\">Rursum filii Israël et fortitudine et numero confidentes, in eodem loco in quo prius certaverant, aciem direxerunt:<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,7,20,23,&quot;Judges&quot;)\">23<\/sup><span class=\"vtext\">ita tamen ut prius ascenderent et flerent coram Domino usque ad noctem, consulerentque eum, et dicerent: Debeo ultra procedere ad dimicandum contra filios Benjamin fratres meos, an non? Quibus ille respondit: Ascendite ad eos, et inite certamen.<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,7,20,24,&quot;Judges&quot;)\">24<\/sup><span class=\"vtext\">Cumque filii Israël altera die contra filios Benjamin ad prælium processissent,<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,7,20,25,&quot;Judges&quot;)\">25<\/sup><span class=\"vtext\">eruperunt filii Benjamin de portis Gabaa: et occurrentes eis tanta in illos cæde bacchati sunt, ut decem et octo millia virorum educentium gladium prosternerent.<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,7,20,26,&quot;Judges&quot;)\">26<\/sup><span class=\"vtext\">Quam ob rem omnes filii Israël venerunt in domum Dei, et sedentes flebant coram Domino: jejunaveruntque die illo usque ad vesperam, et obtulerunt ei holocausta, atque pacificas victimas,<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,7,20,27,&quot;Judges&quot;)\">27<\/sup><span class=\"vtext\">et super statu suo interrogaverunt. Eo tempore ibi erat arca fœderis Dei,<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,7,20,28,&quot;Judges&quot;)\">28<\/sup><span class=\"vtext\">et Phinees filius Eleazari filii Aaron præpositus domus. Consuluerunt igitur Dominum, atque dixerunt: Exire ultra debemus ad pugnam contra filios Benjamin fratres nostros, an quiescere? Quibus ait Dominus: Ascendite: cras enim tradam eos in manus vestras.<\/span> <\/p>\n<p class=\"verse-para\"><sup class=\"vnum\" data-v=\"29\" onclick=\"loadParallel(1,7,20,29,&quot;Judges&quot;)\">29<\/sup><span class=\"vtext\">Posueruntque filii Israël insidias per circuitum urbis Gabaa:<\/span> <\/p>\n<p class=\"verse-para\"><sup class=\"vnum\" data-v=\"30\" onclick=\"loadParallel(1,7,20,30,&quot;Judges&quot;)\">30<\/sup><span class=\"vtext\">et tertia vice, sicut semel et bis, contra Benjamin exercitum produxerunt.<\/span> <\/p>\n<p class=\"verse-para\"><sup class=\"vnum\" data-v=\"31\" onclick=\"loadParallel(1,7,20,31,&quot;Judges&quot;)\">31<\/sup><span class=\"vtext\">Sed et filii Benjamin audacter eruperunt de civitate, et fugientes adversarios longius persecuti sunt, ita ut vulnerarent ex eis sicut primo die et secundo, et cæderent per duas semitas vertentes terga, quarum una ferebatur in Bethel et altera in Gabaa, atque prosternerent triginta circiter viros:<\/span> <\/p>\n<p class=\"verse-para\"><sup class=\"vnum\" data-v=\"32\" onclick=\"loadParallel(1,7,20,32,&quot;Judges&quot;)\">32<\/sup><span class=\"vtext\">putaverunt enim solito eos more cedere. Qui fugam arte simulantes inierunt consilium ut abstraherent eos de civitate, et quasi fugientes ad supradictas semitas perducerent.<\/span> <\/p>\n<p class=\"verse-para\"><sup class=\"vnum\" data-v=\"33\" onclick=\"loadParallel(1,7,20,33,&quot;Judges&quot;)\">33<\/sup><span class=\"vtext\">Omnes itaque filii Israël surgentes de sedibus suis, tetenderunt aciem in loco qui vocatur Baalthamar. Insidiæ quoque, quæ circa urbem erant, paulatim se aperire cœperunt,<\/span> <\/p>\n<p class=\"verse-para\"><sup class=\"vnum\" data-v=\"34\" onclick=\"loadParallel(1,7,20,34,&quot;Judges&quot;)\">34<\/sup><span class=\"vtext\">et ab occidentali urbis parte procedere. Sed et alia decem millia virorum de universo Israël, habitatores urbis ad certamina provocabant. Ingravatumque est bellum contra filios Benjamin: et non intellexerunt quod ex omni parte illis instaret interitus.<\/span> <\/p>\n<p class=\"verse-para\"><sup class=\"vnum\" data-v=\"35\" onclick=\"loadParallel(1,7,20,35,&quot;Judges&quot;)\">35<\/sup><span class=\"vtext\">Percussitque eos Dominus in conspectu filiorum Israël, et interfecerunt ex eis in illo die viginti quinque millia, et centum viros, omnes bellatores et educentes gladium.<\/span> <\/p>\n<p class=\"verse-para\"><sup class=\"vnum\" data-v=\"36\" onclick=\"loadParallel(1,7,20,36,&quot;Judges&quot;)\">36<\/sup><span class=\"vtext\">Filii autem Benjamin cum se inferiores esse vidissent, cœperunt fugere. Quod cernentes filii Israël, dederunt eis ad fugiendum locum, ut ad præparatas insidias devenirent, quas juxta urbem posuerant.<\/span> <\/p>\n<p class=\"verse-para\"><sup class=\"vnum\" data-v=\"37\" onclick=\"loadParallel(1,7,20,37,&quot;Judges&quot;)\">37<\/sup><span class=\"vtext\">Qui cum repente de latibulis surrexissent, et Benjamin terga cædentibus daret, ingressi sunt civitatem, et percusserunt eam in ore gladii.<\/span> <\/p>\n<p class=\"verse-para\"><sup class=\"vnum\" data-v=\"38\" onclick=\"loadParallel(1,7,20,38,&quot;Judges&quot;)\">38<\/sup><span class=\"vtext\">Signum autem dederant filii Israël his quos in insidiis collocaverant, ut postquam urbem cepissent, ignem accenderent: ut ascendente in altum fumo, captam urbem demonstrarent.<\/span> <\/p>\n<p class=\"verse-para\"><sup class=\"vnum\" data-v=\"39\" onclick=\"loadParallel(1,7,20,39,&quot;Judges&quot;)\">39<\/sup><span class=\"vtext\">Quod cum cernerent filii Israël in ipso certamine positi (putaverunt enim filii Benjamin eos fugere, et instantius persequebantur, cæsis de exercitu eorum triginta viris),<\/span> <\/p>\n<p class=\"verse-para\"><sup class=\"vnum\" data-v=\"40\" onclick=\"loadParallel(1,7,20,40,&quot;Judges&quot;)\">40<\/sup><span class=\"vtext\">et viderent quasi columnam fumi de civitate conscendere: Benjamin quoque aspiciens retro, cum captam cerneret civitatem, et flammas in sublime ferri:<\/span> <\/p>\n<p class=\"verse-para\"><sup class=\"vnum\" data-v=\"41\" onclick=\"loadParallel(1,7,20,41,&quot;Judges&quot;)\">41<\/sup><span class=\"vtext\">qui prius simulaverant fugam, versa facie fortius resistebant. Quod cum vidissent filii Benjamin, in fugam versi sunt,<\/span> <\/p>\n<p class=\"verse-para\"><sup class=\"vnum\" data-v=\"42\" onclick=\"loadParallel(1,7,20,42,&quot;Judges&quot;)\">42<\/sup><span class=\"vtext\">et ad viam deserti ire cœperunt, illuc quoque eos adversariis persequentibus: sed et hi qui urbem succenderant, occurrerunt eis.<\/span> <\/p>\n<p class=\"verse-para\"><sup class=\"vnum\" data-v=\"43\" onclick=\"loadParallel(1,7,20,43,&quot;Judges&quot;)\">43<\/sup><span class=\"vtext\">Atque ita factum est, ut ex utraque parte ab hostibus cæderentur, nec erat ulla requies morientium. Ceciderunt, atque prostrati sunt ad orientalem plagam urbis Gabaa.<\/span> <\/p>\n<p class=\"verse-para\"><sup class=\"vnum\" data-v=\"44\" onclick=\"loadParallel(1,7,20,44,&quot;Judges&quot;)\">44<\/sup><span class=\"vtext\">Fuerunt autem qui in eodem loco interfecti sunt, decem et octo millia virorum, omnes robustissimi pugnatores.<\/span> <\/p>\n<p class=\"verse-para\"><sup class=\"vnum\" data-v=\"45\" onclick=\"loadParallel(1,7,20,45,&quot;Judges&quot;)\">45<\/sup><span class=\"vtext\">Quod cum vidissent qui remanserant de Benjamin, fugerunt in solitudinem: et pergebant ad petram, cujus vocabulum est Remmon. In illa quoque fuga palantes, et in diversa tendentes, occiderunt quinque millia virorum. Et cum ultra tenderent, persecuti sunt eos, et interfecerunt etiam alia duo millia.<\/span> <\/p>\n<p class=\"verse-para\"><sup class=\"vnum\" data-v=\"46\" onclick=\"loadParallel(1,7,20,46,&quot;Judges&quot;)\">46<\/sup><span class=\"vtext\">Et sic factum est, ut omnes qui ceciderant de Benjamin in diversis locis essent viginti quinque millia pugnatores ad bella promptissimi.<\/span> <\/p>\n<p class=\"verse-para\"><sup class=\"vnum\" data-v=\"47\" onclick=\"loadParallel(1,7,20,47,&quot;Judges&quot;)\">47<\/sup><span class=\"vtext\">Remanserunt itaque de omni numero Benjamin, qui evadere et fugere in solitudinem potuerunt, sexcenti viri: sederuntque in petra Remmon mensibus quatuor.<\/span> <\/p>\n<p class=\"verse-para\"><sup class=\"vnum\" data-v=\"48\" onclick=\"loadParallel(1,7,20,48,&quot;Judges&quot;)\">48<\/sup><span class=\"vtext\">Regressi autem filii Israël, omnes reliquias civitatis a viris usque ad jumenta gladio percusserunt, cunctasque urbes et viculos Benjamin vorax flamma consumpsit.<\/span> <\/p>\n<div class=\"bottom-nav\"><a href=\"\/vulgate\/1\/7\/19\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/7\/21\" class=\"nav-btn-lg nav-ajax\">Next &rsaquo;<\/a><\/div>\n","page_title":"Judges, Chapter 20 — Latin Vulgate","book_title":"Judges","toolbar_title":"Judges — Ch. 20","prev_url":"\/vulgate\/1\/7\/19","next_url":"\/vulgate\/1\/7\/21","tid":1,"book_id":7,"chapter":20,"num_chapters":21,"trans":"Vulgate","is_rtl":false,"strongs_data":{},"bsb_glosses":{},"book_name":"Judges","canonical_url":"https:\/\/accept.gift\/vulgate\/1\/7\/20","meta_desc":"Egressi itaque sunt omnes filii Israël, et pariter congregati, quasi vir unus, de Dan usque Bersabee, et terra Galaad, ad Dominum in Maspha. Omnesque anguli…"}